2 Kronikas 34:4 - DAWAN BÎLA AISKA

⁴ Josías kaiki kan witin nani Baal altarka nani lilka nani sât sât daukan ba sut sauhkan. Baha purkara, Josías sin blikan wan pura pliska nani ra kîa yamni angki kan altarka nani ba sin slingbaia. Bara Aserá lilka nani ba sin kriki yuya sirpi baman daukaia blikan, aidul nani ba, lilka paskan dukia nani ba baha nani sut ba yuya baman daukan.

2 Kronikas 34:4 ပူးပေါင်းရင်းမြစ်များ

1 King Nani 13:2

bara Dawan adarka ba mita, ai bîla baikra karna wal altar ba mapara aisin: “Altar, altar: Dawan naku wisa: ‘Debit kiamka wina tukta waitna kumi aisubi takbia, ai nina ba Josías mâkbia, idan nani ai pura suni ba watla ra prîs nani bâra ba witin mita baha nani ba man puramra sakripais daukbia, man puramra kîa yamni ba sin angkbia, upla dusa nani sin witin bui man puramra angkbia.’ ”

2 Kronikas 14:5

Juda wina altar bahki pura sunaia pliska kan ba sut sakan, witin ai piua sut ba kupia kumi lâka bâra kan.

2 Kronikas 30:14

Altar nani kîa yamni angkaia pliska Jerusalem ra paskan kata ba sut saki Cedrón tingnika ra lulkan.

2 Kronikas 31:1

Baha sut dauki luan ba ra, Israel luhpia nani bâra kata ba sut Juda tawanka nani ra wan, bara walpa ni lilka nani dauki bri kata ba sut kriki tikan, Aserá lilka nani ba krikan, idan gâd bahki holi pliska kata ba sin, baha dukia nani Juda ra bara Benjamín ra sin sut âpu daukan, baku sin Efraín ra bara Manasés ra kata ba, baha ningkara Israel luhpia nani kumi bani ai tawanka ra kli tawi wan.

2 Kronikas 33:22

Sakuna ai daukanka sut ba saura kan Dawan nakra ra, ai aisika Manasés daukan baku, aidul nani sut ra mayunaia sakripais daukan, ai aisika Manasés daukata ba.

2 Kronikas 33:3

idan nani gâdka bahki watla ai aisika Ezequías sauhki tikan kata ba, kli paskan; Baal altarka kata ba paskan, Aserá lilka nani sin kli daukan; baha sut purkara slilma nani kasbrika purara ba ra mayuni priaska daukan.

2 Kronikas 34:33

Josías mita Israel tasbaya aiska ra mayunra saura bahki nani dauki kan ba sut tikan, bara upla nani ba Dawan Gâd ra baman yan mayunaia. Bara witin raya kan ba ra, Dawan lâka wina tnaya ra tawi banhras kata, witin lika ai almukka nani Gâdka ba.

2 Kronikas 34:7

Altar nani ba batakan, Aserá lilka bara aidul nani ba sut yamhpus baman daukan, bara sîka mâka kîa angki dauki tibilka nani sut sauhkan Israel tasbaya aiska ra. Ba ningkara kli Jerusalem ra balan.

Lawana Nani 18:42

¡Yang bui witin nani ba, pruki akbi tasba yuya pâsa ra pâli ba baku daukri! ¡Yabal nani ra drapapa wan mina ra taibi ba baku taibri!

Impakan Sturka 23:24

Baha uplika nani ai saurka nani dauki ba, nina bliki man nani sin daukpara, witin nani gâdka ra sin lulam krikpara, mayunra sin yapara; sakuna gâd bahki nani ai walpaya playka nani aihka yamni kulki bri nani ba sut sin sauhki tiks.

Impakan Sturka 32:20

bara bîp lilka daukan kan ba alki pauta ra lulkan, bara saki mil ra mangki wauhan, yamhpus takan ba kat. Bara yamhpuska ba lî purara yakaban, bara Israel luhpia nani ra munan laya ba upla sut di banhwan.

Impakan Sturka 34:13

Man nani was bara altar diara angkaia watla bri ba bataks; lilka bahki nani bri ba kriki tiks, walpa ni lilka daukan nani ba sut âpu dauks.

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Libait Lâka 26:30

Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;

Miqueas 1:5

Jekob uplika nani, Dawan mapara buan tâka wina naha pâtka aula; Israel luhpia nani saura daukan ba tâka mita sin. ¿Jekob mita mapara buanka daukata ba, anira sa? ¡Sameria tasbaya ra sa! ¿Dawan ra kulkras lâka ra, Jekob mita lilka bahki nani paski, bahara pura sunaia watla nani mâkan ba anira sa? ¡Jerusalem tasbaya ra sa!

Kli Smalkanka 7:25

Man nani bui ai gâdka lilka nani ba angkma, kuna gul nani ba silbar dukiam briaia daukma baha wal takaskaia; baha traika kaikanka ra kauhpara, kan warkkam Dawan bui bahki kulkbia.

Kli Smalkanka 7:5

Man nani daukaia sma ba sika idan nani altarka sut batakaia, walpaya nani sut sauhki tikma, walpaya lal nani witin nani mayuni ba, aidulka nani sut angkma.

Kli Smalkanka 9:21

baha ningkara man nani paskram bîpka baha ni saura daukram ba yang briri, bara pauta ra lulkri, ningkara mil ra mangki wauhi auhya yuya baku dauki, il bîla albangkika ra yakabri.