2 Kronikas 8:14 - DAWAN BÎLA AISKA

¹⁴ Prîs nani ai awarka daukan, ai warkka daukaia dîa ai aisika Debit daukata baku, bara Libait nani ai warkka kat Dawan ra mayuni kan, bara prîs nani ra tâ baiki kan, dîa dauki ba sut ai piua kat. Baku sin dur main kakaira nani dur bani ra ai adarka kat aihwaki kan, baku sika daukan Gâd waitnika ba.

2 Kronikas 8:14 ပူးပေါင်းရင်းမြစ်များ

2 Samuil 23:2

“Dawan Spiritka ba yang bîli bâk aisisa; ai bîla aisinka ba yang twisi ra sa.

1 King Nani 13:1

Jeroboam ba Betel ra kîa yamni dauki dukia nani altar purara angki kan, bara Dawan mita prapit kum blikan Juda wina Betel ra;

1 Kronikas 16:37

Baku bamna, Gâd wal lâ daukan watla ba mawan tani ra, Debit bui swin Asaf bara witin wal tauki uplika nani witin nani bahara ban wark dauki kabia, yu bani dîa brin dauki ba kat.

1 Kronikas 16:42

Naha nani ba lilia binka daukaia dukia nani ba kangbi kata: trumpit nani, plit sirpi nani bara kangbi pulaia dukia wala nani sin, Dawan ra aiwanaia dukiara tâ baiki dukia nani ba sin. Jedutún luhpia nani ba lika dur ra aihwaki banhwi kata.

1 Kronikas 23:1

Debit ba pat almuk pali kan, mani sin ailal bri kan, bara witin ai watlika ra ai luhpia Salaman ba Israel kingka kabia mangkan,

1 Kronikas 24:1

Eran kiamka nani sin ai piua nani bri kata wark daukaia. Eran luhpia nani kan ba Nadab, Abihú, Eleazar bara Itamar.

1 Kronikas 24:3

Debit ba, Sadoc tâ baikanka wal, witinka Eleazar kiamka, bara Ehimélec tâ baikanka wal sin, witin lika Itamar kiamka, witin nani wark nani ba baiki saki banhwan, ai piua kat wark takaia dukiara.

1 Kronikas 25:1

Bamna Debit bara prias watla ra wark lalka nani ba bui Asaf, Hemán bara Jedutún kat luhpia nani wahbi sakan, bara witin nani sika prapit kabia wisi arp, drum, plit sirpi nani pruki kira ni, naha waitnika nani sika baha warkka dukiara sakan kan ba.

1 Kronikas 26:1

Dur aihwawakra nani, ai piua nani kat aihwakaia ba sir muni yaban bara naku takaskan: Coré uplika nani wina Meselemías, Coré luhpia, witin ba Ebiasaf luhpia kata.

1 Kronikas 28:19

Naha diara nani sut na ulbanka kumi ra Dawan bui Debit ra marikan ulban kata, bahara sika wark nani bani daukaia kan ba, pat ulbi daukan kan.

1 Kronikas 9:17

Dur aihwawakra nani ba: Salum, Acub, Talmón, Ahimán. Salum, witin nani muihnika ba, witin nani lalka kata,

1 Kronikas 9:24

Dur aihwaki kaiki nani ba lika tâ walhwal sut ra kan: lalma, muna, yahbra bara waupasa tani ba.

2 Kronikas 23:19

Baku sin Dawan tempelka ra dur aihwawakra nani swin, bahara upla sunu apia nani ban kra dimbia apia dukiara.

2 Kronikas 23:4

Naku sika man nani daukaia sma: man nani tilam wina baiki sakanka yumhpa wina kumi ba prîs bara Libait nani ris yua ra wark dauki nani ba, dur nani ba kaina sunbia;

2 Kronikas 29:25

Ezequías sin Dawan tempelka ra Libait nani ba swin singbaia dukia ba singbi kaia, Debit bara prapit Gâd wal lâ dauki win ba baku, king warkka ra prapit Natán win ba baku, kan baha lâka ba Dawan bui yaban, Gâd ai prapitka nani aisi bâk.

