2 Kronikas 34:9 - DAWAN BÎLA AISKA

⁹ Bamna naha uplika nani ba prîs tara Hilquías ra kaikaia wan, bara witinka ra bri si yan lalah nani upla mita Dawan tempelka ra sal yabi kan ba, baku sin Libait dur aihwawakra nani wahbi asla dauki kan ba, Manasés bara Efraín ra, naha na Israel luhpia nani kau takaskan ba wina, baku sin Juda bara Benjamín wina, sim baku Jerusalem uplika nani wina.

2 Kronikas 34:9 ပူးပေါင်းရင်းမြစ်များ

2 King Nani 23:4

Bamna king ba mita prîs tara Hilquías ra adar yaban, bara prîs wala nani ra, baku sin dur ra aihwawakra nani ra, Dawan tempelka ba wina diara nani bâra ba sut sâkbia, baha dukia Baal Aserá wal dukiara daukan nani ba, lilka bahki nani, slilma ra mayunaia daukan nani ba sin sut, bara Jerusalem ba wina latara saki bri si, Cedrón twiya kat angkan luan; bara baha yamhpuska nani ba yaban Betel kat sin brih wan.

2 Kronikas 30:10

Bîla twatwilkra nani ba Efraín aiska bara Manasés tasbaya ra sin wih win, tawan tara kum wina wala kat, ban Zabulón kat wan. Sakuna upla nani ba kaiki bara ai lawaska kiki kan.

2 Kronikas 30:18

Baha daukan ba ra upla ailal Efraín wina Manasés, Isacar bara Zabulón wina sin Insal luan yua Liliaka ba pi kan sakuna, witin nani klin takras kan. Sakuna Ezequías baha nani dukiara ai pura sunan, bara aisin: “Dawan kupia pihnikira, baha nani ai kupia aiska man ra mai pliki ba saurka swih tiks.

2 Kronikas 31:1

Baha sut dauki luan ba ra, Israel luhpia nani bâra kata ba sut Juda tawanka nani ra wan, bara walpa ni lilka nani dauki bri kata ba sut kriki tikan, Aserá lilka nani ba krikan, idan gâd bahki holi pliska kata ba sin, baha dukia nani Juda ra bara Benjamín ra sin sut âpu daukan, baku sin Efraín ra bara Manasés ra kata ba, baha ningkara Israel luhpia nani kumi bani ai tawanka ra kli tawi wan.

2 Kronikas 34:10

Hilquías baha brin ningkara, lalahka ba tempelka watla mâkaia tâ bri nani ba ra yan, baha nani tawi utla tara ba mâki uplika nani ra mana aibapbia dukiara.

2 Kronikas 34:18

Safán sin king ra win, prîs Hilquías witin ra wauhkataya kum yan ba, bara Safán king ra aisi kaiki yan.

2 Kronikas 34:20

Baha ningkara king mita adar yaban Hilquías ra, Safán luhpia Ahicam ra, Micaías luhpia Abdón ra, sturi âiulbra Safán ra, baku sin Asaías king wihtka ba ra sin:

2 Kronikas 34:22

Hilquías bara king bui mangkan nani ba aikuki prapit mairin Huldá ra wan, witin ba Salum maya mairin, Ticvá luhpia bara Harhás mulika, tempel kwalka main kakaira ba kira. Huldá Jerusalem ra Pîska Sekan ra iwi kan, bara witin ra aisin taim,

2 Kronikas 35:8

King warkka tatakra nani sin, ai kupia kumi lâka ra Dawan ra prisant yan upla nani ra, prîs nani bara Libait nani ra. Bara sin Hilquías, Sakaraya bara Jehiel, witin nani ba Dawan tempelka ra hilp muni kan ba, prîs nani ra yan 2,600 daiwan nani, Insal luan Yua Liliaka daukaia, baku sin 3,000 bîp wainhka nani;

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.