2 Kronikas 9:11 - DAWAN BÎLA AISKA

¹¹ Bara dus painkira nani ba brih, king mita Dawan tempelka barandika ba paskan, king watla ba sin, bara arp nani miusik pulaia dukia nani sin paskan. Juda tasbaya ra, baha sât dukia nani upla kau kaikras kan.

2 Kronikas 9:11 ပူးပေါင်းရင်းမြစ်များ

1 King Nani 10:12

Bara dus painkira nani brih balan ba wal, king mita Dawan tempelka barandika ba paskan, bara baku sin king watla, bara sin arp sâtka nani paskan ba sin miusik pulaia. Upla kaikras baha dusa painkira nani brih wan baku naiwa kat.

1 Kronikas 23:5

bara 4,000 wala ba lika dur aihwawakra nani mangkan, 4,000 wala ba lilia binka daukaia dukia nani ba warkka yan, Dawan ra lawana aiwani mayunaia, Debit bui baku daukaia win ba kat daukan.

1 Kronikas 25:1

Bamna Debit bara prias watla ra wark lalka nani ba bui Asaf, Hemán bara Jedutún kat luhpia nani wahbi sakan, bara witin nani sika prapit kabia wisi arp, drum, plit sirpi nani pruki kira ni, naha waitnika nani sika baha warkka dukiara sakan kan ba.

2 Kronikas 2:8

Líbano wina sin yang ra yalam tatka, saiprus dusa nani bara dus lalahni kîa painkira nani ai blîks. Kaikisni uplikam nani ba Líbano dusa nani ba klakaia lan sa. Bara yang upliki nani ba man uplikam nani ra hilp munbia,

2 Kronikas 9:10

Waitna nani Hiram bara Salaman wal wark taki nani ba, Ofir wina gul bri balan ba purkara, dus painkira nani, walpa manakira nani sin brih balan.

2 Kronikas 9:12

Bara king Salaman sin, pana Sabá kwinka dîa makaban ba sut yaban, witin ra diara bri balan ba purkara pura praki yan. Baha wina kwin ba kli ai kuntrika ra wan ai uplika nani aikuki.

Param Marikanka 5:8

witin baha wauhkataya ba prak brin ba ra, diara rayakira walhwal ba bara almuk 24 ba, Sîp Luhpia ba mawan kat ai lula krikan. Witin nani sut arp kum bri kan, gul ni daukan kapka sin dus mâka kîa pain banhki bri kan, bara baha nani ba lika Gâd uplika nani pura sunra nani sa.