2 Samuil 15:7 - DAWAN BÎLA AISKA

⁷ Mani walhwal alkan ba ra, Absalón king ra win: —Yang bui king ra mamkabisni, ai swika Hebrón ra wamna, Dawan ra pramis takri ba bîli kat daukaia.

2 Samuil 15:7 ပူးပေါင်းရင်းမြစ်များ

2 Samuil 3:2

Debit Hebrón ra kan ba ra luhpia nani baikan ba naha nani kata: Tawahkia ba Amnón, Ahinóam Jezreel wina ba luhpia waitna;

2 Samuil 3:3

ningkara ba Quilab, Abigail Carmel wina, Nabal piarkika luhpia waitna; yumhpika ba Absalón, yaptika Maacá, king Talmai Guesur wina ba luhpia mairin;

Sins Lâka 21:27

Watawikira nani daiwan iki angki dauki ba ra, Dawan mita saura pali kaikisa; kan aiska witin nani ai kupia lukra saura wal brih aula bamna.

Aiseya 58:4

Kaiks man nani baha yua ra blahwi unsaban daukisma pana pana unsabaia mata, kaiki plun wahwisma, bara mihtam kruski watawi lâka ra uplikam ra prukaia dukiara sin. ¿Man nani lukisma baha sut kaiki plun wahwaia yua ra daukisma ba puram sunra ba walamna lukisma?

Matiu 2:8

Bara witin nani ba Betlehem ra blikan wan, bara naku win: —Man nani bahara was, bara tukta ba tânka pain pali makabi wals, sâkma ba ra, bal maisi paks, bara yang sin wih mayunamna.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

1 Samuil 16:13

Bara Samuil batana laya batilka ba brin, bara muihni nani kaiki kan, wahma ba batana laiki king mangkan, ai nina Debit mâki kan ba. Baha awarka yua wina, Dawan spiritka karnika ba Debit wal kan. Baha warkka sut luan ba ra, Samuil witin nani lakula dauki si Ramá ra wan.