2 Pita 1:5 - DAWAN BÎLA AISKA

⁵ Baha mita, trai kaikaia sma kasakkam lukan lâka ra, daukankam pain ba pura prakaia daukanka pain ra tânka briaia lâka;

2 Pita 1:5 ပူးပေါင်းရင်းမြစ်များ

Lawana Nani 119:4

Man adarkam wankisma, lâmka nani smalki wankram ba, yang nani baha nani ban pali bri dauki kaia.

Sins Lâka 4:23

Lukankam main kaiks diara sut purkara, kan witin sika rayaka kârma.

Aiseya 55:2

¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Sakaraya 6:15

Upla nani laih wina balbia, Dawan tempelka kli paski ba bakahnu mâkaia; bâra mika man nani kaikma Dawan, karnika sut alki bri ba, ai blikan ba. Naha ban takbia, man nani bui Dawan Gâdkam bîla baikra wali ai bîla wali daukma ba ra.

Luk 16:26

Naha sut purkara, wan lilapas ra albangka tara pali kum bâra sa; baku bamna, upla naha wina bahara luaia want ba sip luras, pana upla baha wina sin sip naha tani ra lui balras.’

Luk 24:21

Yang nani sin kainara luki kapri, witin ba Israel nisanka ba pri sâkbia. Bara nanara, baha sut purkara, baha takan ba wina pat yu yumhpa luan.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

Epesus 5:17

Man nani sins âpu baku kapara; sakuna Dawan kupia lâka ba dîa sapa tânka pain bris.

Pilipai 1:9

Yang puri suni makabisna, man nani ba kau latwan lâka bri kama, sins lâka tara bara diara sut tânka latan briaia mapara sin,

Pilipai 2:12

Baku bamna, muihki laitwankira nani, piu bani man nani wal kapri bara bîli kat wali dauki kapram ba baku, nanara laihura sna ba ra, kau bîli wali dauki banhwi bas. Ban Dawan warkka taki bas, bawikira lâka brih bara sibrinkira sin, swaki mai sakan lâka briaia dukiara;

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

Kolosi 1:9

Baha mita yang nani baha walri yua ba wina, man nani mamta takaskras puri suni banhwisna, bara Gâd ra yang nani makabisna, man nani ra ai kupia lâka yamnika ba mamrikbia, bara sins lâka sât sât nani sin maikbia, bara diara tânka kaikaia spiritka ba sin.

Kolosi 2:3

bamna Kraist ra sika sins lâka bara diara tânka briaia nani yuyaka aiska sut kuki swin ba.

Hibru Nani 11:6

Upla kum kasak lukan lâka âpu kaka, witin ra Gâd mita sip pain kulkbia apia. Kan ani uplika Gâd lamara waia kaka, kasak lukaia sa Gâd ba bâra sa, bara witin ra pliki uplika nani ra sin mana yabisa.

Hibru Nani 12:15

Man nani damra wali bas, upla kumi sin Gâd yamnika lâka ba wina ai ninara tawbiara sîa. Damra wali bas, man nani wina kumi sin dus tahpla kum pâwi ai puisinka ni upla ailal ra trabil muni ba baku kabiara.

Hibru Nani 6:11

Sakuna yang nani want sna, man nani kumi bani ban tnata kat, baha wilin lâka ba dauki kama, bara baku mika diara bîla kaikisma ba aiska pali takbia.

Jasua 7:3

bara witin nani kli tawi balan bara diara kaikan ba sturka ba sut Jasua ra win: “Yang nani kaikisna wan uplika nani na sut Ai mapara wih aiklabaia apia sa, upla 2,000, apia kra 3,000 wabia kaka, baha aitani sa tawanka ba dakbi briaia. Kan uplika nani ba maura lupia baman ai tawanka ba kan kahbi aihwakisa. Bamna wan uplika nani sut blîkpara.”

1 Pita 3:7

Man nani, maya waitna nani sin, mayam mairin nani wal diara tânka briaia kat iwi bas. Witin nani ra kulkanka yabi bas, mairin ba kau swapni ba mita baman lika apia, sakuna Gâd ai kupia painka ra, witin nani ra sin pramis daukan rayaka yabaia man nani ra baku. Baku dauki bas bara diara kumi sin puram sunra ba takaskbia apia.

2 Pita 1:10

Baha mita, muihki nani, Gâd bui mai paiwan bara bâk saki mai brin bamna, trai kaiks baha ba man nani kupiam ra yarka ai playa bri kaia; baku dauki kama kaka, man nani sip pali kauhma apia.

2 Pita 1:11

Baku lika, wan Dawan Sasakra, Jisas Kraist ban kaia ra king aimaki ba pliska ra dimaia nani sut ba, man nani ra param sakan kabia.

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.