2 Kronikas 36:5 - DAWAN BÎLA AISKA

⁵ Joaquim ba king aimakan yua ra 25 mani bri kan, bara Jerusalem ra 11 mani king aimakan. Sakuna ai daukanka nani ba saura kan Dawan nakra ra.

2 Kronikas 36:5 ပူးပေါင်းရင်းမြစ်များ

Jirimaya 1:3

Baku sin Josías luhpia waitna Joaquim Juda kingka kan ba piua ra sin Dawan bui witin ra aisin, bara baku ban aisi kan Sedequías Josías lupia waitna ba 11 mani Juda kingka aimaki kan piua ba kat; bamna wibia kaka baha manka ra kati 5 aimakan ba katka ra sika Jerusalem uplika nani ba priski tasba wala ra brih wan ba.

Jirimaya 26:1

Joaquim, Josías luhpia waitna ba Juda ra king mangkan ba ra, Dawan Jirimaya ra aisin

Jirimaya 35:1

Josías luhpia waitna Joaquim, Juda kingka kan ba piua ra, Dawan ba yang ra balan, bara ai win:

Jirimaya 36:1

Joaquim, Josías luhpia waitna ba, pat mani walhwal Juda ra king kan ba piua ra, Dawan Jirimaya ra aisin, bara win:

Jirimaya 45:1

Joaquim, Josías luhpia waitna Juda kingka ba, mani walhwal king kan ba piua ra sika, Jirimaya dahra aisin Baruc Neria luhpia waitna ulban ba, bara Jirimaya Baruc ra naku win:

Daniel 1:1

Joaquim Juda ra mani yumhpa king aimaki kan ba piua ra, Babilon wina king Nabucodonosor war aiklaklabra nani wal aikuki wan bara Jerusalem tawanka aiska ba kutban.

Daniel 1:2

Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin.