2 Pita 2:21 - DAWAN BÎLA AISKA

²¹ Witin nani mapara kau pain kaia kan yabal kasak ba kakaira takras kata, kan kakaira taki si kli swiaia ba lika pain apia sa, lâ holikira yan kan ba wina.

2 Pita 2:21 ပူးပေါင်းရင်းမြစ်များ

Lawana Nani 125:5

Sakuna baha nani yabal saura ra auya ba, baha nani brih was, saura dadaukra nani aikuki. ¡Kupia kumi lâka Israel ra bâra kabia!

Lawana Nani 85:8

Dawan dîa aisabia ba walamni, kan ai uplika ra baman, kupia kumi lâka ra aisabia bamna, witin ra kasak luki nani ra baman, kli witin nani sinskas kra takbiara sin.

Sins Lâka 12:28

Kasakka lâka yabalka ra ba, rayaka bâra ba kat brih wîsa, taniskira yabalka ba lika, prura ra wan brih auya.

Sins Lâka 16:31

Wan tâwa pihwan ba lika prana tara kraunka kum sa, baha sika kasakka lâka yabalka ra kasak wapi tauki ba tânka.

Isikiel 18:24

“Kuna kasakkira ba ai natka kasak nani ba swibia kaka, bara diara saura nani sut ba kli daukbia saurakira baku; ¿man nani lukisma ki, witin ba raya kaia sa? Yang kli kupi kraukamna apia diara yamni daukan nani ba ra, ai kasakka lâka luha bara ai saurka ba tâka prubia.

Isikiel 23:13

Daira walri witin sin tâski takan kan, ai muihni daukan ba nina blikan bamna.

Isikiel 3:20

Baku sin sip sa, kasakkira kum ai yabalka wina taki, saurka daukbia bara yang mina prukaika mangkamna kainara, man mita kupia kraukras sma kaka, witin prubia. Yang bui witin diara yamni daukan ba kulkamna apia, bara ai saurka ra prubia, sakuna man ra mamkabamni witin ai prurika ba mana.

Isikiel 33:13

Yang raya kaia pramiska yabuna upla yamni kum ra, bara witin bahara ai kupia yamnika tniwi, saura daukbia, diara yamni daukan kum sin kulkamna apia, kuna saurka daukan ba mita prubia.

Sofonías 1:6

Baha nani yang wina ilihwi taki ba, yang ra sin ai plikras hilpki sin makabras nani ba sut sauhki âpu tikamni.”

Matiu 21:32

Kan Jan Tatahbra ba man nani ra mai smalki balan nahki iwaia sma ba, sakuna man nani bui witin ra kasak lukras katma; sakuna lal mana saki nani bara rug mairin nani lika witin ra kasak lukan. Man nani naha kaikram, sakuna kupiam laki banhras witin ra kasak lukaia dukiara.

Luk 12:47

“Ani albika ai dawanka dîa want ba pain kaikras, kuna ridi taki bîla kat wali daukras ba, witin ra kasak prukan kabia.

Jan 15:22

“Witin nani ba pâtkira kaia apia kan, yang na bal witin nani ra smalkras katna kaka. Kuna nanara ai saurka ba dukiara sip pâtkas kulkan kabia apia.

Jan 9:41

Bamna Jisas pana win: —Man nani sut namkra aisawan kan kata kaka, saurka luha banhwi kaia kapram. Sakuna man nani namkra pain bri banhwisma wisma bamna, pâtkira atia sma.

Roman 7:12

Baku bamna, lâ ba lika holi sa, bara lâ bîla ba sin holi sa, bara kasak pain sa.

Galesha 6:2

Pana pana wan walka wirhika ba twilki hilp munaia sa, kan baku lika man nani sip kama Kraist lâka ba aiska pali daukaia.

1 Tesalonaika 4:2

Dawan Jisas karnika mita, lâ nani mai smalki mai wîri ba, man nani pain kaikisma.

1 Timoti 6:14

Lâ bîla ba kat wali dauki bas, bara baha ba sauhkpara bara pât âpu sin alki bri bas, wan Dawan Jisas Kraist balbia ba kat.

Hibru Nani 10:26

Kan yawan kasak lâka tânka ba kakaira si, wan kupia wina kaiki saura daukisa kaka, wan saurka nani dukiara kli sakripais wala âpu sa.

Jems 4:17

Ya yamni daukaia kaiki si daukras kaka, witin saura daukisa.

2 Pita 3:2

Kupiam krauki bas, kaina piua ra prapit holikira nani dîa aisin ba, bara Dawan wan Sasakra lâka, apastil nani mita man nani ra mai smalkan ba sin.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.