2 Samuil 12:13 - DAWAN BÎLA AISKA

¹³ Debit ba Natán mawan ra win, rait witin saura daukan: —Dawan mapara yang saura daukri. Bara Natán pana witin ra win: —Man saurkam ba dukiara Dawan bui man ra klala maikbia apia, man sin pruma apia.

2 Samuil 12:13 ပူးပေါင်းရင်းမြစ်များ

Blasi Sturka 39:9

Naha watla bilara upla wala yang wal kau tara wala âpu sa, man baman lika yang mihti ra mai mangkras kan, man sika witin ai maya mairin sma bamna. ¿Yang nahki baha saurka tara ba daukamna bara Gâdki mapara saura daukaia?

2 Samuil 24:10

Sakuna upla sut kulki kaikan ba ningkara, Debit lika witin pâtkira ai dara walan bara Dawan ra ai dahra sakan: —Dawan, yang bui man ra puri sunisni. Upla kulki kaikri ba yang saura tara pali daukri, mamkabisni albikam na ban saurka swi tiks, upla sinskas kum baku yang daukri.

2 Samuil 24:17

Debit kaikan insal ba upla nani ra siknis yabi kan ba, bara witin Dawan ra winan: —¡Yang sika saura yâri! ¡Yang sika pâtkira sna! ¿Sakuna pâtkas nani na dîa daukan? ¡Man ra mamkabisna klalkam ba yang purira kauhbia bara taiya nani purara sin!

1 King Nani 13:4

Bara king Jeroboam ba Gâd waitnika bîla baikra sut walan, witinka Betel ra altar ba mapara karna aisin ba. Bara altar pura ba wina ai mihta sakbi win: “¡Witin ba alki silak ra mangks!” Sakuna witinka mapara ai mihta sakban ba kat karna takan, bara kli sip kruskras kata.

1 King Nani 21:20

Bara Ahab bui Ilayas ra win: —¿Baku bamna man, yang waihli sma ba, kli ai sakram ki? Bara pana aisi, win: —Âu, pliki mai sakri, kan man ba Dawan lamara saura baman daukisma.

1 King Nani 22:8

Bara Israel kingka ba mita pana Josafat ra win: —Waitna kum nâra sa, yawan sip sa witin bâk Dawan ra aisaia. Baha lika Micaías Imlá luhpia ba, sakuna yang mita baha kulkras, kan aima kumi sin diara yamni dahra aisi ai wiras sa, sakuna saura baman. Bara Josafat mita win: —Baku man aisapara.

2 King Nani 1:9

Baha ningkara, witin war kiaptinka kum bara aiklaklabra 50 wal blikan. Witin nani wan ba ra, Ilayas ba il bahna ra iwi kan, bara kiaptin ba bui win: —¡Prapit, king bila man baha wina bal iwma!

1 Kronikas 21:8

Sakuna Debit bui Dawan ra ai dahra sakan: —Yang saurka tara kum daukri, sakuna yang bui man ra mamkabisna saurki swih tiks, naha man albikam na yang saura yâri.

2 Kronikas 16:10

Bara Asá ba ai kupia sauhkan bara prapit ra silak mangkan, bara baha piua ra sin tawan uplika kum kum ra sin saura munan.

2 Kronikas 25:16

Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

Job 33:27

Bara wibia: “Saura yâri, tanis lâka nani ba daukri, sakuna Gâd klala aikaia brin daukras kan.

Lawana Nani 103:12

Lalma ba muna wina wihka ba baku, yawan wan saurka nani ba sakan sa,

Lawana Nani 51:16

Man prisant nani brin mai daukras; daiwan wîna aiska ba sin apia; maikamna kra, sakuna baha man yamni kaikras sma.

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Lawana Nani 51:6

Man upla kupia kunin luha ra latwan kaikisma ba, kasak sa, bara kupi mununhta kat, sins lâka aikram.

Impakan Sturka 9:27

Bara king fero upla blikan Moses bara Eran wal paiwan balan bara win: —Nanara kaikisna, yang saura yâri ba. Pâtkira ba yang, bara upliki nani aikuki sna, kuna Dawan lika pâtkas sa.

Sins Lâka 25:12

Gul kau pain ba ni mihtadingka kum, lilura kum daukan ba baku sa, sinskira wan kupia kraukaia smalkan bîla ba, upla kum baha alki briaia tânka bri ba.

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Aiseya 38:17

Nanara kaiks, yang sari pali kaia katna ba, nanara kupi kumi sna. Prura tasbaya wina, man bui yang rayaki ba sakram, yang saura yâri ba sut man pri ai sakram.

Aiseya 43:24

Man nani yauhrus kîa yamnikira ba yang duki atkras katma prisantka baku sal aikaia, sakripais ra wîna batanka nani ni banhkras katma, ban sakuna, man nani saurkam wirhika yang purira kahbram, watawikam lâka ni ai swapkram.

Aiseya 44:22

Maipara buanka nani man daukram ba sut yang slingbi tikri, mukus kum awi tiwi ba baku. Kli yang ra tawi bal, kan yang atki mai sakri bamna.”

Inanka Nani 3:32

Âu, witin mita upla ra pât saura blikisa, sakuna umpira sin kaikisa, kan witin latwanka lâka ba tara pali bamna.

Libait Lâka 20:10

“Israel uplika kum ai uplika maya wal yapbia kaka, wâlsut ba ikan kabia.

Libait Lâka 24:17

“Bara ya upla kum ikbia kaka, witin ba ikan kabia.

Sakaraya 3:4

Bamna insal ba ai walka nani ra win, Jasua kwalka tâski ba daikbia. Daikan, bara Jasua ra win: “Kaiks naha tânka sika saurkam ba man wina sakri, ¡nanara kwala pranakira maikaia sna!”

Matiu 14:10

Bamna blikan wan silak watla ra Jan lal ba dakbaia.

Luk 15:21

Baku mika luhpia waitna bila: ‘Aisiki, yang saura daukri, Gâd mawanra bara man mamwanra sin; bamna yang na man luhpiam kli ai wiaia sip apia.’

Luk 18:13

Sakuna lal mana sasakra Rom ra yaia ba laihura bûi kan, ai lal buki kasbrika pura tani ra sin sip tawi kaikras kan, ban sakuna witin ai lama pruki, naku aisin: ‘¡Gâd, umpira ai kaiks, yang lika upla saura sna na!’

Apastil Nani Sturka 2:37

Upla nani naha walan ba ra, sari pali takan, bara witin nani Pita ra bara apastil wala nani ra sin makabi walan: —Muihki nani, ¿yang nani dîa daukaia sna ki?

Hibru Nani 9:26

kan baku kan kaka, tasba paskan piua ba wina witin aima ailal pruaia kan. Baku watlika ra, piua nani na pat aimaki na ra, Kraist ba aima kumi baman latan takan ba, baha ba ban kaia ra aitani sa.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;

1 Samuil 15:20

Saúl pana witin ra win: —Yang Dawan adarka bîla ba kat walri, witin daukaia karnika wal ai blikan ba kat daukri. Agag Amalec kingka ba alki priski bri balri, bara Amalec uplika nani sut sin sauhki tikri.

1 Samuil 15:30

Saúl kli aisin: —Yang saura daukri, sakuna kau ban makabisna Israel almukka nani mawanra bara upla nani mawanra sin, man nani ban kau king baku ai kulki bas. Yawan kli tawi wap, Dawan Gâdkam ra mayunaia.