2 Kronikas 36:17 - DAWAN BÎLA AISKA

¹⁷ Bara Dawan ba witin nani mapara Caldea kingka ba blikan, bara wahma nani sut skiru wal ikan tempel bîla kat. Wahma nani ra umpira kaikras, mairin nani ra sin, almuk nani, skahwa nani ra sin kulkras kan, baha nani sut ba Dawan bui ai mihta ra mangkan kan.

2 Kronikas 36:17 ပူးပေါင်းရင်းမြစ်များ

2 Kronikas 24:21

Sakuna upla nani ba witin mapara buan, bara walpa ni sabi banhwan, king adarka ba kat, Dawan tempelka kutbanka ba ra.

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

2 Kronikas 34:24

yang Dawan sna ba, naku wisni: Naha pliska ra uplika sut ba âpu daukamni, nahara iwi nani ba sut ai saurka daukan ba tâwan, naha wauhkataya ra ulban aisi kaikan ba Juda king mawanra.

Esdras 5:12

Sakuna baha ningkara, yang nani damiki nani Gâdka laih purara iwi ba mapara saura dauki banhri tâwan, Nabucodonosor, witin Caldea uplika Babilon kingka kan ba mihta ra wan mangkan, naha tempelka sin sut sauhki tikan, bara upla nani kan ba alki Babilon ra bri si taiban lâka ra bri kan.

Esdras 9:7

Wan aisika nani yua ba wina naiwa kat, yang nani saurka lâka ra iwi banhwisna. Yang nani saurki nani tâka mita, kingki bara prîski nani sut aikuki tasba wala nani kingka nani mihta ra ai mangkram. Naiwa yua kat ban wan ikisa, alba wan brisa, wan dukia nani implikisa, yang nani swira lâka tara wal ban iwi banhwisna.

Lawana Nani 74:20

¡Wal aisi lâ daukan, lâka ba, âmya ra bri bas, kan naha kuntrika na sika, lâ krikaia lâka ni banhwan sa, tasba paski takaskan ba kat!

Lawana Nani 79:1

¡Man Gâd, diara nani bri katma sut idan nani dakbi brin! Tempelkam holi ba tâski dauki banhwan bara Jerusalem sut sauhki tikan.

Aiseya 13:18

Wahma, tiara nani ra pantamangka ni sabia, tuktan sirpi nani ra umpira kaikras, baku sin tuktan tara nani ra.

Aiseya 43:28

Man wihta nani brisma ba tempelki ba tâski daukan, baha mita yang wîri, Jekob tawanka, Israel ba, swira dauki, sauhki tikaia.

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Jirimaya 11:22

karnika sut bri Dawanka ba witin nani ra wisa: “Yang bui man nani wal diara kulki kaikaisna: wahma nani ba aiklabi bara prubia, luhpia waitna luhpia mairin mani sin plun bla prubia.

Jirimaya 16:6

Naha kuntrika ra almuk nani ba tuktan nani ba prubia, upla kumi bal baha nani bikbia apia, pura mata sin inbia apia, sarka brisa wisi ai taya ra klaki ai tâwa sin irbi banhbia apia.

Jirimaya 18:21

¡Sakuna nanara, dauks ai luhpia nani plun bla, apia kaka sord malka ra prubia; ai maya ba piarka takbia bara sin luhpias kabia! ¡Siknis mita ai waitnika nani ba ikbia bara wahmika nani ba war ra aiklabi prubia!

Jirimaya 21:1

King Sedequías mita Pashur Malquías luhpia waitna ba blikan Sofonías Maaseías luhpia waitna ra wih wiaia, Jirimaya ra wabia bara naku wibia: “Pliskam pali, yang nani tâiwan Dawan wal aisas, kan Nabucodonosor Babilon kingka ba, yang nani maipara aiklabisa. Ban kra Dawan ai warkka aihkakira kum daukbia bara munka Nabucodonosor mahka wabia.” Bara Dawan Jirimaya ra aisin,

Jirimaya 21:7

Baha ningkara Sedequías, Juda kingka ba Nabucodonosor mihta ra mangkamna, ai waihla upla âikra nani ba mihta ra, wihtka tara nani ba daknika nani ba sin mihta ra mangkamna, war lubia bara siknis saura ba sanglang ba sut lubia ningkara kau pruras raya uplika nani ba. Baha yang daukamna, kuna pruras swakwan nani ba sin sord ni ikaia kupia pihni lâka âpu umpira kaikan lâka luha ikbia. Yang, Dawan, kasak aisisna.

Jirimaya 32:28

Baku bamna, yang mai wisni: Yang daukaisna tasbaya ba king Nabucodonosor karnika munhtara kauhaia, witinka Babilon kingka ba, bara Caldea uplika nani mihta ra sin.

Jirimaya 32:42

Dawan pura praki aisin: “Naha uplika nani purara sauhkaia lâka tara blikri ba, baku sin pramis munisna ba yamniki nani ba sin blikamni.

Jirimaya 40:3

bara nanara witin aisin ba baku takan. Naha naku man nani ra takan na, man nani bui Dawan mapara saura daukram witin ai bîla wali daukras kapram ba tâka mita.

Jirimaya 51:22

Man ni waitna nani, mairin nani, almuk nani, wahma bara tiara nani ba krikamni, wahma sirpi, tiara sirpi nani ba krikamni.

Jirimaya 9:21

“Wan watla nani ra prura bal diman, utla tara nani paskan ba bilara sin; yabal ra tuktan nani ba ikisa, pulaia pliska nani ra wahma nani ba ikisa.

Isikiel 16:40

Tawan ba man mampara yaka bubia, walpa ni mai sabia bara ai sordka nani wal mai ikbia.

Isikiel 21:28

“Man, upla luhpia, yang nini ra aisas bara wis, yang bîli Amón uplika nani ra, Israel ra lahtuban bîla saki ba, sord ba pat taya wina sakan sa: ikaia ridi sa, klaki wapni daukan, imyula lulkaia bara sauhki tikaia.

Daniel 9:14

Baha mita, Dawan, man naha klalka nani saki yang nani purira blikram, kan man ba sika Dawan wan Gâdka sma ba, diara sut daukisma ba tilara man ba ban kasak sma, yang nani bui man ra mai walan wan daukras kan.

Sakaraya 1:6

Ban sakuna, yang bîli nani, lâika nani sin naipakan prapit nani ra aisi smalkri ba, damikam nani baha ba pain wali banhwan kata. Bara witin nani ba yang ra tawi balan, ai dara sin walan, yang, karnika sut alki brisna Dawanka, witin nani ra munri ba, witin nani dîa ai daukanka bri ba praiska kat mana briaia kan ba.’ ”

Kli Smalkanka 30:18

kan yang bui man nani ra nanara mahka mai wisna, man nani pruma, baha kuntrika pura lui dukiam briaisma ba ra. Piu wihka raya kama apia, Jordan baila wala ra luma ba ningkara.