2 Kronikas 6:14 - DAWAN BÎLA AISKA

¹⁴ bara makaban: “Dawan, Israel Gâdka, man baku Gâd wala âpu sa kasbrika purara, baku sin naha tasba mâyara sin apia, man alki brisma ba wal lâ daukan lâka bara kupia yamni lâka sut albikam nani ra, baha nani ai kupia aiska kira man dukiam dauki nani ra.

2 Kronikas 6:14 ပူးပေါင်းရင်းမြစ်များ

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 33:20

Baha ningkara witin bahara altar kum sin paskan, altarka nina ba “Gâd ba Israel Gâdka” mâkan.

Blasi Sturka 35:10

bara naku aisi, win: “Man ninam ba Jekob mâkisa, bara baha ban baku mâki kabia apia; sakuna naiwa wina, man ninam ba Israel mâkan kabia.” Gâd ba witin ai nina Israel mâkan ba ningkara,

Blasi Sturka 5:24

Henoc Gâd wal wapan bara witin tauki kan ba wina yu kum ban lap tiwan, kan Gâd mita witin ba brih wan bamna.

2 Samuil 7:22

Baha ba mita, Dawanki, tara kaia lâka ba man dukiam. Kan man baku wala âpu sa, gâd wala nani sin âpu sa man tnamya ra, yang nani sut pat walri ba baku.

1 King Nani 18:36

Mahka wîna aiska angkaia piua aimakan ba ra, prapit Ilayas bui altar ba lamara balan bara win: “Ebraham, Aisak bara Jekob Dawan Gâdka, naiwa yua latan mariks man ba Israel Gâdka sma ba, bara yang na man dukiam dadaukra sna ba sin, man ai wiram ba mita yang naha diara nani sut na daukisna.

1 King Nani 3:6

Bara Salaman bui win: “Man bui albikam aisiki Debit ra kupia yamni lâka tara pali daukram, kan witin lika man mamwanra pain tauki kan kasakka lâka ba kat, ai kupia sin wapnikira pali. Bara man bui ban yamni main kaiki brisatma, witin ai luhpia kumi ai king iwaika ra iwaia naiwa yua ra taki ba baku.

1 King Nani 6:12

“Naha watla na man bui paskisma bamna, yang lâika nani bâk impaki kupi lâka ba kat daukma kaka, bara sin lâika nani ba sut alki brih baha kat wapma kaka, yang dîa papikam Debit ra wîri ba man ra daukamna.

1 King Nani 8:23

bara win: “Dawan, Israel Gâdka, man baku Gâd wala âpu sa, kasbrika purara, baku sin naha tasba mâyara sin âpu, man alki brisma ba baku lâ daukan lâka, bara kupia yamni lâka sut albikam nani ra, baha nani ai kupia aiska kira man dukiam dauki nani ra.

1 Kronikas 29:10

Baku bamna, Debit bui Dawan ra sin yamni pali win, upla nani sut mawanra, naha bîla nani aisi: “¡Dawan, yamni pali kama, wan aisika Israel Dawanka sma ba!

1 Kronikas 29:20

Ningkara Debit upla nani ra win: “Nanara Dawan Gâdkam ra yamni wis.” Bamna upla nani sut bui Dawan ai aisika nani papaskrika ra yamni win; ningkara ai lal makupi banhwan bara Dawan king ra sin mayunan.

2 Kronikas 20:6

bamna naku winan: “Dawan, wan damika nani Gâdka, man sika kasbrika purara ba Gâdka, man nisan nani tâ brih wapisma, man mihtam ra sa karnika ba, upla kumi sin man mampara buras.

2 Kronikas 6:17

Baku bamna, Dawan, Israel Gâdka, albikam Debit ra dîa man bîlam wiram ba kat daukma.

Nihimaya 1:5

Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Lawana Nani 86:8

¡Dawan, man wal mai praki kaikaia, dawan wala âpu sa! ¡Man warkkam ba baku, wala warkka âpu sa!

Lawana Nani 89:28

Laitwanka ba ban yabi kamni, yang wal lâ daukan lâka ba ban karna kabia.

Lawana Nani 89:6

Dawan, man wal mai prakaia gâdka kumi sin âpu sa, tasba ra kasbrika purara sin âpu.

Lawana Nani 89:8

Dawan Gâd, karnika sut brisma ba, karnika sut ba man dukiam, bara kasakka lâka ni kir mai kutbi brisa; ¡man baku wala âpu sa!

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Impakan Sturka 3:15

Baha purkara, Gâd sin Moses ra win: —Israel luhpia nani ra wis: ‘Dawan ba man nani damikam nani sut Gâdka ba, Ebraham, Aisak bara Jekob Gâdka ba mita ai blikan sa man nani ra.’ Naha sika yang nini ban kaia ra ba. Naha nina ba wal upla kiamka nani taki ba tilara yang ra luki kabia.

Impakan Sturka 8:6

Eran ai dusa ba awala nani purara sakban bara baha wina pikpik nani bal taki, Idsip tasbaya aiska ba banhkan.

Jirimaya 10:16

¡Jekob Gâdka diara sut bâra ba Papaskra sa, witin sât aihka ba! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Jirimaya 10:6

Dawan, man wal baku upla wala âpu sa: man sika karnika tara pali brisma, ninam ba tara pali kulkisa, karnika tara pali brisma.

Daniel 9:4

Dawan Gâdki ra puri sunri, bara naha dahra na wîri: ‘Dawan, man lika Gâd karnakira pali sma ba, piua bani man dîa aisisma ba daukisma, bara man lamtwanka lâka tânka ba pliki kaikisma ya man ra latwan mai kaikisa, bara lâmka bîla nani kat sin dauki ba:

Luk 1:50

Bara piu bani baha nani witin ra sibrin luki nani ra umpira kaiki kabia.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Luk 1:72

wan damika nani ra sin umpira kaikbia, bara ai pramiska holikira witin nani wal daukan ba sin ai âuya tikbia apia.

Kli Smalkanka 3:24

‘Dawan, man albikam na ra tânkam tara bara karnikam ba marikuma. Gâd wala âpu sa kasbrika purara bara tasba ra sin, man diara aihkakira nani daukisma ba daukaia.

Kli Smalkanka 4:39

“Baku ba mita, sinskam ra pain ulbi mangks Dawan ba Gâd sa, kasbrika pura bara tasba ra sin witin baku wala âpu sa.

Kli Smalkanka 7:9

Bamna tânkam bri banhs, Dawan ba Gâdkam sa, Gâd kasak sa, kiamka nani ra ai lâka kasak ba daukisa, witin ra latwan kaiki ai lâka ban bri ba,

1 Tesalonaika 2:12

Mai smalkri, man nani lika Gâd uplika nani watauki ba baku kama; witinka mai paiwi ba, ai kingka lâka bara ai prana ba sin witin ai dukia sa.