2 Kronikas 5:2 - DAWAN BÎLA AISKA

² Bara Salaman Israel almuk nani asla daukan Jerusalem ra, kiamka bani lalka nani ba, bara Israel luhpia nani watla uplika tâ bri nani ba sin, baha lika Dawan lâka auhbaia watla ba Saion wina Debit Tawanka ra lakaia dukiara.

2 Kronikas 5:2 ပူးပေါင်းရင်းမြစ်များ

2 Samuil 5:7

Ban sakuna, Saion kan kahbaika pliska ba Debit kutbi alkan, nanara baha tawanka ba nina Debit Tawanka mâkisa.

2 Samuil 6:12

King Debit ra win taim Dawan lâka auhbaia watla ba Obed-edom watla ra swin kan, bara Dawan bui witin ra, ai taya nani ra bara ai dukia nani ra sin yamni munan ba, Debit liliakira wan bara Obed-edom watla wina Dawan lâka auhbaia watla ba saki, Debit Tawanka ra brih wan.

1 Kronikas 15:1

Debit Tawanka ra Debit bui utla nani yan paskan, baku sin Gâd lâka auhbaia watla ba dukiara plis kum ridi daukan, bahara tint watla kum sin bapan.

1 Kronikas 15:12

bara witin nani ra win: “Man nani ba Libait taika nani lalka nani sma, lâ ba kat sunu taki banhs tamya nani sut aikuki; baku mika sip kabia Gâd lâka auhbaia watla ba brih balaia, Israel Gâdka ba, baha pliska ridi daukri ba ra.

1 Kronikas 15:25

Bamna Debit, Israel almukka nani bara war aiklaklabra daknika nani lalka sut liliakira aidrubi wan, Gâd wal lâ aisi daukan watla ba, Obed-edom watla wina saki brih waia.

1 Kronikas 15:3

Ningkara Israel luhpia nani sut Jerusalem ra asla daukan, Gâd lâka auhbaia watla ba pliska ridi daukan ba ra brih waia dukiara.

1 Kronikas 16:1

Gâd lâka auhbaia watla ba bri si tint watla ra dingkan, baha sika Debit bui daukan kata baha dukiara. Ningkara daiwan wîna angki, kîa yamni dauki kan, Dawan wal kli uplika takan lâka ba dukiara.

1 Kronikas 24:31

Naha nani sin ai warkka nani ba kat brin, ai muihni Eran luhpia nani ba wal baku, Debit, Sadoc, Ahimélec bara prîs nani sut mawanra, baku sin Libait nani watla uplika nani mawanra.

1 Kronikas 24:6

Ningkara âiulbra Semaías ba, witin ba Natanael luhpia bara Libait kum kata, ai nina nani ba ulbi mangkan king mawan kat, lalka nani mawanra, prîs Sadoc mawanra, Ahimélec Abiatar luhpia mawanra, bara prîs nani pamalika utla lalka bani mawanra bara Libait nani mawan kat sin. Wark ba lika ya ya dîa warkka briaia kan ba kat lukka ra saki kan. Eleazar kiamka nani lika aima kumi baman wark takaia kan.

1 Kronikas 26:26

Selomit ai muihni nani aikuki lika pura kaiki kata, diara nani Debit bui utla dawanka nani, war lalka tara nani sut bui Dawan ra sunu lâka ra yan ba.

1 Kronikas 28:1

Debit Jerusalem ra Israel luhpia nani lalka nani ba sut asla daukan: kiamka bani lalka nani ba, war aiklaklabra daknika nani ai lalka bani aikuki, king dukia dauki kan ba, war aiklaklabra daknika tara lalka nani bara daknika sirpi lalka nani ba, tasba aiska pura kaiki nani, king bara ai luhpia nani bîpka main kaiki nani ba, waitna nani kulkanka kau tara bri ba, war aiklaklabra nani kau yamni nani ba sut sin asla daukata.

2 Kronikas 1:4

Ban sakuna, Gâd lâka auhbaia watla ba lika Debit mita tintka watla mâki baha bilara bri si swin kan Jerusalem ra, witin baha ba Quiriat-jearim wina bri balan kata ba.

2 Kronikas 5:1

Salaman bui Dawan tempelka mâkaia win warkka ba witin nani sut daukan ba ra, witin ai aisa Debit Gâd dukia nani gul ni bara silbar ni diara watla nani paskan bri kata ba brih wan, bara baha sut Gâd tempelka ra dingki swin.

2 Kronikas 5:12

Libait nani aiwawanra ba sut Asaf, Hemán bara Jedutún, ai luhpia nani aikuki bara ai taika wala nani kira, linin kwalka dimi bara singbaia nani brih aiwani bin dauki bara altar lalmika tani ra bûi kan. Witin nani wal kan 120 prîs nani, baha nani sut trumpit puhbi kan.

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Lawana Nani 87:2

Jekob watla nani sut ba wal, Dawan Jerusalem ra kau latwan kaikisa.

Libait Lâka 9:5

Moses lika witin nani ra dîa daukaia win ba baku, Israel luhpia nani dauki balan, tintka watla ra dimaia ba lamara, bara tawan wina sin upla sut balan, tint watla ba lamara Dawan mawanra kaiki bûi kan.

Kulki Kaikanka 10:33

Witin nani baku Dawan ilka ba wina mahka yabal ra impakan yu yumhpa. Bara Dawan lâka auhban watla ba witin nani ai tâura bri impakan, anira takaskaia pliki banhwi kan ba kat.

Kulki Kaikanka 10:36

Sakuna lâ watla ba takaskuya ba ra, naku aisin: “¡Dawanki, nanara kli taws, Israel aiklaklabra daknika ailal nani ba tilara!”