2 Kronikas 36:15 - DAWAN BÎLA AISKA

¹⁵ Dawan, ai almukka nani Gâdka ba, piu manis ra maisa paki bliki kan ai sturka twilki uplika nani ba wal, kan witin ai tawanka ra latwan kaiki kan, baha pliska witin nani ai iwaika kan ba.

2 Kronikas 36:15 ပူးပေါင်းရင်းမြစ်များ

2 King Nani 13:23

Ban sakuna, Dawan ba witin nani dukiara ai kupia swapnikira, yamni pali kaiki kan, Ebraham, Aisak bara Jekob wal lâ aisi daukan kata mita, sauhki tikaia ai brinka apia kan, bara ai mawan wina sin kangbi sakaia lukras kan. Bara naiwa yua kat sin baku daukras sa.

2 King Nani 17:13

Pat Dawan mita prapit nani bara baku sin diara kakaira nani bâk, Israel uplika ra kupia kraukan witin nani ai yabalka saura ba wina tawi bal witin lâka bîla yaban ba alki daukbia, bara ai adarka nani witin nani damika nani ra smalki yaban ba ai dukia dadaukra prapit nani bâk.

2 King Nani 21:10

Baku bamna, Dawan mita aisan ai prapitka nani bâk, bara win:

1 Kronikas 3:16

Joaquim luhpia nani ba Jeconías bara Sedequías kata.

2 Kronikas 33:10

Dawan bui Manasés ra bara ai uplika nani ra sin aisin, sakuna witin nani Dawan ra walras kan.

2 Kronikas 36:14

Juda tâ uplika nani sin, prîs nani bara tawan uplika nani sut sin, Dawan wina laihura takan, aidul ra mayunan nisan wala nani baku, Dawan tempelka kulkras kan, baha witin wahbi sakan kan ba Jerusalem ra ai pliska holikira baku.

Nihimaya 9:30

Witin nani wal man kasak pali kupiam alki takaskram mani nani ailal; bara man spiritkam ni prapitkam nani bâk, witin nani ra aisaram; sakuna witin nani man ra walras kan; baha mita man bui witin nani ba baha tasbaika uplika nani mihta ra mangkram.

Aiseya 28:10

bara aisi kaikaia namika ra lan taki ba; a i u aisi kaiki ba baku!”

Aiseya 65:12

Diara saura man nani bîlam kaikisa: Man nani sord ra pruaia mai daukamna. Kan yang mai winri, sakuna man nani pana yang ra aisaras kapram bamna; man nani ra aisari, bara man nani ai walras kapram; yang aitani kulkras sna ba man nani daukram, yang laik apia sna ba man nani bâk saki briram.”

Jirimaya 11:7

Man nani damikam nani yang bui Idsip wina sakri ba ra, witin nani ra kupia krauki wîri yang ra baman bîli wali kabia, baha piua wina yang kupia krauki ban sna naha piua kat.

Jirimaya 13:10

Naha uplika watawikira nani na, yang adarki nani daukaia wîri ba bîli wali daukras, bara kiama karna ai kupia lukanka nani ra baman tniwisa. Witin nani gâd wala nani nina ra warkka daukaia mayunaia wan, baha maisa wila ba baku diara hilp âpu ba.

Jirimaya 26:5

prapit nani witin nani kupia krauki smalki ba, kum blikuna kli wala blikisna ba, baha nani bîla witin nani wali daukras ba,

Jirimaya 32:33

Witin nani ai nina yang ra tawan, ai mawan lika apia. Yang yu bani smalki takaskras pali katna sakuna, witin nani lika yang ra walras, saura dauki ba sin wapni takaia lukras kan.

Jirimaya 35:14

Jonadab, Recab luhpia waitna ba kiamka nani ai damika Jonadab witin nani ra aisi adar win ba kat witin nani bîla wali daukan wain diras, naiwa kat sin witin nani wain diras ban sa, kan ai damika lâka bîla wali dauki ba mita. Yang sin man nani ra adarki nani maikri kli sin mai wîri, sakuna man nani bîli wali daukras.

Jirimaya 35:15

Yang bui man nani ra prapit kumi blikri, kli wala blikri, albiki prapit nani sut blikri mai wiaia: Man nani natkam saura nani ba daukankam saura nani ba swiaia. Man nani lika gâd wala nani ninara waia apia, baha nani ra sin mayunaia apia, bara baku man nani damikam nani ra baha tasbaya maikri bâra iwi kaia sip kama. Sakuna man nani bui yang ra walras, bîli wali sin daukras.

Jirimaya 7:13

Bara ban kra yang bui man nani ra kli kli pat kupiam krauki daukankam ba dukiara, sakuna man nani bîli wali daukaia apia wiram, uni kahbaia pan sakuna man nani baha sin daukras. Yang Dawan, baha kasak aisisna.

Jirimaya 7:25

Man nani damikam nani Idsip wina takan ba yua wina naiwa kat, prapitki nani duki dadaukra nani ba man nani ra kum blikri ba ninara wala nani bliki ban sna.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Sakaraya 1:4

Damikam nani daukan baku daukpara, prapit nani kaina piua ra kan nani ba bui yang bîli witin nani ra smalkan, ai natka saura, ai daukanka saura nani ba mahka swiaia, sakuna witin nani lika yang bîli walan daukras kan, bara baku sin tawi ai kaikras kan. Yang, Dawan, kasak aisisna.

Matiu 23:34

Baha mita, yang bui man nani ra prapit nani, sinskira nani bara smasmalkra nani sin mai blikamna. Sakuna man nani mita witin nani tila wina tila nani ba ikma, dus prihni ra sama, wala nani ra lika prias watla nani bilara prukma, bara tawan kum wina tawan wala ra nina bliki rausauhkma.

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.