2 Pita 2:2 - DAWAN BÎLA AISKA

² Upla ailal witin nani daukanka saura nani ba nina blîkbia, bara witin nani tâka mita, kasakka lâka yabalka ba dukiara saura aisabia.

2 Pita 2:2 ပူးပေါင်းရင်းမြစ်များ

Blasi Sturka 19:5

bara witin nani mahka Lot ra winan: —¿Waitna nani tihmia wamtla ra bal diman nani ba anira sa? ¡Lata ra sâks! ¡Witin nani wal yang nani yapan ai daukisa!

Lawana Nani 18:21

yang bui Dawan yabalka nani blikri, yang Gâdki ba swih, kulkaia apia wiras kapri,

Aiseya 35:8

Yabal tara, yabal sirpi bâra kabia, bara nina mâkan kabia “Holikira kaia yabalka nani.” Diara tâski ba bahak lubia apia; sinskas nani ba, baha yabalka ra sip wapbia apia.

Jirimaya 6:16

Dawan bui ai uplika nani ra wisa: “Man nani yabal kat bûi ba ra kaiks, blasi pali yabalka nani ba dukiara makabi wals, yabal kau yamni ba bâra sa; baha yabalka ra waps bara man nani ris brima.” Sakuna witin nani aisin: “Apia, apia, yang nani baha yabalka ra wapan ai daukras”

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Matiu 7:14

sakuna raya kaia ra auya durka ba yabalka ba bîla sirpi bara karna pali sa bahara waia, bara upla tila nani baman baha sakisa.

Mark 12:14

Baha nani bal witin ra win: —Smasmalkra, yang nani kaikisna man lika diara kasak ba kat aisisma, upla dîa aisi ba man kulkras, kan man upla nani mawan ba kulkras, sakuna Gâd yabalka ba kasak tânka kat smalkisma. ¿Rom wihtka tara ra lal mana aibapaia ba lâ sa ki, apia kaka, lâ apia? ¿Yang nani lal mana aibapaia sna, apia kaka aibapaia apia sna ki?

Mark 13:22

Bamna kuninkira nani ba Misaya baku balbia, prapit baku sin, bara sain tara nani, diara aihka nani sin upla nani ra kunin munaia wisi, daukbia; bara sip kabia kaka, Gâd pali pliki sakan nani ra ban kunin munbia.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Apastil Nani Sturka 13:10

naku win: —Man kuninkira, saurakira, dibil luhpia, diara pain nani sut wailhka sma ba. ¿Dîa kan man Dawan yabalka wapni nani ba warbi lakaia munisma?

Apastil Nani Sturka 14:2

Sakuna tila Ju nani kasak lukras kan ba mita, Ju apia nani ra maisa pakan, wan muihni nani mapara saura lukaia.

Apastil Nani Sturka 16:17

Naha tuktan mairin na mahka Pal bara yang nani ninira wapi wini, ban aisi, win: —¡Naha waitna nani na lika Gâd Laih Purara iwi ba dukia dadaukra nani sa, man nani ra sin maisam pakisa swaki sakan yabalka ba dukiara!

Apastil Nani Sturka 18:26

Apolos lika ai lukanka aiska ni Ju nani priaska watla ra aisi kan. Sakuna Priscila bara Áquila wal baha walan ba ra, witin nani mita Apolos ba tnaya ra bri si, kau Dawan yabalka tânka param pali smalkan.

Apastil Nani Sturka 19:9

Sakuna tila nani ai kupia karna daukan, kasak sin lukan daukras kan, kau ni upla nani mawanra sturi yamni ba mapara saura ni aisin. Bara Pal baha nani swi si, kristian nani ba Tirano skulka watla ra brih wan; bahara witin yu bani aisi kan.

Apastil Nani Sturka 22:4

Pas piua ra, yang sturi yamni wali uplika nani ra nina bliki rausauhkri, ban ikaia kat; waitna bara mairin nani sut alki priski silak ra mangkri.

Apastil Nani Sturka 24:14

Sakuna diara kasak ba latan mai wisna: yang damiki nani Gâdka dukia daukisna Yabal Raya natka bâk, witin nani mita baha yabalka aihka baku kulki ba. Bamna kasak lukisna dîa dîa Moses lâka ra ulban ba, bara prapit nani ulbanka ba sin.

Roman 2:24

Bahamna Ulbanka ra aisi ba: “Idan nani ba Gâd mapara saura aisisa man nani pâtkam tâka kumi.”

1 Timoti 5:14

Baha mita, yang want sna piarka nani kau almuk takras ba, marit takbia bara luhpa baikbia, ai watla nani main kaiki kabia, bara baku mika witin nani mita wan waihla nani ra wan ninara saura aisaia sanska yabaia apia dukiara.

Taitus 2:5

ai sinska yamni bri kaia, sunu kaia, ai watla warkka nani pain dauki kaia, yamnikira nani kaia, ai maya waitna nani bîla wali dauki kaia, bara baku lika upla kumi mita sin Gâd sturka yamni ba mapara saura aisabia apia.

Taitus 2:8

Bîla tânkira kat aisi bas, upla kumi sin baha mapara brukwaia apia bara baku mika waihlam nani ba ai swira takbia, kan witin nani ba yawan wan mapara, diara saura kumi sin aisaia âpu kabia.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.

2 Pita 2:12

Bara naha uplika nani kupia lukra ba, sim daiwan wail aisubi takan ningkara, upla nani mita alki iki ba wal baku sa; witin nani diara sip tânka briras ai sinska lukra wal baman iwisa, diara tânka briras ba dukiara saura aisisa; bamna daiwan baku prubia,

2 Pita 2:15

Witin nani yabal wapni ba swin mita tiwi wataukisa. Beor luhpia prapit Balaam daukanka ba nina blikisa, bamna Balaam sika diara saura dauki lalah briaia baman luki kan;

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

2 Pita 2:21

Witin nani mapara kau pain kaia kan yabal kasak ba kakaira takras kata, kan kakaira taki si kli swiaia ba lika pain apia sa, lâ holikira yan kan ba wina.

2 Pita 2:7

Sakuna Lot rayaka swaki sakata, kan witin ba upla kasakkira kum kan, upla nani daukanka saura nani ba kaiki uya sari bri kan.

Judas 1:10

Sakuna naha uplika nani lika witin nani ai nakra kaikras ba dukiara saura aisisa; ai sinska ni dukia tânka pliki kaiki ba lika sim daiwan nani ai sinska âpu ni kaiki ba baku sa, bamna dukia nani yus muni ba lika, witin nani yakan âpu takaia dukiara sa.

Judas 1:15

upla nani sut lâka daukaia, saura daukan nani ba saurka mana pât ra lulkaia, ai saurka nani daukan ba tâka mita, baku sin bîla karna nani witin mapara aisin ba tâka mita.”

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.

Param Marikanka 12:9

Baku bamna, dragun tara ba latara lulkan kan. Witin sika piuta almuk ba, nina dibil bara Sitan mâki ba, witinka mita sika tasba aiska ra kunin aisi ba. Witin ai insalka nani kira tasba ra lulkan kata.

Param Marikanka 13:14

Bara baha sainka nani daiwan saura pas kata ba mawanra yan dauki kan bâk, tasba ra iwi uplika nani ra kunin munan, bara witin nani ra adar yan baha daiwra saura ba sord ni klakan sakuna ban raya kaia sip kan ba, lilka kum daukaia.

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.