2 Samuil 15:12 - DAWAN BÎLA AISKA

¹² Baku sin Absalón, Debit waitnika lâ kakaira nani ba tila wina, kumika nina Ahitófel ai tawanka Guiló ra iwi kan ba, baha sin paiwan ai tilara kaia, witin sakripais dauki ba ra. Baku bamna, mapara baku ra daknika ba kau ban ai karnika alki auya kan, Absalón nina blablikra nani ba sin kau ailal taki kan.

2 Samuil 15:12 ပူးပေါင်းရင်းမြစ်များ

2 Samuil 15:31

Upla nani wina kumika Debit ra win, Ahitófel ba sin kumika Absalón wal prawi ai mapara buisa. Debit bui Dawan ra ai pura sunan, Ahitófel daukaia luki ba sut yaka bahki ra tawbia.

2 Samuil 16:15

Baku kan ba ra, Absalón ba Jerusalem ra diman Israel luhpia nani aikuki bara Ahitófel sin.

2 Samuil 17:14

Israel luhpia nani sut bara Absalón sin, Husai lukanka ba kau aitani kulkan, Ahitófel lukanka ba baku apia. (Baha sika Dawan bui baha lukanka ba yan Ahitófel daukaia lukan ba bahki ra lakaia, bara Absalón purara pâtka ba kauhaia.)

2 Samuil 17:23

Ahitófel kaikan witin diara daukaia lukan ba baku sip takras kan, witin ai birikuka ba satil mangki uli ai watla ra wan; bara witin ai tawanka ra ai watla bîla dukia nani sut wapnika mangki si, ailangki pruan. Baku pruan, bara bri si ai papika raitika ra bikan.

2 Samuil 23:34

Elifélet, Ahasbai luhpia, Maacá wina ba luhpia; Eliam, Ahitófel luhpia, Guiló wina;

1 King Nani 21:12

Bara plun kaiki piaia apia ba dukiara maisa pakan, bara Nabot ba upla nani mawanra yan buan.

1 King Nani 21:9

Bara wauhkataya nani ulban kan ba naku kata: “Maisa paki banhs plun piaia apia, bara Nabot ba upla nani mawanra mangks.

1 Kronikas 27:33

Baku sin Ahitófel lika king kupia krakraukra kan, bara Husai, arquita ba lika, king pânika kan.

Lawana Nani 41:10

Sakuna, Dawan, man umpira ai kaiki bas; dîa dauki ba mana man bui witin nani ra yas.

Lawana Nani 41:9

Upliki kau yamni, upliki aihwa pali kulki katna ba, yang wal iwi plun pi kata ba sin, yang maipa buan.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 21:27

Watawikira nani daiwan iki angki dauki ba ra, Dawan mita saura pali kaikisa; kan aiska witin nani ai kupia lukra saura wal brih aula bamna.

Jirimaya 6:20

¿Dîa muni man nani Sabá wina kîa pain angkaia dukia nani ba bri sal aikisma, laih tasba wala wina dus wahia kîa pain nani bri balisma? Daiwan aiska angkisma ba yang yamni kaikras, sakripais wala nani daukisma ba sin.”

Kulki Kaikanka 23:1

Bamna Balaam bui Balac ra win: —Man nani nâra 7 altar paski, bîp wainhka 7, sîp wainhka 7 bri sal aik.

Kulki Kaikanka 23:14

Bara Balac bui Balaam ba Sofim twiya ra brih wan, Pisgá ilka bahna ra; bahara altar 7 paskan bara bîp wainhka 7, sîp sin 7 angkan.

Kulki Kaikanka 23:30

Balac lika Balaam mita dîa daukaia win ba kat dauki yan, bamna altar kumi bani purara bîp kum bara sîp kum angkan.

Jan 13:18

“Man nani sut dukiamra lika aisaras sna, kan yang kaikisna ani uplika nani ba bâk saki briri ba. Ban sakuna, Ulbanka dîa aisi ba sut aimakaia sa: ‘Yang wal plun pi ba maipara buan sa.’

Taitus 1:16

Witin nani bila Gâd ra kakaira nani wisa, sakuna ai daukanka nani ba ni lika apia wisa. Witin nani ba uya saura pali baman sa, sip bawras uplika nani bara wark yamni kumi sin daukaia aitani apia banhwisa.

Jasua 15:51

Gosen, Holón bara Guiló, wibia kaka tawan tara 11 ai tawanka sirpi nani kira.