2 Kronikas 36:20 - DAWAN BÎLA AISKA

²⁰ Baha ningkara raya kau nani ba Babilon ra alki brih wan, bahara ai albika daukan, witin ai luhpia nani albika sin, Persia uplika nani ai karnika brin ba kat,

2 Kronikas 36:20 ပူးပေါင်းရင်းမြစ်များ

2 King Nani 25:11

Ningkara tawan uplika nani takaskan kan nani ba Babilon kingka ra tawan nani ba, bara upla wala wark sâtka nani taki ba sut Nebuzaradán kamandantika ba mita alki, Babilon ra brih wan.

2 Kronikas 36:22

Ciro king aimakan pas mani alkan ba ra, Persia kingka ba, Dawan bîla Jirimaya aisinka ba aimakbia dukiara, Dawan ba Ciro ra tâ baikan, king tasbaya aiska ra ulbi lakaia naha lâka nani ba:

Esdras 2:1

Naha sika Israel luhpia nani Juda tasbaya ra aisubi takan nani ba, king Nabucodonosor mita alki Babilon tasbaya ra brih wan kan ba, baha wina witin nani kli tawi Jerusalem ra balan, bara plis wala nani ra sin. Witin nani ai tâura aimaki balan Zorobabel, Jasua, Nihimaya, Seraías, Reelaías, Mardoqueo, Bilsán, Mispar, Bigvai, Rehúm bara Baaná sin, bara naku kata:

Esdras 5:12

Sakuna baha ningkara, yang nani damiki nani Gâdka laih purara iwi ba mapara saura dauki banhri tâwan, Nabucodonosor, witin Caldea uplika Babilon kingka kan ba mihta ra wan mangkan, naha tempelka sin sut sauhki tikan, bara upla nani kan ba alki Babilon ra bri si taiban lâka ra bri kan.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Jirimaya 25:11

Naha kuntrika aiska na sauhki tikan slingban bâra kabia. Piua ba 70 mani kabia naha nisanka nani bani ba Babilon kingka munhtara kabia.

Jirimaya 27:7

Nisan nani sut ba witin ra bawi kabia, luhpia nani ra bara mulika nani ra sin bawbia, bara piua ba balbia bara nisan tara nani ba king karnika tara bri nani ba sin witin ra bawbia.

Jirimaya 52:28

Nabucodonosor upla nani priski brih wan kulkanka ba naku kan: witin pat 7 mani king kata ba piua ra 3,023 upla nani Juda wina brih wan;

Isikiel 19:13

Nanara upla iwras tasbaya ra mangkan, tasba lâwan bara diran dauki nani ra.

Isikiel 38:5

Persia, Etiopía bara Libia uplika aikuki yula kahbi wabia, witin nani sut kan kahbaika bara ai lal ra mangkaika ba wal,

Miqueas 4:10

Saion tawanka, latwan saura brih ini bas, mairin luhpa baikaia latwanka brih ini baku, kan nanara man nani tawankam wina mai kangbi mai sakuya, bara twi tasbaya ra iwi kama, ban Babilon kat mai brih wabia. Sakuna baha kat pri takma, kan bahara sika Dawan bal waihlam nani mihta wina mai dakbi mai sâkbia.