2 Samuil 16:12 - DAWAN BÎLA AISKA

¹² Ban kra Dawan lika yang trabilki nani kaikbia, bara naiwa saura ai win walisna na watlika ra, yamnika nani blîkbia.

2 Samuil 16:12 ပူးပေါင်းရင်းမြစ်များ

2 Samuil 16:13

Debit ai uplika nani aikuki, ai kan kat wapi kan. Simí sin il plahpia bâk wan, Debit wal ai tnaya kat lahtubi, walpa lulki, pukpuka buki.

2 King Nani 19:4

Ban kra Dawan man Gâdkam ba walan baku sa, Asiria kingka bui ai wihta tara kum saki blikan Gâd rayakira ra lahtubaia bara sturi saura nani wiaia, Dawan Gâdkam ba bui naha uplika nani ra klala yabia, baha aisanka yamni apia nani Dawan mapara aisan ba tâwan. Witin nani ai tila kat kau kum kum takaskan bâra sa, baha nani dukiara puram suns.”

Lawana Nani 10:14

Man bui kaikisma, saura munaia, watawika lâka bri ba; man baha kaikisma, ¡witin nani briaia ba, pana man bui witin nani ra yama! Hilpkas uplika nani ba, ai lâka man mihtam ra mangki swisa; man sika rau takan nani ba hilpka aimakisma.

Lawana Nani 109:28

Kupi lukras witin nani saura ai wibia kra, man yamni ai munisma kaka. Witin nani ai swira takbia, man nampakan na lilia takisa ba ra.

Lawana Nani 132:1

Dawan, Dawan, Debit ra kupiam krauki bas, pât nani wahwan ba sin;

Lawana Nani 25:18

Yang sari sna, wark nani brisna ba kaiks, bara yang saurki wina sin klir ai sâks.

Sins Lâka 25:22

baku daukma bâra mika waihlam mawan ba swira lâka ni angkma, bara Dawan mita aibapbia.

Sins Lâka 26:2

Tininiska namhpa namhpa pâli watla tauki ba baku, tânkas lahtubanka ba ban taukisa, kuna diara takras sa.

Aiseya 27:7

Israel tataibra nani ra, Gâd mita klala yan ba baku Israel ra lika klala yaras, Israel ra ikan nani ra ikan ba baku sin witin bui Israel ra lika ikras.

Joel 2:14

Ban kra witin, man nani ra kli lukbia ba ra, kau ban klala maiki kabia apia, sakuna ai yamnika ni, puramra blîkbia: plun mâ nani, wain sin blîkbia, Dawan Gâdkam ra prisant nani dauki yabaia dukiara.

Roman 8:28

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

2 Korint 4:17

Kan pât nani nahara wahwi ba lika diara wirha apia bara isti luisa, bara tnata ra prana ban kaia ba manis pali wankisa.

Kli Smalkanka 23:5

Sakuna Dawan Gâdkam Balaam ra walras kan, sakuna ai lahtubanka ba lamtwan ba mita, witin mita yamni ra lakan man nani dukiamra.

Kli Smalkanka 23:6

Witin nani dukiara wisi, kupia kumi bara painka sin plikpara rayakam aiska ra.

2 Tesalonaika 1:7

bara man nani pât wahwisma ba ra ris maikbia, yang nani ra sin. Naha ba takan kabia, Dawan Jisas kasbrika pura ba wina, pauta klauhi tilara bara ai insalka karnakira nani aikuki latan bal takbia piua ra.

Hibru Nani 12:10

Wan aisika nani tasba ra ba bui piu wiria baman wan wapnika mangki kan, witin nani aitani lukan ba kat. Sakuna Gâd lika wan painka dukiara wapni wan mangkisa, witin holikira ba baku yawan sin holikira nani wan daukaia dukiara.

1 Samuil 1:11

bara Dawan ra witin pramis daukan: “Dawan karnika sut pali brisma ba, albikam mairin kupia kriwan na maisa nihkaia yamni lukisma kaka, yang ra luks bara luhpa waitna kum aik, bara ai rayaka yua nani sut ra witin ba man warkkam ra maikamna, bara tukinka ba lika ai tâwa ba klakan kabia apia.”