2 Kronikas 6:29 - DAWAN BÎLA AISKA

²⁹ pura sunra nani, apia kaka makabanka nani kra ani uplika bal daukbia kaka, apia kaka man uplikam Israel luhpia nani sut bui ban kra ya ya ai kupia pâtka ba ai dahra walbia kaka, naha tempelka ra bal ai mihta buki ai pura sunbia kaka,

2 Kronikas 6:29 ပူးပေါင်းရင်းမြစ်များ

2 Kronikas 20:9

‘Yawan ra saurka kum aula sa kaka, klala kum baku, war kabia, siknis, apia kaka plun wahwan, yawan naha tempelka mawanra balan kaia sa, kan man naha tempelka ra sma, bara yawan pâtka wahwanka dukiara man ra makabi banhwamni, bara man wan walma, swaki sin wan sâkma.’

2 Kronikas 6:28

“Ban kra tasbaya na ra plun tiwbia, siknis nani balbia, plun nani ra sikniska alkbia, tuhtu nani, tristrisia nani, plun sauhkaia yula nani iwbia; witin nani iwi tasbaya ra waihla nani bui bal kutbi bribia kaka, ani ani pâtka, apia kra siknis nani balbia kaka,

2 Kronikas 6:30

kasbrika purara pali ba wina wali kama, baha man iwaikam ba wina, bara pâtka ba ban swih tikma. Bara man mahka dîa daukaia lukma ba daukma, kumi bani ra ai pâtka ba kat mana yama, man baha nani kupia ba kaikisma bamna. Man baman sika upla nani sut kupia tânka kaikisma ba.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 91:15

Witin bui yang ra ai winbia, yang pana witin ra aisamni; ¡yang pali sin witin wal kamni! Trabilka ba wina pri sakamni bara kulkanka tara sin yabamni.

Sins Lâka 14:10

Wan kupia, ai trabilka tahplika ba witin yakan man kaikisa; baku sin upla tringsar sip witin ai liliaka tilara aimakras.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.