2 Kronikas 6:27 - DAWAN BÎLA AISKA

²⁷ kasbrika purara pali ba wina man wali kama, bara man albikam nani bara uplikam Israel luhpia nani saurka ba ban swih tikma, yabal yamni ba mariki kama bara witin nani bahak impaki tauki kabia, bara ai tasbaya purara lî yabrika auhbia, man bui witin nani ra yaram ba, ai almukka nani tasbaya ra.

2 Kronikas 6:27 ပူးပေါင်းရင်းမြစ်များ

2 Kronikas 7:14

upliki nani ba yang ra bawbia kaka, yang nini ra ai pura sunbia, bara yang maiwan plikbia kaka, bara ai yabalka saura nani ba wina ai kupia lakbia kaka, yang kasbrika pura wina walamni, ai saurka nani ba swih tikamna, bara ai tasbaya ba kli pain daukamna.

Lawana Nani 119:33

Dawan, man lâmka nani mangkram yabalka ba ai smalks, bara yang baha nina bliki kamni ban tnata kat.

Lawana Nani 25:12

Ani uplika Dawan ra pain kulki ba, Dawan ai yabalka ba, baha uplika ra marikisa anik waia ba;

Lawana Nani 25:8

Dawan ba yamni bara wapni sa; witin saura dadaukra nani ba, ai yabalka ra waia smalkisa.

Lawana Nani 68:9

Gâd, man bui yaram lî ailal auhan, tasba lâwan karnika nani ba, kli raya daukaia dukiara.

Lawana Nani 94:12

Man Dawan, baha uplika lilia sa, man bui wapnika mangki bara smalkanka nani yabisma ba.

Aiseya 30:21

Bara man kiamam ra wali kama ninam wini naha bîla nani mai wibia: “Naha sika yabal, man nani bahak impaks.” Bara mihtam aihkika ra tawpara, mihtam smihka ra sin apia, tnaya ra sin tawaia apia.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Jirimaya 42:3

Dawan Gâdkam ra puram suns yang nani nahki dauki waia yabalka ba mairikbia.

Jirimaya 5:24

Kupiam wal aisi kaikras bara naku sin aisaras: Dawan wan Gâdka ra kulkanka ba yabaia, bara witin mita piua kat lî auhaia bara lî sikwaia nani piua ba wankbia, mâ nani dâkaia piua ba sin piua kat wankbia.

Jirimaya 6:16

Dawan bui ai uplika nani ra wisa: “Man nani yabal kat bûi ba ra kaiks, blasi pali yabalka nani ba dukiara makabi wals, yabal kau yamni ba bâra sa; baha yabalka ra waps bara man nani ris brima.” Sakuna witin nani aisin: “Apia, apia, yang nani baha yabalka ra wapan ai daukras”

Isikiel 34:26

“Yang sîpki nani, il holikira ba lama kir mangkamna, bara yamni munamna; yamni munan laya blikamna piua bani ra.

Joel 2:12

“Sakuna nanara —Dawan naku param pali aisisa—, man nani kupiam brinka aiska kira, kli yang ra tawi bal. ¡Kaiki plun wahwi banhs, kisbi wini banhs, bara sin namkra laya sarikira bal!”

Joel 2:13

Man nani, Dawan Gâdkam ra kli tawi bal, bara kupiam brinka saura ba kalki sâks, prâmka kalkaia watlika ra, Dawan ba kupia lukra swapni lupia sa, umpira kaikan lâka sin brisa, ai kupia alki takaskisa, latwan kaikan lâka sin marikisa, wilin sa klala maiki ba, mahka takaskaia sin.

Joel 2:23

¡Saion ra iwi uplika nani, man nani sin liliam bas, Dawan Gâdkam ra liliam pali bas! Lî ailal ai piua kat witin mita yaban auhisa, kauhla piua ra bara baku sin lî piua ra yaban auhisa, blasi lî ai piua kat auhi kata ba, nanara sin kli baku yan auhisa.

Miqueas 4:2

upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Sakaraya 10:1

Man nani bui Dawan ra puram suns, mani laya ba auhaia, imyula nani lipi ba sin Dawan daukisa, ban ailal pali witin blîkbia, bara inma wahia ba upla sut dukiara tasba ra pâwbia.

Jan 6:45

Prapit nani wauhkataya ra naku wisa: ‘Gâd mita upla sut ra smalkbia.’ Baku bamna, Aisa ra wali uplika nani ba, witin ba wina lan taki yang ra aula.