2 Pita 1:8 - DAWAN BÎLA AISKA

⁸ Man nani naha diara nani na brisma kaka, bara warkka daukisma kaka, rayakam ba bahki kabia apia, bara wan Dawan Jisas Kraist ba bahki pali kakaira takram kabia apia.

2 Pita 1:8 ပူးပေါင်းရင်းမြစ်များ

Sins Lâka 19:15

Sringwan tara lâka ba wan purara yapan tara kahbisa; bara sringwaskira, diara daukras uplika ba, plun wahwi kabia.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 20:3

Baha ningkara, titan 9 aklak kli taki wan, bara diara atkaia pliska ra wala nani kaikan, witin nani bahki baman bahara kan.

Matiu 20:6

Bara tutni 5 aklak kli pulaia pliska ra bahara wala nani bahki diara daukras kan aikuki prawan, bamna baha nani ra win: ‘¿Dîa kan man nani nahara wark takras bahki baman sma?’

Matiu 25:26

Dawanka ba bila: ‘Alba saura sringwaskira, man pain kaiki kapram yang mangkras sna ba wina dâkisna, bara diara yakabras sna ba wina wahbisna.

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 5:42

Baha purkara, yang lika man nani tânkam ba pain kaikisna, man nani bui Gâd ra latwan kaikras sma ba.

Roman 12:11

Man nani wark karna taks, sringwaskira nani kapara. Kupiam aiska wal Dawan dukia dauki bas.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

2 Korint 13:5

Man nani laki kaiks wînam tânka ba aitani sma sapa, kasak lukan lâka ra aitani sma sapa kaikaia. ¿Kaikras sma ki Kraist man nani kupiam ra ba? Man nani ba kasak kristian apia kama lika, baha ba sip kasak lukras.

2 Korint 8:2

Witin nani trabil manis brin ba mita tânka ba pliki pain kaikan sa, bara baha nani lilia pali sa. Witin nani umpira pali sa, sakuna ai prisantka ai kupia aiska ni diara hilp munan yuyakira kan baku.

2 Korint 8:7

Bamna man nani lika diara sut aitani kat brisma: kasak lukan lâka, smalkaia mapa ra, diara tânka kaikaia lâka, diara sut ra karna munaia mapa ra, bara yang nani ra latwan ai kaikan lâka sin; baha mita, man nani naha latwan lâka warkka na sin manis daukaia sma.

2 Korint 9:14

Bara witin nani sin man nani dukiamra ai pura sunbia, uya latwan sin mai kaikbia, Gâd latwanka lâka ba man nani bâk kaikan bamna.

Pilipai 1:9

Yang puri suni makabisna, man nani ba kau latwan lâka bri kama, sins lâka tara bara diara sut tânka latan briaia mapara sin,

Pilipai 2:5

Man nani kumi bani luki bas, Kraist Jisas luki kan ba baku,

Pilipai 3:8

Baha dukia nani baman apia; dîa dîa yang briaia sip kapri ba, bahki tiwan baku kulkisna, Jisas Kraist yang Dawanki ba, kakaira kaia yang maipara kau pain sa, diara wala nani sut ba wal. Kraist tâwan yang diara sut tikri; bara baha sut dipasta baku kulkisni, Kraist yang duki brimna ba tâwan,

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 2:7

witinka ra wamkia nani karna dauki brih, witinka kat spirit karnika mita nikras kira bapi bûi bas, dîa mai smalkan ba baku, piua bani Gâd ra tingki wi bas.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

1 Tesalonaika 3:12

Bamna Dawan mita man nani kau pâwaia mai daukbia, bara pana pana walkam nani aikuki latwan lâka briaia bara upla sut wal aikuki sin, yang nani mita latwan mai kaikisna ba baku.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

1 Timoti 5:13

Witin nani sin upla watla ra kirhbi wih sturi bahki baman aisi ai taimka ba bahki ra baman tikaia lan takisa; sakuna kau saura pali, witin nani ba upla nina aisaia bara upla bisniska tilara dimaia lan taki banhwisa, bara diara aisaia apia nani ba baman aisi taukisa.

Taitus 3:14

Bara wan uplika nani ba sin diara yamni ba dauki lan takbia, upla diara luha piua ra sin, witin nani mita hilp yabia, bara baku mika witin nani rayaka ba bahki lika kabia apia.

Pilimon 1:6

Gâd ra makabisna man kasak lukankam tâka ba mita, tânka brima, Kraist wina yawan nani nahki yamnika nani sut brisa tânka.

Hibru Nani 6:12

Yang nani want apia sna man nani ba sringwaskira takma, sakuna baha nani kasak luki bara wihka bîla kaiki, Gâd ba diara yaia pramis munan bri nani ba baku, man nani sin kama.

2 Pita 1:2

Yamnika manis pali bara kupia kumi lâka wal man nani brima, Gâd bara wan Dawan Jisas Kraist wal ra kakaira bara tânka brisma ba tâka ba mita.

2 Pita 1:3

Gâd ai karnika ni dîa dîa wan rayaka ra nit ba sut wankan sa, bara mayunanka sin, yawan ra ai prana ni wan paiwan ba, bara ai warkka pranakira dauki ba uplika wal kakaira wan saki ba tâka mita.

2 Pita 2:20

Baku sin, baha nani wan Dawan Sasakra Jisas Kraist wal kakaira takan ba, witin nani lika naha tasba tâskika wina swak takan sa, sakuna baha diara tâski nani ba mita kli blaki pura lubia kaka, witin nani lika kanra kata ba wal kau saura takan sa.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.