2 Samuil 14:17 - DAWAN BÎLA AISKA

¹⁷ King tara, yang warkkam dadaukra mairin, man pana dîa wima ba walaia bîla kaikisna kupi âuyapah briaia. King tara, man ba tnaya bani ra laki kaikisma, yamni bara saura ba, sim Gâd insalka baku. ¡Baku sin, king tara, Dawan Gâd ba man wal kabia!

2 Samuil 14:17 ပူးပေါင်းရင်းမြစ်များ

2 Samuil 14:18

King ba pana mairin ra win: —Yang bui man ra mamkabi waluna na wina, diara kumi sin yang wina yukukpara. Mairin ba pana win: —King, aisas.

2 Samuil 14:20

Sakuna witin naha daukan ba, diara nani taki ba tânka ba wiria natka wala ra lakaia dukiara. Ban sakuna, king tara ba sinskira pali sa, Dawan insalka kum baku sa, naha kuntrika diara nani taki ba tânka ba sut brisa.

2 Samuil 19:27

Witin ba yang dukira king ra nini sauhkan. Ban sakuna, king ba Gâd insalka kum baku sa, bamna man dauks nahki kau yamni kaikisma ba kat.

2 Samuil 19:28

King tara, man mamwanra yang papiki luhpia nani sut ba pruaia aitani pali kan. Naha man albikam na paiwram kan king tibilkam ra iwi plun piaia. ¿Kau dîa wala king tara ra makabaia sip sna ki?

1 King Nani 3:28

Bara Israel aiska king lâ daukan ba walan, bara king ra sibrin taki banhwata, kan kaiki banhwan Gâd wina sinska lâka brin lâ kasak ba aisi daukaia dukiara.

1 King Nani 3:9

Baku bamna, aik kupi ra sins lâka, bara baku lika sip kamna tâ briaia uplikam lâka wapni kat aisi dauki kaia, saura yamni ba tânka pain bri kaia. ¿Bamna uplikam nani ailal pali na ya sip kabia ki tâ briaia?”

Job 6:30

¿Dîa ban kra lukisma, yang na kuninkira kum sna, dîa aisisna ba tânka sip briras sna?

Sins Lâka 27:21

Gul bara silbar ra, pauta klauhan mita angki kaikisa; upla ra lika mayunra dauki mita laki kaikisa.

Sins Lâka 29:5

Ya piu bani ai uplika mayuni ba, witin kainara mina alkaika kahbisa.

Hibru Nani 5:14

Sakuna plun karna ba lika upla aitani pâwan nani dukia sa, kan witinka nani ba ai dara walaia lan, bara pat kaikisa wiaia: naha na pain bara naha na saura sa.

Jasua 1:17

Bîlam wali dauki kamna, yang nani bui Moses bîla wali dauki kapri baku. Diara kumi baman brin wan daukisa, mamkabisna Dawan Gâdkam ba man wal kabia, Moses lamara ban kan ba baku.

1 Samuil 29:9

Aquís pana win: —Yang kasak daira walisna man lika Gâd insalka kum baku yamni sma. Sakuna filisteo nani war wihtka nani ba aitani lukras sa man sin war ra dimaia.