2 Kronikas 6:41 - DAWAN BÎLA AISKA

⁴¹ “Bus, Dawan Gâd, lâmka auhbaia watla karnakira ba alki, bara anira man ris briaia pliska ba kaiks. Man, Dawan Gâd, man prîskam nani ba swaki sakan prâka dimi kabia, uplikam holikira nani ba lilia kabia kupiam yamnika ra.

2 Kronikas 6:41 ပူးပေါင်းရင်းမြစ်များ

1 Kronikas 28:2

Bamna Debit ai mina ra bûi bara win: “Yang ra ai wals, muihki nani bara upliki nani sin: Yang luki kapri Gâd lâka auhbaia watla ba pliska kum paskaia, bara bahara swika ban bâra kaia, bara baha pliska ra sin Dawan ai king iwaika bribia. Baha paskaia dukiara diara sut pat aitani kat wapni daukri kan.

Nihimaya 9:25

Bara tawan karna nani paskan kan ba wina, tasba disang nani kan ba wina, utla bilara diara kau pain nani kukan ba wina, liwanhta nani pat bâra kan ba, wain nasla nani bâra kan ba wina, oliv dusa nani, bara dus wala ailal mâ bri ba wina, witin nani pin ai âuyapah takan ba kat, batanwi banhwan bara yamnika tara pali liliaka brin.

Lawana Nani 110:2

Saion wina, wapaikam dusa ba, Dawan maikisa baha karnika brisma ba sainka. ¡Waihlam nani ba taibi bas!

Lawana Nani 132:16

Witin ai prîska nani ra swaki sakan lâka kwalka dingkamni; bara baha uplika kasak nani ba, yarka lilia ni wini kabia.

Lawana Nani 65:11

Man yamnikam ni, mani nani ba diara banhki daukisma, bara kasbrika nani ba wina, yamnikam tara pali laikisma.

Lawana Nani 65:4

Yamni pali sa, baha uplika man bâk saki briram ba; brih wama man lamara bâra iwi kaia, man tempelkam rumka bîla nani ra. ¡Banhki wan dauks, man wamtla ra diara kau pain brisma ba ni, man tempelkam watla holikira bilara ba wal sin!

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 61:3

Saion ra, sari bri banhwi nani ba ra, kraun kum yabaia yamhpus ra iwi ba watlika ra, ini ba watlika ra lilia kaia isintka yabamna, bîla kaikanka âpu ba watlika ra mayuni aiwanaia lawana nani, witin nani nina ba “pura lalura dusa nani” mâkan kabia. Dawan mita ai prana ba marikaia mangkan nani ba.

Aiseya 61:6

Bara man nani ba, Dawan prîska nani mai win kabia, yawan wan Gâdka napakanka nani mai win kabia. Nisan nani dukia kukanka ba wina man nani pima, bara witin nani ai prana ba wina man nani pramna daukma.

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Sakaraya 9:17

¡Baha kuntrika ba nahki yamni, nahki pranakira kabia! Plawar, wain ailal bri ba mita, ai luhpia waitna bara ai luhpia mairin nani ba pranakira pain pâwi kabia.

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

Roman 13:14

Sakuna, Dawan Jisas Kraist ba ni war aiklabaia prâka baku dims, bara wînam brinka saura nani baman pliki dauki âmyapah kaia upla natka kaia lukpara.

Galesha 3:27

Man nani sut Kraist wal asla kaia wisi tahbi mai daukan ba, witinka mita puram prâka baku mai brisa.

Pilipai 3:3

Kan yawan sika kasak pali Aisa sainka brin, yawan nani Spirit bâk Gâd ra wan pura suni mayuni ba, bara yawan Kraist Jisas ra bamna sika lilia banhwisa. Yawan lika wan wîna tara ra dauki dukia ba ra kasak lukras.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

Jasua 3:13

Prîs nani Dawan lâka auhbaia watla ba twilki wabia, bara upla sut ai mina liura dingkbia ba ra, awala kla wina aubi ba takaskbia plis kumi ra.”

Param Marikanka 19:14

Kasbrika purara war daknika nani ba aras pihni nani purara uli, linin kwalka painkira, pihni bara klin dimi, ai nina bliki kan.

Param Marikanka 19:8

mairka bara linin kwalka painkira, klin bara ingnikira yan diman sa.” Linin kwalka pain ba lika, Gâd uplika nani ai rayaka wapni bri ba tânka sika.