2 Samuil 16:10 - DAWAN BÎLA AISKA

¹⁰ Sakuna king ba pana win: —Seruiá luhpia nani, naha lâka na man nani mita daukaia apia sma. Witin bui yang ra laihtubisa kaka, Dawan bui baku witin ra adar yan ba mita sika. Bara baku sa kaka, ¿ya sip sa ki witin ra diara tânka makabi walaia witin dauki ba?

2 Samuil 16:10 ပူးပေါင်းရင်းမြစ်များ

Blasi Sturka 50:20

Man nani bui yang ra saura ai munaia luki daukram, sakuna Gâd lika man nani lukankam saura ba wina diara yamni ra lakan ba naiwa man nani kaikisma. Yang na upla ailal rayaka ba swaki sakaia ai mangkan.

2 Samuil 19:22

Sakuna Debit pana win: —¡Seruiá luhpia nani, naha na man nani daukaia lâka apia sa! ¿Dîa kan maipara buisma? Aman daira walisna yang na Israel kingka sna, bamna naiwa yua ra Israel kumi sin prubia apia.

2 Samuil 19:23

Ningkara Simí ra tawi aisin, witin ra swer takan witin prubia apia.

2 Samuil 3:39

Baha mita, Gâd bâk ai saki king ai mangkan, ban sakuna swapni ai sakan daira walisna, Seruiá luhpia nani baku pali saurka tara daukan ba mita. ¡Naha watawika lâka na ya pali mita daukan ba, witin ai mana dîa briaia kan ba aitani sa Dawan bui witin ra yabia!

1 King Nani 17:18

Bamna piarka ba Ilayas ra win: —¿Man wal yang dîa daukaia sna, Gâd waitnika sma ba? ¿Balram sa saurki nani dukiara kupi kraukaia, bara luhpi ba sin yarka pruaia?

1 King Nani 2:5

“Man lika pain kaikaia sma Joab Seruiá luhpia dîa ai munan ba, wibia kaka, Israel war wihtka tara wâl ra daukan ba: Abner, Ner luhpia ra, bara Amasá, Jéter luhpia wal ra ikan. War piua ra ikan ba mana, kupia kumi bri na piua ra pana tâlia laikan. Baha war ra ikata ba, baha yang purira kahbisa.

2 King Nani 18:25

Baha purkara, ¿man ban kra lukisma yang naha pliska ra aiklabi sauhki tikaia balri na, Dawan ba luha taukisna? ¡Dawan ba yang ra adar aikan sa, aiklabi sauhki mai tikaisna ba!’

Job 9:12

Witin diara kum dawanka takbia kaka, ¿ya sip sa makabaia dîa witin dauki ba dukiara?

Lawana Nani 39:9

“Yang bîlas baku, diara aisaras kapri kan, man sut daukisma bamna.

Smasmalkra 8:4

King bîla ba tnata prakaia karnika brisa, bara upla kumi sin baha daukanka dukiara makabi walbia apia.

Inanka Nani 3:37

Ahkia piua ra diara kum aisisa ba ra, diara kum takisa ba ra, baha lika Dawan adarka sa.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Matiu 16:23

Sakuna Jisas kir tawi, Pita ra win: —¡Sitan, yang wina taki was, kan yang maipara mini batakaika pali sma! Man ba upla nani baku lukisma, Gâd luki baku lika apia.

Matiu 8:29

Bara ai bîla baikra tara wini banhwan: —Jisas, Gâd Luhpia, ¿dîa kan yang nani tilira dimisma ki? ¿Kau piua aimakras kan, yang nani ra rau ai sauhkaia balram ki?

Jan 18:11

Sakuna Jisas mita Pita ra win: —Man sordkam ba kli ai watlika ra mangks. ¿Man lukisma Aisa mita pât wahwamna wisi aikan ba, ban wahwaia apia sna?

Roman 9:20

Bara man, upla, ¿man ba ya sma Gâd mapara unsabaisma ba? ¿Slaubla dakawa bui ai papaskra ra sip sa ki wiaia: “Dîa kan naku pali ai paskram?”

1 Pita 2:23

Witin ra lahtubi kan ba ra, pana lahtuban kumi sin aisaras kata; pât nani yaban wahwi kan ba ra, pana witin mita saura munaia wiras kata, sakuna ai tânka nani ba Gâd mihta ra mangki kan, witinka kasakka lâka kat lâ dauki ba.

1 Samuil 26:19

Yang bui king ra puri sunisni, man albikam aisinka na wals: Dawan bui king ba yang maipara blikisa kaka, prisantka kum yabrika bribia kaka lilia kamna; sakuna waitna bui daukisa kaka, Dawan bui lahtubia. Kan nanara Dawan tasbaya wina saki ai lulkan, bara baku plaitukbisa gâd bahki nani dukia daukaia.