2 Pita 2:3 - DAWAN BÎLA AISKA

³ Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.

2 Pita 2:3 ပူးပေါင်းရင်းမြစ်များ

Job 6:27

Man nani sip sma rau kum rayaka wal sin pulaia, bara pâmnika pali ba sin atkaia.

Lawana Nani 18:44

Witin nani naha walbia ba ra, yang bîli wali daukbia; tringsar nani ba maiwanra mâyara bawbia,

Lawana Nani 66:3

Man nani bui Gâd ra wis: “¡Man warkkam nani ba aihkakira sa! Man karnikam tara ba mita man waihlam nani ba sirang iwi mamwanra kauhi banhwisa.

Lawana Nani 81:15

Dawan ra misbara kaiki ba sut sirang iwi kauhaia kan, bara ai pâtka ra kauhanka ba sîl mangki swiaia kapri.

Aiseya 5:19

Man nani wisma: “Gâd ai warkka ba aihni daukbia, bara yang nani kaikamna; Gâd holikira Israel ra bâra ba, ai warkka ba yarka mahka daukbia bara yang nani tânka brimna.”

Aiseya 56:11

Yul plun sanglang tauki nani ba, plun pi kabia sin, sip biara banhras sa, sepad nani diara tânka briras; kumi bani ba ai yabalka kat wapisa, kumi bani yakan ai yamnika briaia plikisa.

Aiseya 60:22

Sirpi nani ba wina tausin ailal bal takbia, kau sirpi ba wina, upla daknika karna kum bal takbia. Yang sika Dawan, naha daukamna, bara pat pali ai piua kat bal baku aimakbia.”

Jirimaya 6:13

“Tara nani bara sirpi nani ba, upla sut, saura dauki wina baman lalah briaia lukisa; prapit nani prîs nani sin sut, upla ra taibi lalahka dakbaia warkka daukisa.

Jirimaya 8:10

Baha tâwan mairkam nani ba waitna wala nani ra yabaisna, tasbayam nani ba sin upla wala nani baha dawanka aimakbia. Kan upla almuk nani ba, tuktan nani bara upla sut, saura dauki wina baman lalah briaia lukisa; prapit nani ba, prîs nani ba sin sut upla ra taibi lalahka dakbaia warkka daukisa.

Isikiel 13:19

Man nani, barli mâ mihtam banhki bri bara brit pîs ba wal, upliki nani mawanra swiri paskisma; upla nani pruaia apia kata ba ikisma, bara raya kaia apia pruaia kata ba baha lika swiram raya sa. Baku upliki nani ra kunin munisma, kunin lâka ra kasak luki nani ba.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Abakuk 3:3

Gâd Edom tasbaya ba wina taki aula, Parán ilka nani wina Dawan holikira ba aula, witin ai prana ingnika ba mita kasbrika mawan ba banhwisa, tasba aiska ba sin witin mayunra ni aibanhwan.

Malaquía 1:10

“¡Brin ai daukisa man nani tilam wina upla kum bal taki tempelka durka nani ba prakaia; bara pauta nani bahara kli bahki ra mukaia apia! Kan man nani wal lilia apia sna, bara sakripais aikisma ba sin ban bri kamna apia.

Matiu 23:14

[¡Lâ Smasmalkra nani bara parisi nani, kuninkira nani, man nani mapara alai pali kabia! Kan man nani mita piarka nani watla mihta dakbisma, bara kunin baman pura sunra nani yari daukisma. Baha mita man nani ba kau pât tara brima.]

Luk 18:8

Yang mai wisni, witin takaskras kira hilp munbia. Sakuna Upla Luhpia Waitna ba balbia ba ra, ¿kasak lukan lâka ba kau naha tasba ra sâkbia lukisma ki?”

Luk 20:20

Bamna biki kakaira nani blikan, baha nani upla pain talia baku, Jisas ra munka diara kum saura aisabia ba ra, wihta tara mihta ra mangkaia wisi.

Luk 22:47

Jisas kau aisi kan ba ra, upla ailal pali balan. Disaipil 12 ba wina kumi nina Judas mâki kan ba sika baha uplika nani tâ brih aula kan, bamna witin Jisas lamara balan kiawalaia.

Jan 2:16

Butku âiatkra nani ra win: —¡Baha nani ba sâks naha wina! ¡Yang Aisiki watla na, sim atkaia watla baku daukpara!

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

Kli Smalkanka 24:17

“Tringsar nani bara rau nani lâka ba warha daukpara, piarka nani kwalka sin dakbi bripara.

Kli Smalkanka 32:35

yang pana munaia yua dukiara ai mana ba aibapi yamni, sauhki tikan kaia yua ba pat baila sa. ¡Awarka ba sin pat lamara sa!

1 Tesalonaika 2:5

Kan man nani kaikisma ba baku, yang nani mita man nani ra mamyuni bîla painkira nani aisaras, bara lalah briaia wisi kunin bîla nani sin aisaras katna. Gâd baha witniska sa.

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

1 Timoti 3:3

bla tatakra kaia apia sa, unsasabra wal ai uplika kaia apia, sakuna kupia yamnikira bara kupia kumi lâka bri uplika kabia; witin ba lalah wantkira kaia sin apia sa.

1 Timoti 3:8

Baku sin, serts hilpika nani ba kulkanka bri uplika nani kaia sa; witin nani dîa aisin ba kat daukaia sa, bla tatakra kaia apia, bara lalah diara saura wina takan ba sin lihki kaia apia.

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

Taitus 1:11

Baha nani bîla ba prakaia sa, kan witin nani mita diara smalkaia apia ba smalki, watla bîla aiska nani kupia aihka lakisa; ai swira sin âpu lalah nahki briaia dukiara baman luki banhwisa.

Taitus 1:7

Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

1 Pita 2:8

Bara naha wala na sin: “Walpa tara kum, walpa kum ra sika ai mina prukbia.” Kan witin nani ai mina prukisa, sturi yamni bîla wali daukras ba mita, Gâd kupia lâka kat witin nani ra baku takaia kan.

1 Pita 5:2

Man nani mihtam ra Gâd sîpka nani mangkan ba, sepad nani baku main kaiki bas; bara wilin pali dauki bas, Gâd want ba baku, taibi mai muni baku lika apia. Wark ba lalah brin mai dauki pali baku lika daukpara, kuna upla dukia daukaia want pali baku dauks.

2 Pita 1:16

Bamna wan Dawan Jisas Kraist karnika bara witin kli balaia dukiara man nani ra mai smalkri ba lika, yang nani âiya wina sturi saki paski mai smalkras, kan Dawan ba tara sa tânka yang nani naikra pali ni kaikri.

2 Pita 2:1

Bamna Israel nisanka tilara, gâd prapitka kuninkira nani sin bâra kan; baku sin man nani tilamra smasmalkra kuninkira nani bâra kabia. Witin nani ai lukanka ra wan sauhki nani ba, yukuwan lâka ra wan smalkbia, bara witin nani ra swaki sakata Dawanka pali ra sin kulkaia apia wibia; naha na lika witin nani ra pat pali âpu daukaia tânka sa.

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.

Judas 1:11

¡Baha nani alai sa!, Ken daukanka nina blikan ba mita. Lalah briaia dukiara, Balaam baku aimawahkan, Coré mapara buan tâka mita pruan ba baku, witin nani sut sin pruisa.

Judas 1:15

upla nani sut lâka daukaia, saura daukan nani ba saurka mana pât ra lulkaia, ai saurka nani daukan ba tâka mita, baku sin bîla karna nani witin mapara aisin ba tâka mita.”

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.