2 Kronikas 34:3 - DAWAN BÎLA AISKA

³ Josías mani 8 king aimaki kan, witin ba kau wahma kan ba ra, witin ai almukka Debit Gâdka ba plikan. Bara mani 12 king aimakan ba ra, mahka idan nani ai pura suni pliska nani ba, Aserá lilka nani, aidul nani slilki paskan gâdka nani lilka ba sut slingban.

2 Kronikas 34:3 ပူးပေါင်းရင်းမြစ်များ

1 King Nani 13:2

bara Dawan adarka ba mita, ai bîla baikra karna wal altar ba mapara aisin: “Altar, altar: Dawan naku wisa: ‘Debit kiamka wina tukta waitna kumi aisubi takbia, ai nina ba Josías mâkbia, idan nani ai pura suni ba watla ra prîs nani bâra ba witin mita baha nani ba man puramra sakripais daukbia, man puramra kîa yamni ba sin angkbia, upla dusa nani sin witin bui man puramra angkbia.’ ”

2 King Nani 10:27

Baku sin altarka paskan kan ba krikri tikan, bara Baal tempelka kan ba sin sauhki tikan, bara dipasta lulkaika pliska daukan, baha ba naiwa yua kat baku ban sa.

2 King Nani 18:4

Witin mita sika gâd bahki nani dukia tempel ra paskan kan ba sut sakan, bara sin ai gâdka bahki nani ra yaia walpa ni paskan kan ba sin sut sauhki tikan, bara Aserá lilka paskan nani bâra kan ba sin sut klakan, bara bras piutka Moses bui daukan kata ba sin kriki pîs ra yakabata, kan Israel luhpia nani ba baha yua kat sin ban dus kîa nani angki yabi kan, bara sin ai nina ba Nehustán mâkan.

2 King Nani 20:5

“Yang upliki nani wihtka Ezequías ra tawi wih wis: ‘Dawan, man damikam Debit Gâdka ba naku wisa: Yang lika man puram sunra ba walri bara man namkra laya nani ba sin kaikri. Yang mai rakaisna, bara lapta yumhpa dimbia yua ra Dawan tempelka ra uli was.

2 King Nani 23:14

Bara sin lilka walpa ni paskan kan ba, yuya baman krikan, dus playa nani ra dawan ra kulki baku kan ba sauhki tikan, bara baha watlika ra upla dusa nani wal baman banhkan.

2 King Nani 23:4

Bamna king ba mita prîs tara Hilquías ra adar yaban, bara prîs wala nani ra, baku sin dur ra aihwawakra nani ra, Dawan tempelka ba wina diara nani bâra ba sut sâkbia, baha dukia Baal Aserá wal dukiara daukan nani ba, lilka bahki nani, slilma ra mayunaia daukan nani ba sin sut, bara Jerusalem ba wina latara saki bri si, Cedrón twiya kat angkan luan; bara baha yamhpuska nani ba yaban Betel kat sin brih wan.

1 Kronikas 22:5

Bara Debit luki kaikan: “Yang luhpi Salaman ba kau tuktan sa, mani wiria baman brisa, bara Dawan tempelka mâkaia ba lika tara pali kaia, upla sut bui sin yamni kulkan kaia tasba aiska ra; baku bamna, diara sut wapnika dauki swimna.” Baku ba mita, Debit lika witin kau pruras kan ba ra, diara ailal pali wapni dauki swin kata.

1 Kronikas 28:9

Bamna man, luhpi Salaman, aisikam Dawanka ba kakaira taks, bara ai dukia dauks kupia kasak ni, kupiam pihni lâka ra, kan Dawan lika upla sut kupia tânka pliki kaikisa, bara dîa wan lukanka ra ba sut pali tânka brisa. Bara man bui witin ba plikma kaka sâkma, sakuna witin ba man swima kaka, witin bui ban kaia ra mai lulkbia.

