2 Samuil 1:12 - DAWAN BÎLA AISKA

¹² bara Saúl ai luhpia Janatan wal pruan ba dukiara ini, ai kupia wirha pali brin, Israel luhpia nani, Dawan war aiklaklabrika nani ra waihla nani bui pura luan ba dukiara, bara kaiki sin plun piras ban tutni kat kan.

2 Samuil 1:12 ပူးပေါင်းရင်းမြစ်များ

2 Samuil 3:35

Ningkara upla nani Debit ra makaban plun wiria pan piaia kau yu dimras ba ra, sakuna Debit swer taki win: —¡Gâd klala karna aikbia, kau yu dimras ba kainara yang plun wiria kra, diara wala sin kra pimna kaka!

Sins Lâka 24:17

Waihlam kumi kauhbia ba ra, lilia taki lilia tara daukpara; witin sin ai mina pruki ba ra man âmyapah takpara.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Emus 6:6

Kahmi tara ra wain laya laiki disma, batana laya kîa damni ba aimakisma. ¡Sakuna Josep tawanka slingwan kabia ba dukiara lika man nani sari briras!

Matiu 5:44

Sakuna, nanara yang mai wisna: Waihlam nani ra latwan kaiki bas bara rau mai sauhki nani dukiara sin puram suns.

2 Korint 11:29

Upla kum siknis takisa kaka, baha lika yang pali siknis takisna baku lukisna. Upla kum batakisa kaka, yang uya swiri ai daukisa bara kupi sin sauhkisna.

1 Pita 3:8

Tnata ra, man nani sut kupia kumi lâka ra iwi bas; pana pana walkam ra umpira kaiki bas, bara pana pana sin aikuki muihkam baku latwan kaiki bas. Man nani kupiam swapnikira bara bawikira nani bas.

1 Samuil 31:13

Ningkara wîna tara ba Jabés ra bri si bikan, dus kum munhtara. Baha ningkara yu 7 witin nani kaiki plun piras kan, sari baman.

1 Samuil 31:6

Baku baha yua Saúl ai luhpia yumhpa ba, ai hilpika bara ai suliarka nani sut aikuki pruan.