2 Pita 1:10 - DAWAN BÎLA AISKA

¹⁰ Baha mita, muihki nani, Gâd bui mai paiwan bara bâk saki mai brin bamna, trai kaiks baha ba man nani kupiam ra yarka ai playa bri kaia; baku dauki kama kaka, man nani sip pali kauhma apia.

2 Pita 1:10 ပူးပေါင်းရင်းမြစ်များ

Lawana Nani 112:6

baha mita witin tanis kauhbia apia. ¡Upla kasakkira ba ban ai kupia krauki kabia!

Lawana Nani 121:3

¡Witin bui man minam sip yaka kauhbia apia! ¡Witin aihwaki mai kaiki ba, yapbia sin apia!

Lawana Nani 15:5

witin ai lalahka upla ra lin muni, kli pura praki briaia wiras; witin sin pâtkas uplika ra saura munaia tâwan lalah prisant briras. Baku iwi dauki ba sip kitras ban bâra kabia.

Lawana Nani 37:24

Witin sin kauhbia kaka, kauhan ban bâra kabia apia Dawan bui witin ai mihta ra alkisa bamna.

Lawana Nani 62:2

Witin baman swaki ai sakisa bara kaini kahbisa. Yang kauhamna apia, kan witin ba yukuwaiki sa.

Lawana Nani 62:6

Gâd wina baman swaki ai sakan lâka aikisa, witin ai swika kauhamna apia, kan witin sika yang yukuwaiki ba.

Aiseya 56:2

Lilia pali sa baha uplika naha adarka nani nina bliki ba, kasak luki kira baha nani sut daukisa, ris yua ba kulkanka yabisa. Witin aman kaikisa saura ba daukaia apia.”

Miqueas 7:8

Nisan nani sut waihli nani sma ba, man nani laiwaska kikpara yang kauhri ba dukiara, kan yang kli buamna; yang kra tihmia tara tilara iwisna, ban sakuna, Dawan ba yang ingniki kabia.

Matiu 22:14

Kan upla ailal lika paiwan sa, sakuna kum kum baman bâk sakan sa.”

Roman 11:29

Bamna Gâd mita yabi ba witin kli dakbi sakras sa, bara paiwi ba wina kitwi takras sa.

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

Hibru Nani 6:11

Sakuna yang nani want sna, man nani kumi bani ban tnata kat, baha wilin lâka ba dauki kama, bara baku mika diara bîla kaikisma ba aiska pali takbia.

Hibru Nani 6:19

Yawan wan kainara diara briaia lâka bri ba mita, wan sulka ba ban bapi brisa bara sip sin yaban kitbras, sim grapin ba duri tara bapi bri ba baku. Naha grapinka yawan bri ba lika kasbrika purara tempel dur pamaika kwalka nina mapa wina alki brisa,

Jems 2:10

Ya lâ aiska ba wina kumi ra sim kulkras kaka, witin lâ bîla ba sut krikisa.

Jasua 7:3

bara witin nani kli tawi balan bara diara kaikan ba sturka ba sut Jasua ra win: “Yang nani kaikisna wan uplika nani na sut Ai mapara wih aiklabaia apia sa, upla 2,000, apia kra 3,000 wabia kaka, baha aitani sa tawanka ba dakbi briaia. Kan uplika nani ba maura lupia baman ai tawanka ba kan kahbi aihwakisa. Bamna wan uplika nani sut blîkpara.”

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

2 Pita 1:3

Gâd ai karnika ni dîa dîa wan rayaka ra nit ba sut wankan sa, bara mayunanka sin, yawan ra ai prana ni wan paiwan ba, bara ai warkka pranakira dauki ba uplika wal kakaira wan saki ba tâka mita.

2 Pita 1:5

Baha mita, trai kaikaia sma kasakkam lukan lâka ra, daukankam pain ba pura prakaia daukanka pain ra tânka briaia lâka;

2 Pita 3:14

Baha mita, muihki laitwankira nani, naha diara nani bîla kaikisma ba ra, dîa sip sma ba kat trai kaiki bas; bara Gâd bui man nani mai kaikbia ba ra, kupia kumi, tâski âpu bara pâtkas nani kama.

2 Pita 3:17

Baha mita, muihki laitwankira nani, man nani naha diara nani na tânka kaina piua wina pat kaikisma, bamna aman kaiks, upla saurakira nani mita yarka kunin mai muni pain buisma ba wina mai batakbiara.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 22:14

Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.