2 Kronikas 7:20 - DAWAN BÎLA AISKA

²⁰ yang naha tasbaya maikri na wina mai sakamni, bara naha watla holikira daukram ba wina sin, yang maiwan wina lulki mai sakamni, bara nisan sut ba lamwaska kiki kabia.

2 Kronikas 7:20 ပူးပေါင်းရင်းမြစ်များ

1 King Nani 14:15

Dawan mita Israel ba singban kabia, lî aubra nani bui yauhrus dusa ra muni ba baku. Bara Israel ba, naha tasbaya yamnikira ai damika nani ra yan kan ba wina lulki sakan kabia, bara yakaban kabia Éufrates wina kau laihura, kan gâd bahki Astarté lilka daukan bara Dawan kupia sauhkan bamna.

1 King Nani 9:7

yang bui Israel ba baha tasbaya yâri ba wina sakamna, bara naha watla yang nini ra yamnika yâri na, yang maiwan wina âpu daukamna, bara Israel luhpia nani ba nisan wala nani mita lawaska kiki kaiki kabia piua bani ra.

2 King Nani 17:20

Bara Dawan mita Israel kiamka nani aiska ba ai lamara kaiki ba wina sakan, bara swira dauki âimplikra nani mihta ra mangkan.

2 Kronikas 36:19

Baha purkara Gâd tempelka ba angkan, Jerusalem kutbanka nani kan ba slingban, king watla nani ra sin pauta angkan, bara diara manakira nani kan ba sut sauhki tikan.

Lawana Nani 44:14

Idan nani ba, yang nani laiwaska kikisa, upla nani ba yang nani ra ai kaiki ai lal wauhisa.

Lawana Nani 52:5

ban sakuna, Dawan ba pana man ra mai sauhki tikbia ban kaia ra; man wamtla ba wina mai brih latara mai sâkbia; bara rayakam ba sin sakan kabia.

Jirimaya 12:17

Sakuna ani nisanka kabia bîli wali daukras kabia kaka, wakia wal daiki slingbamna. Yang, Dawan, kasak aisisna.”

Jirimaya 16:13

Baha tâwan, naha kuntrika wina man nani mai saki kuntri wala ra mai lulkaisna, man nani damikam nani sin kakaira apia kan ba tasbaya ra, bahara Gâd wala nani warkka dauki kama, yang bui man nani ra kupi swapni brimna apia.’

Jirimaya 18:7

Minit kum ra yang diara sut luki kaikisna nisan kum ba, apia kaka king tasbaya kum ba wakia wal daikaia, dringbaia, sauhkaia.

Jirimaya 22:8

“Baha ningkara nisan ailal uplika nani ba naha tawanka bâk bal lubia, bara pana pana ai walka ra makabi walbia: ‘¿Naha tawanka tara na dîa muni Dawan mita naku sauhkan?’

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Jirimaya 31:28

Bara baku pali ridi kapri daikaia, batakaia, mâyara lahbaia, sauhkaia bara trabil munaia, baku natka ra aihwaki kaikisna paskaia bara mangkaia. Yang, Dawan, kasak aisisna.

Jirimaya 44:8

¿Dîa muni man nani daukankam nani ni swiri daukisma, Idsip ra gâd wala nani ra kîa pain nani angki yabisma, baha tasbaya ra man nani takaski iwaia balram apia? Baha daukanka ba ni munisma man nani ra mai sauhki tikaia lâka ba, nisan nani tilara tasba aiska ra man nani ba lahtuban swiram takan uplika nani kama.

Jirimaya 45:4

bara baha mai wiaia ai blikan: ‘Yang mâkri ba yang slingbisna, yang mangkri ba daikisna. Tasba aiska ra sin baku daukamna.

Isikiel 7:24

Yang mita yabrika upla tahplu nani balbia bara tawan watla nani dawanka takbia. Karnira prautka lâka nani ba danh daukamni; yabrika pliskam holikira nani ba tâski daukan kabia.

Kulki Kaikanka 32:15

Man nani bui Dawan nina blikaia wilin apia sma kaka, witin mita Israel luhpia nani upla iwras tasbaya ra yaka kau takaskbia, bara man nani pâtkira kama witin nani sut sauhki tikbia kaka.

Kli Smalkanka 28:37

Bara ani pliska nani sut ra Dawan mita mai brih wabia ba, upla wala nani mita mai kaikbia, saura sirang iwram baku kama, lukan bîla mampara aisi lawaska kiki kabia.

Kli Smalkanka 29:28

Bara ai kupia baiwanka ni ai kuntrika wina saki lulkan, ai lawanka tara ni sin kuntri wala ra lulkan, naiwa yua ra taki ba baku.’

Judas 1:12

Man nani aikuki pana pana latwan lâka ra lilia dukia daukisma ba lika, swira lâka pali sa; kan baha liliaka ra witin nani pih bara dih lilia takisa, kuna kulkanka lâka lika âpu pali sa, bara sepad nani baku, witin nani lika ai wîna kat baman main kaikisa. Witin nani sin kasbrika nani lî âpu kan, pâsa mita brih auya ba baku sa; dus nani ai piua kat sin mâ sakras kan, ai plamaya wina daikan bara aima wâl pruan ba baku sa.