2 Kronikas 4:6 - DAWAN BÎLA AISKA

⁶ Lî alkaika sin matawalsip paskan bras ni, diara sikbaia dukiara bara sikbaika dukia nani matsip ba mihta aihkika tani ra mangkan, wala matsip nani ba smihka tani ra. Bahara ya ya sakripais daukan ba ai mihta sikbi kan, sakuna lî alkaika kau tara bara prîs nani baman ai mihta sikbaia dukiara mangkan kata.

2 Kronikas 4:6 ပူးပေါင်းရင်းမြစ်များ

1 King Nani 7:38

Bara lî plapaika matawalsip bras ni daukan kata, kumi bani ba 6 pît bri kan. Kulki kaikan 200 gialan bri kata, kumi bani ba karnika matawalsip ba purara.

1 King Nani 7:40

Baha purkara Hiram dikwa nani, subil nani, kâp tara nani paskan, Dawan tempelka ra wark nani daukaia Salaman witin ra win ba, baha sut witin daukan.

2 Kronikas 4:2

Baku sin lî alkaia watla krukma tara kum paskan, bras ni 7 pît pura bakriki, bîla yahpika 15 pît bara 45 pît raun tawan ba.

Lawana Nani 51:2

¡Watawiki ba wina sikbi ai sâks! ¡Saurki ba wina sin sikbi ai sâks! Kupiam swapnika lâka tara ni.

Impakan Sturka 29:4

Ningkara Eran ra brih was bara luhpia nani ra sin tint watla dimaika ra, bara yas aihtabi klin takbia.

Impakan Sturka 30:17

Dawan ba Moses ra aisi, naku win:

Isikiel 40:38

Kutbanka aiska ba bilara latka ba wina tempel latka ra dimaia yahbra tani ra getka playa tara ba lata tani ra tnaya ba kat sin utla kum bâra kan. Baha watla ba ra sika daiwan nani sakripais daukaia brih aula ba iki wîna ba sikbi kan.

Libait Lâka 1:13

Baha ningkara ai sakripaiska dauki waitnika ba, kli baha wîna nani ba, kuhma nani, biara nani ba sut sikbia, bara prîs bui baha nani ba brih altar purara angki, kîa pain dauki Dawan pain kiawali ba, prisantka dauki yabia.

Libait Lâka 1:9

Witin wîna ba kau angkras ba ra, tâura biara bara kuhma nani ba sut sikbaia sa. Baha ningkara lika prîs ba baha brih, altar ba purara suni angki, kîa pain dauki, Dawan pain kiawali ba dauki yabia.

1 Korint 6:11

Man nani tilam wina tila nani ba baku nani kata. Sakuna man nani ba saurka wina pat klin mai sakan sa, holikira nani sin mai daukan sa, bara Dawan Jisas Kraist nina ba mita bara wan Gâdka Spiritka ba mita sin, kasakkira nani mai kulkan sa.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Hibru Nani 9:23

Baku bamna, naha diara nani kasbrika purara dukia lilka nani na diki sakaia, sakripais nani na want kan; sakuna kasbrika purara dukia nani pali sin baha nani purkara kau sakripais yamni nani want sa.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.