Ezequías dîa dîa daukan tâka ba bara ai daukanka tara nani, bara nahki lî watla paski muni lî kârma dauki tawan ra bri sal dingkan ba sin, baha nani ba Juda kingka nani wauhkataya ra ulban sa.
Roboam sturka nani kaina wina tnata kat prapit Semaías sturi almuk nani ulbanka ba ra sa, bara prapit Iddo sin ai kiamka nani ulbi bri nani ba tilara sa.
Joás luhpia nani dukiara aisi ba ra, prapit nani witin ai mapara aisin ba bara Dawan tempelka raya daukan sturka sut, king nani dahra ulban ba wauhkataya ra ulban sa. Baha ningkara ai luhpia Amasías ba ai watlika ra king aimakan.
Ezequías sturka wala nani ba, ai yamnika daukan ba, Aiseya Emus luhpia wauhkataya ra sturka ba ulban sa, baku sin Juda bara Israel kingka nani wauhkataya ra.
Ai pura sunanka bara Dawan wina aisinka brin ba, ai saurka bara kasak apia daukanka nani bîla walras lâka nani daukan ba, aidul gâdka nani ra altar paski yaban ba, Aserá lilka nani mangkan kan ba, baku sin aidul nani lilka, Dawan ra bawaia watlika ra, naha sut ba prapit nani sturka tilara ulban sa.