2 Kronikas 7:16 - DAWAN BÎLA AISKA

¹⁶ kan naiwa wina bâk saki briri, bara naha watla ba holikira sa, nini ba ban kaia ra bâra kabia, bara naikra nani bara kupi sin bâra kabia ban kaia ra.

2 Kronikas 7:16 ပူးပေါင်းရင်းမြစ်များ

1 King Nani 8:16

‘Idsip wina upliki Israel luhpia nani sakatna ba wina, tawan kumi sin bâk sakras kapri Israel kiamka tila wina, anira tempel kum bapka yang nini ba bahara kabia dukiara. Debit ba upliki Israel luhpia nani tâ briaia bâk sakri.’

1 King Nani 8:35

“Witin nani mampara saura daukan ba tâka mita lî auhras kabia, bara witin nani naha watla ra bal man ninam ra makabi ai saurka sin dahra sâkbia kaka, ai saurka daukan ba wina kli tawbia, sari sin takbia kaka,

1 King Nani 8:44

“Uplikam nani ai waihla nani mapara aiklabaia taki wabia ani anira man blîkma ba, witin nani man ra ai pura sunbia, man tawan bâk sakram ba ra kaiki, bara tempel watla yang mita paskri ba ra sin;

1 King Nani 8:48

bara witin nani ai kupia aiska, ai sulka aiska lakbia kaka, ai waihla nani tasbaya ra priski brih wan ba wina, ai damika tasbaya nani yaram ba tani ra tawi, naha tawanka man mita bâk sakram na, bara naha watla man ninam ra paskri na tani ra tawi ai pura sunbia kaka,

1 King Nani 9:3

bara Dawan bui win: “Yang puram sunra bara makabankam daukram ba sut walri. Yang bui naha tempel daukram na yamnika yâri sa, bahara yang nini ba swiaia ban kaia ra. Bara naha watla ba, yang piu sut main kaiki kamna bara yang sin bâra kamni.

2 King Nani 21:4

Baha sut purkara sin, Dawan tempelka ra altarka nani paskan, baha dukiara sika Dawan aisin witin ai nina ba Jerusalem ra bâra kabia baha pliska ra.

2 Kronikas 30:8

Baku bamna, man nani kiamam karna kapara, damikam nani kan baku; mihtam buks Dawan ra kli lâ nani ba raya daukaia dukiara, bara bal Dawan wal aisaia watla ra, witin holikira ban sa piu bani. Dawan Gâdkam dukia dauks bara witin ai kupia lawanka ba takaskbia man nani wina.

2 Kronikas 6:20

Man naha tempelka na kakna bara tihmia aihwaki kaiki kama, naha tempelka ra man wiram nâra kaia. Man wali kama, albikam naha tempelka ra bal ai pura suni piua ra.

2 Kronikas 7:12

bara Dawan tihmia ra Salaman ra latan takan, bara win: “Yang puram sunra ba walri, bara yang naha pliska ba bâk sakri, sakripais daukaia watla.

2 Kronikas 7:15

Nanara wina ai tâura, pura sunra nani naha pliska wina sunbia ba yang kiaima pri tniki walamna,

2 Kronikas 7:17

Bara man ba yang maiwanra aisikam Debit wapi kata baku wapma kaka, bara dîa dîa yang mai wimna ba daukma kaka, bara lâika nani ulbanka ba sin bîla walma kaka,

Lawana Nani 132:13

¡Dawan bui Saion ilka bâk saki brin! Witin baha baku saki brin dauki kan, bahara ai iwaika watla daukan.

Lawana Nani 132:14

“Naha ilka ra sika, bâra kan ai dauki ba; bahara iwamna, baku brin ai dauki bamna.

Sakaraya 3:2

Bamna Dawan insalka mita sitan ra naku win: “¡Dawan lawi mai daukbia! ¡Dawan Jerusalem ra latwan kaiki ba, lawi mai daukbia! Kan naha waitnika sika masku pauta wina sakan baku sa.”

Matiu 3:17

Bara kasbrika purara ba wina bîla baikra kum walan, naku aisata: “Naha sika Luhpi laitwankira; witin sika bâk saki briri ba.”

Kli Smalkanka 12:21

Sakuna Dawan Gâdkam bui ai nina bâra kaia dukiara plis kum aihka sakan ba, man nani iwisma ba wina laihura sa kaka, yang mai wîri ba baku bîpkam bara sîpkam nani Dawan wina maikan ba, sip sma man nani bahara iwma ba ra iki piaia.

Kli Smalkanka 16:11

Bara Dawan Gâdkam mita witin ai nina bâra kaia pliska kum aihka sakan ba ra luhpiam nani, albikam nani, Libait nani, tringsar nani, rau nani bara piarka nani man nani tilamra iwi ba aikuki lilia dauks.

Kolosi 2:9

Bamna Gâd tânka aiska ba, Kraist upla takan ba mita wan marikisa,