2 Kronikas 7:8 - DAWAN BÎLA AISKA

⁸ Baha piua ra, Salaman bara Israel luhpia nani sut aikuki Utla Papakni liliaka ba dauki kan, bara witin lika Israel ailal ba aikuki daknika ba tara kan Hamat dimaika ba wina, Idsip awalka ba kat balan.

2 Kronikas 7:8 ပူးပေါင်းရင်းမြစ်များ

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

1 King Nani 8:2

Bara king Salaman ba Israel waitnika nani sut aikuki asla takan kata, baha ba Etanim katka ra, baha lika kati 7 manka, naha piua ra sika Salaman Israel luhpia nani wal asla takan ba.

1 King Nani 8:65

Baha piua ra, Salaman bara Israel luhpia nani upla ailal nani dihwan ba balan kan, Hamat ra dimaika ba wina Idsip tingnika ba kat, Dawan Gâd mawanra bal, Utla Papakni liliaka ba daukan. Baha ningkara kli yu 7 liliaka wala daukan, asla lika yu 14 lilia dauki kata.

2 Kronikas 30:13

Baku bamna, upla ailal pali asla takan Jerusalem ra kati kum ningkara, brit îs âpu daukan yua ba dukiara.

2 Kronikas 30:26

Baku bamna, lilia pali kan Jerusalem ra, kan king Debit luhpia Salaman Israel ra king kan yua ba wina, naha sâtka kau baku takras kata.

2 Kronikas 5:3

Bara king Salaman ba Israel waitnika nani sut aikuki asla takan kata, baha ba Etanim katka ra kati 7 manka kata.

Isikiel 45:25

“Baku sin Utla Papakni liliaka dauki kama kati 7, yua 15 ba, bara baha piua ra wihta tara ba mita kau ban yu 7 saurka swih tikaia sakripaiska ba daukbia dauki kan ba baku, daiwan an angkan ba kli baku angkbia, plun nani prisantka bara batana laya sin yaban kan ba kli baku prais yabia.

Isikiel 47:20

“Muna tani piarkika ba Mediterráneo kabuka, Idsip piarkika wina kabu un Hamat dimaika mawanra yaba kat.

Emus 6:14

Bamna Israel luhpia nani, wals; Dawan karnika sut pali bri ba, naku kasak aisisa: “Nisan karna kum man nani mampara aiklabaia blikuna tasbayam ba briaia, yahbra tani Hamat wina, waupasa tani ra Arabá tingnika kat, ai mina ra mai taibi mai bribia.”

Jan 7:2

Utla Papakni liliaka piua ba pat baila kan, bara baha ba lika Ju nani mapa ra lilia piua tara kum kata.