2 Kronikas 35:22 - DAWAN BÎLA AISKA

²² Sakuna Josías ai ninara tawras, ban mapara aiklabaia lukan, Necao bîla walras kan naha na Dawan bui blikan balan ba. Baku bamna mahka war aiklaban Meguido langnika ra,

2 Kronikas 35:22 ပူးပေါင်းရင်းမြစ်များ

1 King Nani 14:2

bara Jeroboam ai maya ra win: —Bus, mamwan ba praks, baku lika upla mai kaikbia apia man ba yang mayi sma ba, bara man Siló ra was, bahara prapit Ahías bâra sa. Witin bui ai win, yang naha uplika nani kingka aimakaia sna ba.

1 King Nani 22:30

Bara Israel kingka bui Josafat ra win: —Yang lika war aiklabaia prâka ba dimras aiklabaisna, sakuna man lika yang prâika na dimi aiklas. Bamna Israel kingka ba, baku kwalka dimi war aiklaban.

1 King Nani 22:34

Sakuna suldiar kumi ai pantamangka ba ban lulkan, bara king Ahab war kwalka dimi kan ba lilapas bâk diman, baku ba ra ai war wagin uli kan waitnika ra win: —War wagin mawan ba wilbi laki, mahka brih was. Ai sâks pat muni naha warka na wina, kan kasak pali ai insauhkan bamna.

2 King Nani 23:30

Bara ai wihtka nani mita wagin ra mangki brih balan, Meguido wina Jerusalem kat, bara ai raitika kat bikan. Bara upla nani baha tasbaika ra iwi kan ba mita ai luhpia waitna Joacaz ba brih, ai watlika ra king mangkan.

2 King Nani 9:27

Naha diara takan na Ocozías Juda kingka kaikan ningkara, Bet-hagan ra plapan. Sakuna Jehú ba nina bliki adar yaban: —¡Witin ba sin iki banhs! Bara baku, Gur ilka ra Bet-hagan ra ai waginka ra uli ba kat saban, Ibleam lama ba kat, sakuna Ocozías ba Meguido kat plapi wih pruan.

2 Kronikas 18:29

Bara Israel kingka bui Josafat ra win: —Yang lika war aiklabaia prâka ba dimras aiklabaisna, sakuna man lika yang prâika na dimi aiklas. Bara Israel kingka ba, baku kwalka dimi war aiklaban.

2 Kronikas 35:21

sakuna Necao ai bîla bliki win: “Juda kingka, man kupia kumi ai swis. Nanara yang lika man mampara balras, nisan wala wal aiklabaia aulna maipara ba. Dawan bui ai blikan isti munamna; baku bamna, yamnikam dukiara, Dawan mapara bupara, kan witin ba yang wal sa, baku ba ra mai sauhki tikbia apia.”

2 Kronikas 35:23

bara trisba lalulkra nani lulkan ba king Josías ra diman, bara king ba war tâ uplika ra win: “¡Naha wina ai sâks, yang ai insauhkan, latwan pali brisni!”

Jirimaya 22:15

¿Man lukisma yalam tatka kainam kir brih iwisma ba mita king sma? Man aisikam ai raya ba lilia brin, sakuna kasak lâka wapni lâka ra ai warkka dauki kan, baha mita diara sut dauki kan ba yamni man taki kan.

Sakaraya 12:11

Bara Jerusalem ra sari pali bri inanka tara pali kum takbia, gâd Hadad-rimón dukiara Meguido tasbaya langnika ra inan tara ini ba baku.

Jasua 17:11

Manasés sin naha tasbaya nani brin Isacar bara Aser tasbaya nani ra, kumi bani tawan sirpi nani ai lamara bri ba aikuki: Bet-seán, Ibleam, Dor, Endor, Taanac bara Meguido, bara il nani yumhpa ba sin.

Jasua 9:14

Israel luhpia nani bui Gabaón uplika nani pata ba wiria brih pih kaikan, sakuna witin nani Dawan ra ai pura suni baha tânka dukiara lika makabi walras kan.

Param Marikanka 16:16

Bara piritka nani ba king nani sut plis kumi ra asla daukan, bara pliska ba Hibru bîla ra Armagedan mâkisa.

Wihta Nani 5:19

“Bâra mika king nani ba Taanac ra balan, Meguido tingnika nani lama ba kat; Kenan kingka nani ba war aiklabaia lukanka bri balan, sakuna witin nani silbar bara yuyaka nani sin briras kata.

1 Samuil 28:8

Saúl kwala sât wala dimi, sât aihka taki ai yula kahbaika waitna wâl bri, tihmia ra mairka ba kaikaia taki wan. Bara witin ra win: —Yang bui man ra puri sunisni dîa yang ra takaia ba kaiki ai wis, ya piritka wal aisaia wimna ba, paiws balbia.