2 Kronikas 4:7 - DAWAN BÎLA AISKA

⁷ Kiandil bapi angkaika matawalsip paskan walpa klauhira ni, baha ba tempel ra mangkan, mihta aihkika ba ra matsip bara smihka ra sin matsip swin.

2 Kronikas 4:7 ပူးပေါင်းရင်းမြစ်များ

1 King Nani 7:39

Bara playa karnika matsip mangkan tempel aihkika tani ra, bara matsip wala ba mihta smihka ra mangkan. Bara laya watla ba utla aihkika tani ra mangkan, lalma tani ra, bara waupasa tani ra sin.

1 King Nani 7:49

Kiandil bapi swiaika pliska ba sin gul klauhira ni daukan, ningkara Holikira pliska ba ra swin, matsip ba aihkika ra bara matsip wala ba smihka ra. Tangni lilka ni daukan kata diara sami alkaika ba, gul aihwa ni daukan kan.

1 Kronikas 28:12

Baku sin Dawan watla kutbanka ra diara nani daukaia ai sinska ra bri kan ba sut yan; baku sin kutbanka nani daukaia kan ba mawan tani, lalah nani Dawan watla ba dukiara auhbi bri kaia pliska ba, bara yamni munan dukia nani watlika ba sin.

1 Kronikas 28:14

Bamna gul bara silbar yan, diara nani gul ni daukan dukia nani ba sin yan, prias dauki piua ra yus munaia ba.

1 Kronikas 28:15

Gul yan, kiandil angkaia watla ba gul ni daukbia dukiara, ingni nani ba dukiara sin silbar ni daukaia yan, dîa ai wirhika bri ba praiska kat.

1 Kronikas 28:19

Naha diara nani sut na ulbanka kumi ra Dawan bui Debit ra marikan ulban kata, bahara sika wark nani bani daukaia kan ba, pat ulbi daukan kan.

Jan 8:12

Jisas kli upla nani ra aisi, win: —Yang sika upla nani ingnika; ya yang nini bliki ba, raya kaia yabi ingnika ba bri kabia, bara kli sin tihmia ra tauki kabia apia.

Hibru Nani 8:5

Witin nani prîs warkka dauki nani ba lika, kasbrika purara ba lilka, patrangka bara natka ra baman daukisa. Yawan kaiki nani ba lilka nani, kan Moses ba tint watla paski kan ba ra, Gâd wisata: “Pain kaiki, il ra lilka mai marikatna ba natka kat dauks.”

Param Marikanka 1:20

Bara naha sika slilma 7 mihti aihkika ra kaikram ba bara kiandil mina sin 7 gul ni paskan kaikram dahra yukukan ba: slilma 7 ba lika serts 7 ba insalka nani sa, bara kiandil mina 7 ba lika sertska 7 ba.