2 Samuil 1:19 - DAWAN BÎLA AISKA

¹⁹ “¡Alai, Israel, man nani pramna ba ilkam nani tilara insauhkan! ¡Tahplukam nani nahki kauhan ba!

2 Samuil 1:19 ပူးပေါင်းရင်းမြစ်များ

2 Samuil 1:23

“Saúl bara Janatan wal latwankira pali kan, ai rayaka ra bara ai prurika ra sin sip dakwi takras kan. ¡Yakal wal sin kau isti plapi kan! ¡Layan wal sin kau karna kan!

2 Samuil 1:25

¡Nahki tahplu nani ba war aiklabi langni ra kauhan! ¡Janatan ba man ilkam nani purara pruan!

2 Samuil 1:27

¡Tahplu nani nahki kauhan ba! ¡Aiklabaia dukia nani ba sut sauhki tikan sa!”

Aiseya 4:2

Baha yua ra Dawan mita daukbia dus nani ba kli urhwaia Israel luhpia nani pruras swak takan kabia nani ba prana mayunra kaia dukiara; tasbaya wina mâ nani dâkbia ba baha witin nani yamni kulkanka ai kulkanka lâka ba bribia.

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Inanka Nani 2:1

¡Nahki Dawan ai lawanka tara ba wal, Saion painkira ba tihmu daukan kasbrika distika ni! Kasbrika pura ba wina tasba kat bataki ba baku, Israel prana ba batakan sa; witin ai lawanka ba yua ra, ai mina taibaika ba dukiara kat sin ai kupia krawras kan.

Inanka Nani 5:16

Yang nani laila wina kraun kata ba kauhan sa; ¡saura pali sa, yang nani saura yâri ba tâwan!

Sakaraya 11:10

Bara yang kînki ba briri, nina ba mâkisa, “Diara yamni kaia lâka kînka ba” yang mita kriki baha ba, sainka kum baku kabia, Dawan nisan nani sut wal, lâ daukan lâka ba, bahki takan kabia wisi.

Sakaraya 11:7

Bara sîp nani ikaia watla ra brih waia lâ daukan ba, mahka main kaikri. Bara âiatkra nani aikuki atkaia lâka ba yang daukri. Bara dus wâl brih, nina nani ba naku mâkri: kumi ba wîri “Hilpka yabaia”, wala ba wîri “Asla kaia”.

1 Samuil 31:8

Yaprika wala ra, filisteo nani taki wan pruan nani ba dukia turbaia, bara Guilboa ilka kat Saúl bara ai luhpia nani yumhpa wîna tara ba prawi kan sakan.