2 Kronikas 6:11 - DAWAN BÎLA AISKA

¹¹ Baha purkara Israel luhpia nani wal Dawan lâ daukan lâka auhbaia watla ba sin, yang bahara swiri.”

2 Kronikas 6:11 ပူးပေါင်းရင်းမြစ်များ

1 King Nani 8:21

Bara sin Dawan lâka auhbaia watla kum sin paskri, bahara sika Dawan wan damika nani wal lâ daukan ba, Idsip tasbaya wina sakan ba piua ra.”

1 King Nani 8:9

Lâ auhbaia watla ba bilara diara lika âpu kan, ban sakuna Horeb ilka ra Moses bui walpa tanhta ulban wâl mangkan ba baman bâra kan; bahara Israel luhpia nani wal Dawan lâ daukan ba, Idsip tasbaya wina takan ba piua ra.

2 Kronikas 5:10

Gâd lâka auhbaia watla ba bilara diara lika âpu kan, ban sakuna Horeb ilka ra Moses bui walpa tanhta ulban wâl mangkan ba baman kata, bahara Dawan bui Israel luhpia nani wal lâ daukan ba, Idsip tasbaya wina takan ba piua ra.

2 Kronikas 5:7

Bara prîs nani Gâd lâka auhbaia watla ba, tempel bilara holikira pali pliska ba kat swin, bahara rayaka lilka nani tnawa mununhtara,

2 Kronikas 6:10

“Bara Dawan witin dîa ai pramiska aisin ba daukan. Baku bamna, yang aisiki Debit watlika briri, bara Israel kingka iwaika sin briri, bara Dawan Israel Gâdka ba tempelka kum mâkri sa.

2 Kronikas 6:12

Baha ningkara Salaman Dawan altarka mawan tani ra buan, Israel luhpia nani sut mawanra sin, bara ai mihta nani bukan.

Lawana Nani 50:5

“Baha nani, yang ra kasak ba asla dauks, baha nani yang wal lâ kum daukan ba, yang ra sakripais dauki aiki ba wal sin.”

Impakan Sturka 40:20

Baha ningkara, lâ nani ulban walpaya wâl ba Moses brin, bara lâ watla ra mangkan; baha ningkara lâ auhbaia watla buki twilkaika dusa nani ba tnaya untika ra dingkan bara pura prakaika ba sin prakan.

Hibru Nani 9:4

Bahara dus mâka kîa pain angkaia dukiara gul altarka kum bâra kan bara lâ auhbaia watla ba sin, baha ba aiska pali lalah pali ni lalaubi prakan kata. Lâ auhbaia watla ba gul ni lalauban kan kir ba bahara kâp kum bâra kan bara bahara manâ ba bri kan; Eran bri kan dusa urhwi pâwata ba sin lâ auhbaia watla bilara kata, bara lâ daukan bîla ulban walpaya wâl ba sin.