2 Pita 1:16 - DAWAN BÎLA AISKA

¹⁶ Bamna wan Dawan Jisas Kraist karnika bara witin kli balaia dukiara man nani ra mai smalkri ba lika, yang nani âiya wina sturi saki paski mai smalkras, kan Dawan ba tara sa tânka yang nani naikra pali ni kaikri.

2 Pita 1:16 ပူးပေါင်းရင်းမြစ်များ

Malaquía 3:2

Sakuna, ¿baha yua ba ya bui takaskbia? ¿Ya ban bûi kabia? Witin pauta klauhi baku balbia, angki klin wan sakaia, sup baku wan tâskika nani ba sikbi sakaia dukiara aula.

Malaquía 4:5

“Man nani kaiki bas: Dawan yua tara sibrinkira yua aula ba kainara, prapit Ilaidsa ba yang bui man nani ra blikaisna.

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Matiu 16:28

Kasak pali man nani ra mai wisna, nahara upla kum kum na lika prubia apia, Upla Luhpia Waitna ai prana wal balbia ba witin nani kaiki banhbia kat.

Matiu 17:1

Yu matlalkahbi luan ningkara Jisas bal Pita, Jems bara muihnika Jan kat brih, witin nani ai mânka il purara pali kum ra wan.

Matiu 24:27

Kan imyula kum kasbrika purara ba lalma wina muna kat lipi ba, baku kabia Upla Luhpia Waitna ba balbia ba ra.

Matiu 24:3

Ningkara witin nani Olivet ilka ra wan; bara Jisas bahara iwi kan ba ra, ai disaipilka nani bal, pusbi win: —Naha na ahkia kabia sapa yang nani ra ai wis. ¿Man balaia sma ba bara tasba tnata sainka ba sin ani kabia ki?

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Mark 13:26

Bâra mika Upla Luhpia Waitna ba, kasbrika ra ai karnika tara wal, ai pranakira aula ba, upla nani kaikbia.

Mark 14:62

Jisas witin ra win: —Âu, yang sika. Bara man nani mita Upla Luhpia Waitna ba kaikma, Gâd karnika bara mihta aihkika ra iwi, kasbrika purara kasbrikika nani tilara balbia ba.

Luk 9:43

Bara upla sut tâ iwan Gâd karnika ba dukiara. Jisas diara dauki kan ba dukiara upla sut tâ iwan taki kan, witin ai disaipilka nani ra win:

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 17:2

Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.

1 Korint 1:17

Kraist upla tahbi daukaia ai blikras. Witin ai blikan ba lika, sturi yamni ba aisi smalkamna dukiara, sakuna sinskira nani bîla nani aisi ba baku lika apia, kan baku daukamna kaka, Kraist dus prihni ra pruan karnika ba tânka âpu baku kabia.

1 Korint 1:23

sakuna yang nani lika Kraist dus prihni ra pruan sturka ba aisi smalkisna. Sturka yamni na, Ju nani mapa ra swira dukia sa, bara Ju apia nani ba lika sins âpu dukia baku kulki banhwisa;

1 Korint 1:7

Baku mika, man nani ba wan Dawan Jisas Kraist latan bal takaia yua nani ba bîla kaikisma ba ra, Gâd mita yabi dukia nani ba luha apia sma.

1 Korint 2:1

Sakuna muihki nani, man nani ra Gâd kasakka tânka yukukan ba aisi mai smalkaia balatna ba ra, bîla tihu nani bara sins tara ni sin baha ba aisaras katna.

1 Korint 2:4

bamna sturi yamni ba man nani ra aisari bara smalkri ba ra, upla sinskira bîla nani baku ni kupiam nani alkaia lukras katna. Sakuna, Gâd Spiritka karnika ba wal kupiam nani alkatna.

1 Korint 5:4

Man nani asla aidrubisma ba ra, yang sin spiritki ra man nani aikuki kamna, bara Dawan Jisas Kraist karnika ba man nani wal kabia. Baku lika, wan Dawan Jisas nina ra,

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

Epesus 4:14

Bara yawan na tuktan ban kaia apia sa, witin nani ai natka isi sât wala takisa, ya ya smalkanka raya smalki nani ba payaska ba mita raski brih auya, âuya mâira nani aimawahkan yabalka ra tauki nani ba mita sin kunin munisa.

Pilipai 3:21

Witin bal wan wîna tara umpira pali na lakbia, witin klauna ai wîna tara pranakira ba baku kabia dukiara. Bara baha diara nani sut ba, witin ai mihta alki briaia karnika bri ba wal daukbia.

1 Tesalonaika 2:19

¿Bamna yang nani kainira diara bîla kaikisna ba, liliaki ba bara yang nani maiyunra kraunka ba, dîa kabia ki? Baha ba man nani pali sika, wan Dawan Jisas Kraist balbia ba ra.

2 Tesalonaika 2:9

Baha saurakira balaia ba lika, Sitan hilpka wal balbia, bara karnika tara wal balbia, sain nani, diara aihkakira kunin sâtka nani wal sin.

1 Timoti 1:4

Witin nani ra wis, kisi sturka nani bara kanra wan almukka nani sturka nani ba, walbiara. Naha dukia nani na blahwanka bahki nani baman bukisa, bara Gâd mita yawan kasak lukan lâka wal diara kasak daukaia wankan ba, baha kat daukaia sip hilp wan munras.

1 Timoti 4:7

Sakuna tasba uplika sturka tânkas nani ba bîla walpara. Man wînam ba wark yabi bas, Gâd ra luki kaia ba dukiara.

Taitus 1:14

bara Ju nani kisi sturka nani aisi nani ba, bîla walbiara, kasak lâka ra bahki kulki uplika nani lâ nani yabi ba sin alki bribiara.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.

1 Jan 4:14

Yawan pali mita baha ba kaikan, bara param aisi wisa: Aisa ba kasak ai Luhpia blikan, naha tasba ra iwi uplika nani ba swaki sakaia.

Judas 1:14

Bamna Henoc sin, naha sika Adam wina matlalkahbi pura kumika ba, witin lika Gâd dahra aisi, baha dukiara naku win: “Yang kaikri Dawan aula kan, ai insalka nani tausin ailal nani wal

Param Marikanka 1:7

¡Kraist ba kasbrika nani tilara balbia! Upla sut mita witin ba kaikbia, ai wîna tara dus prihni ra saban uplika nani sin. Tasba aiska uplika nani witin kaiki sari bri inbia. Âu, baku kabia.