2 Samuil 13:39 - DAWAN BÎLA AISKA

³⁹ ban sakuna baha pruanka dukiara ai maisa nihkra brin bara ai luhpia Absalón ba kaikaia brin pali dauki kan.

2 Samuil 13:39 ပူးပေါင်းရင်းမြစ်များ

Blasi Sturka 24:67

Baha ningkara Aisak bui Rebeca brih wan ai yaptika Sara tintka watla ra, bara witin wal ai maya takan. Aisak Rebeca latwan pali kaikan bara witin ai yaptika pruan kan sakuna, baku ai maisa nihkra ba brin.

Blasi Sturka 31:30

Sakuna yang kaikisna man aisikam watla ra kli tawi wan pali mai daukisa, baha mita man mahka taki balram, ¿sakuna dîa muni man bui yang gâdki nani ba implikram?

Blasi Sturka 37:35

Ai luhpia waitna, ai luhpia mairin nani sut ai aisika maisa nihkaia trai kaikan, sakuna ai luhpia nani ba witin ai maisa nihki ba brin daukras kan. Witin ai luhpia dukiara kau ini bara naku aisi kan: “Luhpi sarka brih ini ban kamna, yang pruan nani tilara wih, witin wal prawamna ba kat.”

Blasi Sturka 38:12

Piua nani luan ba tilara Juda maya, Súa luhpia mairin ba pruan. Juda ai sarka tara brih luan ba ningkara, Timnat tawanka ra wan. Bahara witin ai sîpka nani bri kan ba ra, ai pânika Hirá, Adulam wina ba sin aikuki wan. Sîp taya irbaia uplika nani ba bâra kan.

2 Samuil 14:1

Joab, Seruiá luhpia ba, witin kaiki kan king ba Absalón dukiara luki pali kan ba.

Lawana Nani 119:20

Man lâ aisi daukram nani ba, tânka kaikaia brin ai dauki ba mita, kupi ba kriwan, taibi ai munisa awar bani ra.

Lawana Nani 84:2

¡Tempelkam watla kutbanka painkira ba ra kaia, nahki brin ai daukisa! ¡Kupi aiska kira ni lilia aiwanisni rayaki Gâdka ra!

Kli Smalkanka 28:32

Mamwan wina luhpiam nani alki upla tringsar ra yabia, bara awar bani ra wih kaiki kan mai daukbia, kuna yabal âpu kama.

Pilipai 2:26

Witin ba man nani sut mai kaikan daukisa, bara uya lukisa witin ba siknis sa sturka wali banhram ba dukiara.