2 Kronikas 7:5 - DAWAN BÎLA AISKA

⁵ Bara king Salaman bui bîp wainhka 22,000 bara sîp 120,000 sakripais daukan. Bara baku Dawan watla ba king upla nani ba aikuki Dawan mihta ra mangkan.

2 Kronikas 7:5 ပူးပေါင်းရင်းမြစ်များ

1 Kronikas 29:21

Yua wala Dawan ra aiska angki kîa yamni nani yan, bîp wainhka 1,000, sîp wainhka 1,000, sîp lupia 1,000, bamna Israel luhpia nani sut diara bri ba wina yan, bara wain sin naha nani wina mana luha yan ai Dawanka ra.

2 Kronikas 1:6

Baha bras altarka Dawan mawanra ba ra Salaman uli wan, upla nani Dawan wal aisaia tintka watla ba mawanra, baha altarka ba purara daiwan aiska angki 1,000 sakripais daukan.

2 Kronikas 15:11

Bara baha yua ra Dawan ra 700 bîp bara 7,000 sîp sakripais daukan ai waihla wina nani dakban daiwra nani kan ba.

2 Kronikas 2:4

Man kaiks, yang Dawan Gâdki tempelka mâkaisna, bahara witin ra mayunra yabaia, kîa yamni nani angki brit nani painka ra tibil ra kahbaia bara ai piua kat Dawan ra tingki wiaia, titan ra bara tutni ra, daiwanka aiska angkaia ris yua nani ra, kati raya bara yua wala nani ra sin wan Dawan ra mayuni kulkaia, Israel luhpia nani tilara dauki ba baku.

2 Kronikas 30:24

kan Ezequías, Juda kingka ba, upla nani ra 1,000 bîp wainhka bara 7,000 sîp nani prisant yan, bara wihtka tara nani bui sin 1,000 bîp wainhka bara 10,000 sîp nani prisant yan. Prîs nani ailal saura wina klin takan.

2 Kronikas 5:6

King Salaman bara Israel luhpia nani sut witin wal asla takan kan ba, witin nani Gâd lâka auhbaia watla ba tâura banhwi kan, bara sîp nani bara bîp wainhka nani ailal pali iki sakripais daukan, upla ailal pali daukan sip kulki sakras.

2 Kronikas 7:4

Naha ningkara, king bara upla nani sut sin sakripais daukan Dawan mawanra.

2 Kronikas 7:6

Bara prîs nani ai warkka ban daukata, bara Libait nani sin, Dawan mayunaia miusikka nani wal, king ulbanka ba lawana ba wal, bara lawana ba naku aisi aiwani kata: “Kan ai latwanka lâka ba ban kaia ra ban sa”, Debit ba witin nani tilara aiwani kan piua ra. Baku sin prîs nani trumpit puhban witin nani mawanra, bara Israel luhpia nani sut ai mina ra bûi kata.

Isikiel 45:17

bara witin wîna aiska angkaia sakripaiska daiwra ba yabia, plun sâtka nani, bara wain kati raya taki ba ra, ris yua nani ra baha prisantka nani ba yabaia, Israel lilia dauki yua nani ba. Baha yua nani sin saurka swi tikaia sakripaiska nani daukaia mâ sâtka prisantka bri balaia, daiwan aiska angkaia sakripaiska bara kli wal uplika takaia sakripaiska sin, Israel luhpia nani pâtka ban swi tikaia dukiara daukaia.

Miqueas 6:7

¿Sîp nani 1,000 yang bri sal yabamna kaka, apia kaka oliv batanka laya, awala nani 10,000 baku yabamna kra, Dawan baha dukia nani brih lilia takbia ki? ¿Apia kaka, yang luhpi taiwahkia ba yabamna, Dawan mapara buri ba saurki mana aibapaia?

Kulki Kaikanka 7:10

Altar nani ba Dawan mihta ra mangkaia yua batana laikaia piua ra, Israel taika wihtka nani ba sin ai prisantka nani bri si yan.

Jan 10:22

Kauhla piua ba ra, Jerusalem ra tempel Dawan mihta ra mangkan piua liliaka ba dauki banhwi kan.