2 Samuil 15:14 - DAWAN BÎLA AISKA

¹⁴ Bara Debit wihta tara nani sut witin wal Jerusalem ra bâra kan ba, witin nani ra adar yan: —¡Kaisa nanara pali yawan sut mahka plapbia, apia kaka yawan Absalón mihta wina sip swak takbia apia! ¡Kaisa, aihni muns, apia kaka wan alkbia bara tawanka na kat yawan sut sord ni wan ikbia!

2 Samuil 15:14 ပူးပေါင်းရင်းမြစ်များ

2 Samuil 12:11

Yang Dawan, param aisisni: Yang daukamna man pali wamtla bîla wina, saura ba man mampara takbia, man pali mamwanra mairkam nani ba brimna bara tamya kumika ra yabamna witinka wal yapbia, yu lapta ingnika param pali ba kat.

2 Samuil 15:15

Witin nani pana king ra win: —Yang nani sut nâra ridi sna, king tara ba dîa daukaia wan wibia ba daukaia.

2 Samuil 19:10

Absalón ba yawan yamni muni wan kingka mangkata ba, nanara witin war ra pruan. ¿Yawan dîa bîla kaikisa? ¿Bamna yawan dîa kan diara kum daukras, king Debit ba kli yawan ra yaka balaia dukiara?”

2 Samuil 19:9

Bara Israel kiamka nani sut ai tilara aisi blahwi kan: “King Debit ba wan waihla nani kingka lâka wina pri wan saki kan, filisteo nani mihta wina sin; ban sakuna, Absalón daukanka sîa lika kuntri ba swi plapaia kan.

Lawana Nani 51:18

Saion ra yamni muns, kupiam aiska ba kira; Jerusalem kutbanka nani ba kli paskaia.

Isikiel 46:18

Tâ bri ba upla kumi dukia dakbaia apia sa. Dîa ai luhpia ai dukia baku yabuya ba, ai dukia ba wina yabaia sa; baku upla kum sin diara luha kabia apia, yakabrira sin takbia apia.”

Matiu 11:12

“Jan Tatahbra balan wina naiwa yua kat, kasbrika purara ba King aimaki lâka ba pât wahwisa, bara upla nani mita ai karnika ni pura lui ai mihta ra briaia lukisa.

Luk 10:15

Bara man, Kapernaum tawanka, ¿lukisma ki man ba purara mai bukan kabia kasbrika pura ba kat? ¡Man lika tasba mununhtara mai alahban kabia, pruan nani tasbaya kat!”