2 Kronikas 7:9 - DAWAN BÎLA AISKA

⁹ Yapra wala ba asla takan liliaka painkira yu 7 daukan, altar ba Dawan mihta ra mangkan, bara kli yu 7 ba Utla Papakni liliaka ba daukan.

2 Kronikas 7:9 ပူးပေါင်းရင်းမြစ်များ

1 King Nani 8:2

Bara king Salaman ba Israel waitnika nani sut aikuki asla takan kata, baha ba Etanim katka ra, baha lika kati 7 manka, naha piua ra sika Salaman Israel luhpia nani wal asla takan ba.

1 King Nani 8:65

Baha piua ra, Salaman bara Israel luhpia nani upla ailal nani dihwan ba balan kan, Hamat ra dimaika ba wina Idsip tingnika ba kat, Dawan Gâd mawanra bal, Utla Papakni liliaka ba daukan. Baha ningkara kli yu 7 liliaka wala daukan, asla lika yu 14 lilia dauki kata.

2 Kronikas 30:23

Upla nani sut ba lilia piua ba kau kitbaia want kan, bara liliakira kau yu 7 kitban, lilia pali kan bamna;

2 Kronikas 7:10

Kati 7 yua 23 ba kat uplika nani kli watla ra blikan, bara witin nani ai kupia liliakira Dawan ai kupia yamnika lâka Debit wal Salaman wal sin daukan ba dukiara, baku sin ai uplika Israel wal sin daukan ba liliaka ra.

Nihimaya 8:18

Bamna witin nani yu 7 baha yua liliaka ba dauki kan; bara yua pas ba wina Esdras yu bani Gâd lâka ulban ba wina wiria aisi kaiki kan, bara yu 8 aimakan ba ra upla asla takan, baha liliaka tara ba daukaia dukiara lâ ra ulban ba kat daukaia.

Impakan Sturka 29:37

Kîa yamni angkaia pliska ba sunu sakaia dukiara yu 7 yamni ba angki kama, bara baku lika kîa yamni angkaia pliska ba sunu daukan kabia. Bara Gâd ra diara yabaia, altarka ba holikira pali daukan kabia: diara sut bahara kangbi ba, sunu sakan kabia.

Joel 1:14

Upla sut ra paiws bara kaiki plun piras tânka ba, dauki banhs; tâ uplika almuk nani bara kuntri ra iwi uplika nani ba sut, Dawan tempelka ra asla dauks, bara ningkara Dawan ra puram suni banhs.

Libait Lâka 23:36

Baha yua 7 nani ra Dawan ra pain kulkaia sakripaiska nani angkaia, bara 8 yua aimakbia man nani aidrubi bal lilia tara daukma, Dawan ra prisantka yaia, baha yua ba sin sunu kulki kama. Baha lilia daukaia yua bamna, baha yua ra wark sât wala bara wark karna daukma apia.

Kulki Kaikanka 7:10

Altar nani ba Dawan mihta ra mangkaia yua batana laikaia piua ra, Israel taika wihtka nani ba sin ai prisantka nani bri si yan.

Kli Smalkanka 16:8

Yu 6 ba man nani brit îs âpu pi kama, bara yua 7 ba asla aidrubaia yua bâk sâkma, Dawan Gâdkam ra mayunra yabaia; baha yua ra wark kumi sin daukaia apia sma.