2 Kronikas 6:26 - DAWAN BÎLA AISKA

²⁶ “Witin nani mampara saura daukan ba tâka mita lî auhras kabia, bara witin nani naha watla ra bal man ninam ra makabi ai saurka sin dahra sâkbia ba ra, ai saurka wina kli tawbia, sari sin takbia kaka,

2 Kronikas 6:26 ပူးပေါင်းရင်းမြစ်များ

2 Kronikas 6:25

kasbrika pura ba wina wals, uplikam Israel saurka daukan ba ban swih tikma, bara yarka kli ai damika nani ra yaram tasbaya ra tawi balbia.

2 Kronikas 7:13

Yang kasbrika ba prakamna kaka, lî auhaia apia daukamna, bara tristrisia nani blikamna tasba na sauhkaia, bara siknis sâtka blikamna naha uplika nani ra,

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Aiseya 5:6

Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.

Isikiel 14:13

“Kuntri kum yang maipara saura daukbia kaka bara yang wal kasak apia kaka, yang mihti sakbamna witin nani purara klala yabaia, bara pata piaia ba dakbamni, bara witin ra plun wahwan blikamna, bara yang munrika upla nani bara daiwan nani ba pruaia.

Oseas 5:15

“Yang waitla ra kli wamna, witin nani saura daukan ba ai dara walbia bara bal ai plikbia ba kat. ¡Ai pâtka nani wahwi ba tilara, witin nani ai pliki kabia!”

Libait Lâka 26:19

Man nani silp mamyuni kaia lâka brima kaka, pîs lupia nani ra mai krikamna, kasbrika lî maikbia apia, tasba sin mâ maikbia apia.

Luk 4:25

Prapit Ilayas piua ra Israel ra piarka mairin manis bâra kan; mani yumhpa pura bakriki lî auhras kan, bamna plun sin tiwan pali kata baha kuntrika sut ra.

Kli Smalkanka 11:17

Kan Dawan bui man nani ra ai kupia sauhki lî blîkbia apia, bara tasba ba plun mâ nani takras kaka, man nani baha tasbaya disang Dawan maikaia ba ra prui tiwma.

Kli Smalkanka 28:23

Kasbrika pura wina lî sin maikbia apia, tasba na sin plun mâ mangkrika mâ nani saki maikbia apia.

Param Marikanka 11:6

Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia. Witin nani lî ba tala ra lakaia karnika brisa, bara pât saura sât sât ni tasba ra rausauhkaia sin, aima an witin nani want kabia ba kat.