2 Kronikas 5:13 - DAWAN BÎLA AISKA

¹³ Witin nani sut asla taki trumpit nani ba sut kumi baku puhban, pan pruki, miusik pulaia dukia wala nani ba sin bin dauki mayuni Dawan ra tingki wih bara aiwani kan: “Man nani bui Dawan ra mayuns, kan witin yamni sa, kan ai latwanka lâka ban kaia ra sa.” Baha minitka kat, Dawan tempelka ba kasbrika ni banhwan,

2 Kronikas 5:13 ပူးပေါင်းရင်းမြစ်များ

1 Kronikas 16:4

Debit bui Libait nani wahbi sakan Gâd lâka auhbaia watla mawanra wark dauki kaia, witin nani bui tâ briaia, kulkanka yabaia ba dukiara tingki wiaia, Dawan Israel Gâdka ra mayunaia ba sin.

2 Kronikas 20:21

Bara tawan ra tânka plikan ningkara, aiwawanra nani kum kum mangkan kata, holi kwalka nani dingkan, suldiar nani kainara wapaia; bara lawana aiwani Dawan ra mayunaia: “Dawan ra tingki wis, kan ai latwanka lâka ba ban kaia ra sa.”

2 Kronikas 20:22

Tisku witin nani mahka lilia lawana Dawan ra aiwani banhwan ba ra, Dawan mita Amón uplika nani tilara tanis sin daukan, Moab uplika nani tilara sin, bara Seír ilka uplika nani tilara sin, baha nani Juda mapara war daukaia aula kan, sakuna baha nani ra sut sauhki tikan.

2 Kronikas 7:1

Salaman ai pura sunra tnata alkan ba ra, pauta klauhan kasbrika purara wina bal iwan, sakripaiska ba ami âpu takan, bara Dawan prana ba utla ba banhki takan.

2 Kronikas 7:2

Bara prîs nani sip Dawan watla ra dimras kata, kan Dawan prana ni Dawan watla ba banhwan kata bamna.

2 Kronikas 7:3

Israel luhpia nani sut, pauta klauhan bal iwan ba kaikan bara Gâd prana ba sin kaikan, Gâd watla purara bal iwan ba kaikan, ningkara witin nani sut ai lal makupan tasba kangbaia baila ai mawan nani ba, bara Dawan ra ai pura suni banhwan naku aisi: “Witin ba yamni sa, bara ai kupia latwanka lâka ba ban kaia ra ban sa.”

2 Kronikas 7:6

Bara prîs nani ai warkka ban daukata, bara Libait nani sin, Dawan mayunaia miusikka nani wal, king ulbanka ba lawana ba wal, bara lawana ba naku aisi aiwani kata: “Kan ai latwanka lâka ba ban kaia ra ban sa”, Debit ba witin nani tilara aiwani kan piua ra. Baku sin prîs nani trumpit puhban witin nani mawanra, bara Israel luhpia nani sut ai mina ra bûi kata.

Esdras 3:11

Upla tila nani Dawan ra aiwani mayuni kan, bara wala nani lika wini aisi kan: “Dawan ra tingki wis, kan witin ba yamnikira pali sa, witin lika Israel dukiara ai kupia swapnika ba ban kaia ra ban sa bamna.” Bara upla nani sut ba Dawan ra wini ai kupia aiska ni mayuni kan, Dawan watla playka nani ba bapi kan ba liliaka.

Nihimaya 12:27

Jerusalem tawanka walpaya kutbanka ba liliaka daukaia yua aimakan ba ra, Libait nani ani anira bâra kan nani ba sut pliki, Jerusalem ra brih balan mayunaia, aiwanaia, pân taya nani binka daukaia, arp pulaia, bara drum kungbi lilia daukaia dukiara.

Lawana Nani 100:5

Kan Dawan ba yamni sa bamna, latwanka lâka ba ban kaia ra kabia, witin kasakka tânka ba ban kaia ra ban bâra kabia.

Lawana Nani 106:1

¡Dawan nina ba mayunan kabia! Man nani bui Dawan ra tingki wis, kan witin ba yamni sa bamna, ai latwanka lâka ba ban kaia ra ban sa.

Lawana Nani 107:1

Man nani bui Dawan ra tingki wis, kan witin ba yamni sa bamna; ai latwanka lâka ba ban kaia ra ban sa.

Lawana Nani 118:1

Man nani bui Dawan ra tingki wis, kan witin ba yamni sa bamna; kan witin ai latwanka lâka ba ban kaia ra ban sa bamna.

Lawana Nani 150:3

¡Witin ra mayuns trumpit kangbi ba wal! ¡Witin ra mayuns arp kangbi bara drum kangbi kira!

Lawana Nani 150:5

¡Witin ra mayuns pân pruki binka painkira dauki ba wal! ¡Witin ra mayuns pân pruki binka tara dauki ba wal!

Lawana Nani 22:4

Damiki nani man kat luki kan; witin nani kasak luki kan, man sin witin nani ba swaki sakatma.

Lawana Nani 81:2

Drum kangbi aiwani banhwi bas, arp kangbi bara drum tara sin kangbi kira.

Impakan Sturka 29:43

Bahara Israel luhpia nani aikuki asla takamna, bara yang bâra kamna ba mita, pliska ba sunu sakan kabia.

Aiseya 52:8

¡Aihwawakrikam nani, ai bîla baikra karna wini ba wals! Witin nani asla taki pura luan winanka wini ba, kan witin nani ai nakra pali ni kaikisa Dawan ba nahki kli Saion ra aula ba.

Jirimaya 32:39

Yang daukamna witin nani ai kupia aiska ai rayaka aiska ni yang ra baman pain ai kulkaia, witin nani ai yamnika dukiara ai kiamka nani yamnika dukiara sin daukaia.

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Apastil Nani Sturka 4:32

Lalukra daknika aiska ba lika ai kupia lukanka kumi baman brin kata, bamna upla kumi sin wiras kata dîa bri kan ba witin yakan ai dukia sa, sakuna diara nani sut ba witin nani sut ai dukia baku kulkan.

Roman 15:6

Baku mika, man nani sut kumi baku prais, wan Dawan Jisas Kraist Gâdka ra bara Aisika ra sin mayuni kama.

Param Marikanka 15:8

Bara Dawan wal aisaia watla ba kiasma pali baman banhwan, Gâd tara pali ba karnika ba mita, bara upla kumi sin sip tempel ra dimras kan, pât tara 7 insal 7 bri kan ba sut tnata alkbia ba kat.