2 Pita 1:19 - DAWAN BÎLA AISKA

¹⁹ Naha sika prapit nani mita smalkanka ba kau karna dauki ba. Man nani baha smalkanka ba uya pain walisma. Lamp kumi tihmu pliska kumi ra ingwi ba baku sa smalkanka ba, yu baiwka, titan slilmika ba kupiam nani ra dimi ingbia kat.

2 Pita 1:19 ပူးပေါင်းရင်းမြစ်များ

Lawana Nani 119:105

Man bîlam ba, yang mini nani lampka kum sa, bara ingni kum sa yabalki ra.

Sins Lâka 6:23

Kasak lâ bîla bara smalkanka ba, lamp kum ingni klauhi ba sika; wapni takaia lâka bara kupia kraukaia ba sika, rayaka yabalka ba.

Aiseya 14:12

‘‘¡Nahki muni kasbrika purara wina kauhram, titan lakika tara! Tasba pali kat mai batakan, man sika kuntri nani ra pura lui katma ba.

Aiseya 41:26

¿Ya mita naha sturka na maisa pakan tâ pali wina, bara yawan tânka briaia kan? ¿Ya mita pat dahra aisin, bara yang nani witin ra raitka yabamna? Man nani kumi sin baha takaia sturka ba aisaras kapram, upla kumi sin bîla kumi pan aisaras kan.

Aiseya 8:20

dîa daukaia bara dîa aisaia bîla kum wan wibia ba walaia?” Âu, witin nani baku aisabia sika, sakuna tanis lâka kabia.

Aiseya 9:2

Tihmia tasbaika ra watauki kan uplika nani ba, ingni tara kaikan; baha nani dista tasbaya ra iwi kan ba, ai purara ingni ba ingwan sa.

Matiu 4:16

Tihmu tara ra iwi uplika nani ba ingni tara kum kaikan; bara prura tihmuka tasbaya ra iwi nani ra ingni tara kum ingwan.”

Jan 5:35

Jan lika lamp kumi baku klauhi ai ingnika saki kata, bara man nani mita wilin banhwi katma piua prahni kum ai ingnika ra lilia kaia.

Jan 5:39

Man nani naha Ulbanka nani na, aman kaiki tânka laki kaikma kaka, baha ba wina raya ban kaia ba briaia lukma; ban sakuna, Ulbanka nani na sika, yang dukira aisisa,

Jan 8:12

Jisas kli upla nani ra aisi, win: —Yang sika upla nani ingnika; ya yang nini bliki ba, raya kaia yabi ingnika ba bri kabia, bara kli sin tihmia ra tauki kabia apia.

Apastil Nani Sturka 15:29

daiwan wîna aidul nani ra sakripais daukan ba lika pipara, tâlia ba sin apia, daiwan nani langki ikan wîna ba sin apia, bara upla kumi marit takras kaka ai maya ba briaia apia sa. Naha diara nani alki brima kaka, man nani pain daukisma. Bara yamni wama.”

Apastil Nani Sturka 17:11

Naha Juka nani na kau upla painkira nani kan Tesalonaika nani ba wal. Witin nani ai kupia aiska ni Dawan bîla ba brin kan, bara yu bani Ulbanka nani ba tânka pliki kaiki kan, diara nani aisi kan ba kasak sapa.

Hibru Nani 2:2

Piu wala nani ra insal nani bîla aisin tânka ba kasak pali marikan kata, bara ani uplika nani saura dauki baha bîla ba kat wali daukras kan ba, witin nani dîa klalka briaia kan ba kat bri banhwan.

Jems 2:8

Ulbanka lâ kau tara ba naha sika: “Uplikam ra latwan kaiks, man wînam baku”, bara man nani baha ba kulkisma kaka, uya pain daukisma.

1 Pita 1:10

Patitara piua ra prapit nani naha swaki sakan lâka tânka na pain pali pliki sakaia munan; bara Gâd ai painka mita man nani ra maikaia kan ba dukiara aisi kan.

1 Jan 5:10

Ya Gâd Luhpia ra kasak luki ba, witin naha witniska bîla na ai kupia ra ban brisa; ya Gâd ra kasak lukras ba mita, Gâd ba kuninkira sakisa, kan Gâd mita ai Luhpia dukiara witnis aisin ba, witin kasak lukras pali sa.

3 Jan 1:6

Latwan kaikisma ba dukiara, baha wan muihni nani mita, Kraist daknika aiska ba mawanra param aisan. Pliskam pali, Gâd pain kaikbia ba tânka kat, man baha nani ai impakanka dukiara hilp muns.

Param Marikanka 2:28

Bara titan slilmika ba witin nani ra yabamna.

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”