2 Pita 2:10 - DAWAN BÎLA AISKA

¹⁰ Gâd mita kau pali klala yabia, baha nani ai brinka baman nina bliki bara Dawan karnika sin bahki kulki ba. Witin nani ba kiama karna bara ai bisniska apia ra ban dimisa; ai purara karnika bri nani ba swira paskisa sibrin sin âpu;

2 Pita 2:10 ပူးပေါင်းရင်းမြစ်များ

Blasi Sturka 49:6

Man nani asla aidrubi iwi lâ aisisma ba iwaikam ra, yu kumi sin iwaia brin ai daukras. Kupiam baiwi kan, bara man nani upla ikram, bara kupiam baiki bîp wainhka nani mina nani ba sin krikram.

2 Samuil 20:1

Benjamín kiamka wina watawikira kum, nina Sebá bara Bicrí luhpia waitna, Guilgal ra bâra kan. Witin tawan ra maisa pakan war bukaia, bara naku witin aisi kan: “¡Jesé luhpia Debit wal yawan diara briras, wan prapatika sin âpu! ¡Bamna Israel luhpia nani sut wamtla ra was!”

1 King Nani 12:16

Israel luhpia nani sut kaikan king ba witin nani ra walras kan, bara pana naha bîla nani win: “¡Yang nani lika Debit wal diara daukaia âpu! ¡Jesé luhpia prapatika ba wal yang nani diara âpu! ¡Israel luhpia nani, wamtla ra was! ¡Bara Debit lika ai watla uplika ba main kaikbia!” Bamna Israel luhpia nani sut mahka ai watla nani ra wan.

Lawana Nani 12:4

baha nani aisisa: “Yang nani bîli brisna ba wal aitani; yang nani twisi ba tâiwan aisisa. ¿Ya kupias taki balbia, yawan ra adar wankaia?”

Impakan Sturka 22:28

“Gâd mapara aisi kupia baiwaia lâka ra tuskpara, bara tasbayam ra pura wihta aimaki ba mapara sin lahtubi saura wipara.

Smasmalkra 10:20

King dahra aisapara, lukankam wal sin apia. Yuyakira dahra saura aisapara, yakan kama sin, kan piawira nani ba pâlisa bara sip sa wih wiaia.

Jirimaya 2:31

(Man nani sin, naiwa uplika nani, Dawan aisin bîla na wals.) Israel, ¿yang na man nani ra upla iwras tasbaya kum takri sa ki?, ¿tasba kum ingni âpu? Upliki nani, ¿dîa muni naku aisisma: ‘Yang nani pri sna; yang nani sip kli man ra tawi wamna apia’?

Kulki Kaikanka 15:30

“Ban sakuna, upla kum pain ai dara wali saura daukan sa kaka, Israel luhpia nani sapa, kiamka sât wala nani sapa, baha yang kupi sauhkisa. Bamna baha uplika ba upliki nani tila wina sakan kabia,

Luk 11:25

Kli aula ba ra, baha uplika ba sakuya sim utla kum pahban, pain sin skahkan ba baku.

Luk 19:14

Sakuna ai kuntrika uplika nani mita misbara kaikan, bara witin ninara upla nani bliki, maisa paki, win: ‘Yang nani want apia sna naha waitnika wan kingka kabia.’

Apastil Nani Sturka 23:5

Pal bila: —Muihki nani, yang kaikras kapri witin ba prîs tara kan ba, kan Ulbanka ra naku wisa: ‘Man tasbayam wihtka mapara saura aisapara.’

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

2 Korint 10:3

Âu rait yang nani na upla, sakuna naha tasba uplika nani aiklabi ba baku lika aiklabras.

Epesus 4:19

Witin nani ai swira lâka ba tiki brinka saura ra ni diman, bara diara tâski nani ba witin nani want pali ni dauki banhwisa.

Epesus 5:5

Man nani pat kaikisma, sunu uplika marit takras kira ban ai maya brisa, diara tâski pali daukisa, gridikira pali sa kaka (baha lika aidul ra mayunaia tânka wal baku sa), baha ba sip sa Kraist bara Gâd wal king aimaki ba tasbaya ra dimaia.

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

1 Tesalonaika 4:7

Gâd mita tâski lâka âpu iwbia wisi wan paiwan sa, kuna tâski lâka ra lika apia.

2 Timoti 3:2

Upla nani ba klauna ai dukiara baman luki kabia, lalah ra latwan kaikbia, kakalra kabia bara sin diara lalihkra kabia, Gâd mapara aisi kabia, ai aisika bîla walras kabia, tingkikas kabia bara serts ra rispik âpu kabia.

Taitus 1:7

Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

2 Pita 3:3

Tâura naha tânka luki bas: Tnata yua lamara upla manis balbia bara diara holikira nani ba lawaska kikbia, ai brinka saura nani ba kat baman iwi kabia swira paskaia luki,

Judas 1:10

Sakuna naha uplika nani lika witin nani ai nakra kaikras ba dukiara saura aisisa; ai sinska ni dukia tânka pliki kaiki ba lika sim daiwan nani ai sinska âpu ni kaiki ba baku sa, bamna dukia nani yus muni ba lika, witin nani yakan âpu takaia dukiara sa.

Judas 1:16

Naha nani sika brukwi aisasara bara diara sut ba saura baman sa aisi nani ba, witin nani ai âuyapah kaia dukia nani baman pliki taukisa; praut bîla nani sin aisisa, hilp briaia dukiara upla nani painka baman aisisa.

Judas 1:18

man nani ra mai aisin ba: “Tnata yua nani ra upla nani bâra kabia, diara holi ba dukiara lawaska kiki kabia, bara witin nani ai brinka ba kat baman sin tauki kabia.”

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.

1 Samuil 10:27

Sakuna tila upla nani, lukan saura bri kan ba aisin: “¿Bara naha bui swaki wan sakaisa ki?” Bara witin ra bahki kulkan bara yamni kulkan lâka sin yabi banhras; sakuna Saúl lika ai kupia lukras baku kata.