2 Samuil 1:2 - DAWAN BÎLA AISKA

² Sakuna yu yumhpa luan ra Saúl kiamka wina waitna kum balan, prâka kalwan, ai lal ra sin tasba yakaban sari tukinka baku. Witin Debit lama kat bal ai lal tasba ra bawi kulkanka yaban.

2 Samuil 1:2 ပူးပေါင်းရင်းမြစ်များ

Blasi Sturka 22:4

Witin nani yu yumhpa yabal ra impakan, baha ningkara kau laih wina ai lal buki pliska ba kaikan.

Blasi Sturka 37:29

Ruben ba bâra âpu kan. Baha ningkara witin balan, bara Josep kaikaia liwanhta ba ra wan, sakuna witin liwanhta ra âpu kan. Bara Ruben sari pali taki, iwi ai prâka kalkan.

Blasi Sturka 37:34

Bara Jekob ai prâka kalkan, kwala siksa diman, bara piua wihka ai luhpia pruan ba sarka brih iwi kan.

Blasi Sturka 43:28

Witin nani kli witin ra ai lal makupi kulkanka yabi bara win: —Yang nani lika man albikam sna na, aisiki witin kau raya sa, ai wîna sin kau yamni sa.

2 Samuil 1:3

Debit bui witin ra makabi walan: —¿Man ani wina aulma? Waitna ba pana win: —Israel kiampka wina, yukuwi swakwi plapi aulna.

2 Samuil 13:19

ai lal ra yamhpus yakaban, ai prâka dimi kan ba kalkan, ai mihta bara ai lal ra alki, ini yabal ra taki wan.

2 Samuil 14:4

Tecoa mairka ba king mawanra diman, ai lal tasba kat bawan yamni kulkanka lâka ba kingka ra yan, bara witin ra win: —¡King tara, sip pali hilp ai muns!

2 Samuil 15:32

Debit il bahna ba kat wih ulan ba ra, bahara Gâd ra ai pura suni mayunan. Bara kaiks Husai arquita ba, witin wal prawaia balan, ai kwalka kalwan bara ai lal purara sin tasba yakaban.

2 Samuil 24:20

Arauna ba baha yua witin laihura yabal ra kaiki kan, bara kang kaikan king ba ai dukia dadaukra nani aikuki witin ra aula sa. Arauna witin pas king kainara plapi ai mawan tasba kat bawan.

2 Samuil 4:10

witin ban luki kan yang ra sturi pain kum ai wisa, witin balan ba ai wiaia Saúl pat pruan ba, sakuna baha sturka mana ba yang bui witin ba alki, Siclag kat silak ra mangki ikri.

Ester 4:16

“Bamna man, nanara was, bara Susa ra Ju nani bani wal prawma ba ra witin nani ba sut asla dauki yang dukira puram suns, plun piras bara lî sin diras kira lapta yumhpa dauks, kakna bara tihmia ra, bara yang sin baku daukamna warkki dadaukra nani ba aikuki. Baha ningkara, yang lika king mawanra wamna, lâ krikamna bara ai ikaia kaka ai ikbia si.”

Ester 5:1

Lapta yumhpa luan ba ningkara, Ester ba ai kwalka diman bara king watla latka ra diman king ai iwaika rumka ba mawan kat takaski bri kan, dur dimaia tani ba ra kan ba.

Lawana Nani 66:3

Man nani bui Gâd ra wis: “¡Man warkkam nani ba aihkakira sa! Man karnikam tara ba mita man waihlam nani ba sirang iwi mamwanra kauhi banhwisa.

Isikiel 27:30

Ai bîla saki winbia man dukiamra wirha tara wal inbia. Yamhpus ailal purara yakabia bara yamhpus ra aikarbia.

Oseas 6:2

Ningkara, siknis âpu wan daukan kabia, yawan na kli wan bukbia, witin ai mawanra raya iwi kaia.

Joel 2:13

Man nani, Dawan Gâdkam ra kli tawi bal, bara kupiam brinka saura ba kalki sâks, prâmka kalkaia watlika ra, Dawan ba kupia lukra swapni lupia sa, umpira kaikan lâka sin brisa, ai kupia alki takaskisa, latwan kaikan lâka sin marikisa, wilin sa klala maiki ba, mahka takaskaia sin.

Matiu 12:40

Inska tara biara ra Jona yu yumhpa bara tihmia yumhpa kan ba baku, Upla Luhpia Waitna ba sin yu yumhpa bara tihmia yumhpa tasba biara ra kabia.

Matiu 16:21

Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia.

Jasua 7:6

Baha yua Jasua bara Israel almukka nani sut, ai prâka kalkan bara ai lal purara yamhpus yakabi sari bri tukinka ba daukan. Bara baha yua aiska witin nani Dawan lâka auhbaia watla ba lamara ai mawan tasba kat aimakupi bâra kan.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.

1 Samuil 20:41

Alba ba mahka wan ba ra, walpa nani paskan ba nina wina Debit bal takan, Janatan mawanra aima yumhpa tasba ra bawan, ai lal tasba kat kangban. Ningkara pana pana kiawalan bara wal inan, Debit sarka ba ban pura lui kan.

1 Samuil 25:23

Abigail bui Debit kaikan ba ra, biriku pura wina iwan, ai mawan ba tasba ra aimakupan yamni kulkan lâka sainka baku.

1 Samuil 4:12

Sakuna aiklaklabra kumi ba Benjamín kiamka wina, witin yakan yukuwi swak takan war ba wina. Waitna ba baha yua pali plapi Siló ra wan, ai prâka ba kalwan bara ai lal ra sin tasba banhki kan.

1 Samuil 4:16

Waitnika Elí ra win: —Nanara pali bal dimri, war aiklabi kiampka ba wina plapi swakri. Elí makabi walan: —Luhpi, ¿dîa pali takan?