2 Kronikas 31:2

Baha ningkara Ezequías bui prîs bara Libait nani ra warkka yan, piua kat ai warkka natka daukbia ba kat upla bani dîa warkka daukaia kan ba daukbia, sakripais angkbia bara kli Dawan wal ai uplika takaia ba, bara wih Dawan ra mayunaia, tempel durka ba kat ai warkka dauki kaia.

2 Kronikas 35:10

Liliaka daukaia piua balan ba ra, prîs nani ai pliska ba brin, bara Libait nani ba asla takan ai piua mangkan ba kat, dîa king adar lakan ba kat.

2 Kronikas 35:15

Asaf kiamka aiwawanra nani ba, baha nani sin ai pliska ra banhwi kan, Debit lâ mangkan ba kat, baku sin Asaf, Hemán bara Jedutún, diara kakaira ba, king warkka uplika ba. Dur kaina suni nani ba ai durka bani ra kan, kumi sin ai pliska swih waras kata, kan witin nani wark daukaia kan ba Libait nani daukan, kumi bani sakripaiska ba.

2 Kronikas 35:4

Kiamka nani bani asla taks bara wark takaia, nahki Debit Israel kingka ulbi swin ba baku, ai luhpia Salaman sin.

2 Kronikas 5:11

Bara prîs nani ba, holikira Pliska ba wina takan ba ra, witin nani sut ba kau holikira takan kata bara kli ai piua kat aihwakras kan.

2 Kronikas 8:15

Bara baku king lâka yan ba wina, kitwi takras kan; prîs nani, Libait nani bara lalah kukanka tempel bilara alki kan nani ba.

Esdras 6:18

Baha ningkara prîs nani ba ai piua kat wark dauki kaia warkka ba yaban, Libait nani ba sin dîa dauki kaia ba warkka ba marikan, Gâd mayunra warkka Jerusalem ra dauki kaia, Moses wauhkataya ra dîa ulban ba tânka kat.

Nihimaya 12:24

Libait nani wihtka nani ban naha nani kata: Hasabías, Serebías, Jasua, Binuy bara Cadmiel, bara ai pânika nani ba lika aikuki witin nani ai warkka kan ba Dawan ra mayuni tingki wiaia, Debit, Gâd waitnika dîa win kan ba kat daukan, witin nani kumi bani ai piua ba kat ai warkka daukaia.

Nihimaya 12:25

Bara dur ra aihwawakra nani ba naha nani kata: Matanías, Bacbuquías, Abdías, Mesulam, Talmón bara Acub.

Nihimaya 12:36

baku sin ai muihni nani Semaías, Azarel, Milalai, Guilalai, Maai, Natanael, Juda bara Hananí, witin nani lika Gâd waitnika Debit mayunra daukaia dukia nani bri kan ba brih wan. Bara Esdras smasmalkra ba lika witin nani tâura wapi kan.

Luk 1:5

Herod Judia kingka aimaki kan ba ra, prîs kum bâra kan nina Sakaraya, witinka Abías kiamka kata. Ai maya nina lika Elisabet, witin sin prîs Eran kiamka kan.

Luk 1:8

Yu kumi, Sakaraya daknika ba, Gâd mawanra prîs warkka daukaia piua balan kan,

Apastil Nani Sturka 13:22

Ningkara Gâd, Saúl ba saki si, witin ai watlika ra Debit ba king mangkan. Gâd mita Debit tâwan naku aisin: ‘Jesé luhpia waitna Debit sakri ba yang pain kaikisna, bara sin ridi sa yang dîa want sna ba sut daukbia.’

Apastil Nani Sturka 13:36

Debit ai yua nani ra Gâd dukia daukan, dîa witin ra win ba kat. Ningkara, witin pruan ba ra, ai aisika nani raitika lamara bri si bikan, bara ai wîna tara ban sukwi luan.

Kli Smalkanka 33:1

Moses Gâd waitnika ba pruaia lamara, Israel luhpia nani ra yamni munan,