1 Kronikas 29:1

Baha ningkara aidrubanka aiska ra king Debit bui win: “Luhpi Salaman baman sa Dawan bui bâk sakan ba, witin wahma pali sa, mani kulki baman brisa, sakuna wark na lika tara pali sa, kan tempel ba upla dukia apia sa, sakuna baha ba Dawan dukia sa.

2 Kronikas 14:6

Baha piua nani sut brin ba, kupia yamni lâka bâra kan, aiklabaia lâka âpu kan upla wal, kan Dawan bui kupia kumi lâka yaban kan bamna. Baha pali piua ra Asá ba Juda ra tawan nani paskan, kaina sunaika nani sin.

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 30:14

Altar nani kîa yamni angkaia pliska Jerusalem ra paskan kata ba sut saki Cedrón tingnika ra lulkan.

2 Kronikas 33:15

Baha purkara witin Dawan tempelka ba wina tringsar nani gâdka ba, aidul nani ba sut sakan, idan altarka paskan kan ba sin sut sakan, Jerusalem ra, ilka nani purara, idan tempelka nani ba sin tawan wina sut saki lulkan.

2 Kronikas 33:17

Ban sakuna, upla nani ba ban aidul ra tempel ra sakripais dauki ai pura suni kan, ai Dawan Gâd ra mayunra yabi kan sakuna.

2 Kronikas 33:22

Sakuna ai daukanka sut ba saura kan Dawan nakra ra, ai aisika Manasés daukan baku, aidul nani sut ra mayunaia sakripais daukan, ai aisika Manasés daukata ba.

2 Kronikas 34:33

Josías mita Israel tasbaya aiska ra mayunra saura bahki nani dauki kan ba sut tikan, bara upla nani ba Dawan Gâd ra baman yan mayunaia. Bara witin raya kan ba ra, Dawan lâka wina tnaya ra tawi banhras kata, witin lika ai almukka nani Gâdka ba.

Lawana Nani 119:9

¿Nahki wahma kum sip kabia, ai rayaka ba tâski âpu briaia? ¡Man bîlam dîa wi ba kat dauki ba mita!

Lawana Nani 71:5

Dawan, man sika yang wahma katna ba wina bîla kaikanka bara pât âpu ai brisma ba.

Impakan Sturka 34:13

Man nani was bara altar diara angkaia watla bri ba bataks; lilka bahki nani bri ba kriki tiks, walpa ni lilka daukan nani ba sut âpu dauks.

Sins Lâka 20:11

Ai daukanka nani tâka mita latan kaikan sa, wahma kum wapni wapisa kaka.

Sins Lâka 8:17

latwan ai kaiki uplika nani ra, yang mita latwan kaikisni; bara ya nani ai pliki ba ai sakisa.

Smasmalkra 12:1

Man kau wahma bara tiara sma ba yua nani ra, Papaskrikam ra kupiam krauki bas, kau piua saura mai alkras ba ra; mankam nani balbia bara wima: “Baha wal liliaka kumi sin briras kapri.”

Libait Lâka 26:30

Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;

Miqueas 1:5

Jekob uplika nani, Dawan mapara buan tâka wina naha pâtka aula; Israel luhpia nani saura daukan ba tâka mita sin. ¿Jekob mita mapara buanka daukata ba, anira sa? ¡Sameria tasbaya ra sa! ¿Dawan ra kulkras lâka ra, Jekob mita lilka bahki nani paski, bahara pura sunaia watla nani mâkan ba anira sa? ¡Jerusalem tasbaya ra sa!

Matiu 6:33

Bahamna man nani, lukankam aiska ba Gâd King aimaki ba lâka ra dîa daukaia mai aisi ba ra luks, bara baha diara nani ba sin sut brima.

2 Timoti 3:15

kan tuktan lupia piua wina man ba Ulbanka holikira nani kakaira sma, bara baha nani mita sins maikaia sip sa, bara Kraist Jisas ra kasak lukan lâka bri mita, baha nani sin swaki mai sakaia sip sa.