2 Pita 3:16 - DAWAN BÎLA AISKA

¹⁶ Ai wauhkataya nani sut ra naha diara nani tânka mai aisin sa, kum kum tânka briaia karna sa, bara sins aitani briras nani bara kasak lukan lâka mapara swapni nani ba mita lika warbi lakisa, ulbanka wala nani warbi laki ba baku, witin nani sut âpu takaia ba dukiara.

2 Pita 3:16 ပူးပေါင်းရင်းမြစ်များ

Blasi Sturka 49:4

Sakuna man baman tâura ban kama apia, man ba tingni kum lî aibanhwi takaskras ba baku sma. Yapaiki ba man mita swira daukram, yang mayi wala ba wal yapram ba ra.

1 King Nani 10:1

Sabá kwinka ba walan nahki Salaman nina ba ban tara pali kulkan ba Dawan mawanra mayunra tara pali sa, bara kwin ba Jerusalem ra balan, makabanka karna nani brih balan, Salaman ra makabi wali traika kaikaia dukiara.

Lawana Nani 56:5

Awar bani ai aisinka ba mita ai klakisa, latwan aikaia baman lukisa.

Impakan Sturka 23:2

“Upla ailal pali witin ai saurka dauki auya ba nina blîkpara. “Witin nani diara warha daukaia dukiara lâ mapara aisi nani wal ba lâka ra tniwpara;

Impakan Sturka 23:6

“Upla umpira kum lâ mawanra lâ dimisa kaka, ai lâka wapni dauki yaia ba âmya tikpara.

Jirimaya 23:36

Sakuna naha bîla na lika kli aisi banhbiara ‘Dawan wirhika ba dîa’, kan ya naha bîla ba aisabia kaka, yang daukamna witin aisi bîla nani ba kli witin ra wirhika kum takaia. Man nani bui yang aisari ba warha daukram, Gâdkam raya kan ba aisin ba, Dawan, Gâdkam karnika sut bri ba.

Abakuk 1:4

Lâ ba kat daukras sa, wapni lâka ba ai mina ni taibisa, watawikira nani ba, kasakkira nani ba nina blikisa kasakka lâka ba warbi sauhkisa.

Matiu 15:3

Sakuna Jisas mita makabi walan: —¿Bamna man nani dîa kan Gâd lâka bîla ba lulki si, man lâmka nani ni nina blikisma?

Matiu 15:6

bara ya ya baku aisabia ba, ai aisika ra bara ai yaptika ra hilp munaia apia sa. Baku man nani bui Gâd lâka ba bahki kulkram, man nani lâmka nani nina blikaia dukiara.

Matiu 22:29

Jisas pana aisin: —Man nani lika tanis mamwahkisma, man nani sin Ulbanka ba tânka briras, Gâd karnika ba sin kaikras sma ba mita.

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

Hibru Nani 5:11

Naha bisniska dukiara yawan diara manis aisaia brisa, sakuna tânka aisi marikaia ba karna sa, kan man nani tânka ba briaia tawa munisma bamna.

Jems 1:8

kan ya naiwa diara kum lukisa, bara yauhka diara wala, ai daukanka ba wapni bapi buras sa.

1 Pita 1:1

Yang Pita, Jisas Kraist apastilka, naha wauhkataya ulbisna baha nani ai tasbaya ra iwras, tasba wala nani ra wi ba, Ponto, Galesha, Capadocia, Asia bara Bitinia tasbaya nani ra aihka aihka iwi nani ba ra.

1 Pita 2:8

Bara naha wala na sin: “Walpa tara kum, walpa kum ra sika ai mina prukbia.” Kan witin nani ai mina prukisa, sturi yamni bîla wali daukras ba mita, Gâd kupia lâka kat witin nani ra baku takaia kan.

2 Pita 2:1

Bamna Israel nisanka tilara, gâd prapitka kuninkira nani sin bâra kan; baku sin man nani tilamra smasmalkra kuninkira nani bâra kabia. Witin nani ai lukanka ra wan sauhki nani ba, yukuwan lâka ra wan smalkbia, bara witin nani ra swaki sakata Dawanka pali ra sin kulkaia apia wibia; naha na lika witin nani ra pat pali âpu daukaia tânka sa.

2 Pita 2:14

Mairin nani kaikbia ba sut want sa; saura dauki sin swapras. Sulka swapan takan nani ba maisa kapisa; witin nani baman sin diara manis bri kaia want sa; bamna baha nani ba upla saura pali kulkan sa.

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.

2 Pita 3:2

Kupiam krauki bas, kaina piua ra prapit holikira nani dîa aisin ba, bara Dawan wan Sasakra lâka, apastil nani mita man nani ra mai smalkan ba sin.

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.