2 Kronikas 34:25 - DAWAN BÎLA AISKA

²⁵ Kan yang ra ai lulki swi bara sîka mâka kîa gâd bahki nani ra angki daukan bamna, yang maipara kupi tuskan lâka brih balan ai daukanka ba wal; baha mita kupi sauhkanka naha pliska ra balan, bara baha ba dasbia apia.

2 Kronikas 34:25 ပူးပေါင်းရင်းမြစ်များ

2 King Nani 22:17

Kan yang ra ai swi si, gâd bahki nani ra kîa yamni nani angki yabi kan, baku kupi uya sauhkan, ai mihta warkka nani daukan ba wal. Bamna yang latwanki ba witin nani mapara sa, bara sin sip pali dasbia apia.

2 Kronikas 12:2

Baha nani lukras kan Dawan ra, bara king Roboam ai kingka lâka mani matsip bri kan ba ra, Sisac, Idsip kingka ba, war daukan Jerusalem mapara,

2 Kronikas 12:7

Dawan kaikan baha nani bawan lâka brin, bara Semaías ra win: “Witin nani bawan bamna, yang sauhki tikamna apia, tisku pali pri daukamni, bara Sisac ra sin yarka lawanki Jerusalem purara bri wabia apia;

2 Kronikas 15:2

bara taki wan Asá wal prawaia, bara naku wiaia: “¡Asá, man ai wals, bara Juda bara Benjamín uplika sut! Dawan ba man nani wal sa, man nani sin witin wal sma kaka. Man nani bui witin plikma kaka, saki banhma; sakuna witin wina laihura wama kaka, witin sin mai swibia.

2 Kronikas 24:18

bara witin nani Dawan tempelka ba mahka swin, ai damika nani Gâdka kata ba, bara Aserá gâdka lilka nani ra mayunan, aidul wala nani ra sin. Naha saurka tâwan, Dawan ai kupia sauhkan Juda bara Jerusalem ra sin.

2 Kronikas 34:26

Bamna Juda kingka ra wis, Dawan ra makabi walaia blikan ba, Dawan, Israel Gâdka ba, naku wisa: Man walaia apia kapram bara ai walram bamna,

Esdras 5:12

Sakuna baha ningkara, yang nani damiki nani Gâdka laih purara iwi ba mapara saura dauki banhri tâwan, Nabucodonosor, witin Caldea uplika Babilon kingka kan ba mihta ra wan mangkan, naha tempelka sin sut sauhki tikan, bara upla nani kan ba alki Babilon ra bri si taiban lâka ra bri kan.

Aiseya 42:25

Baha mita, witin yawan wan purara ai kupia baiwanka ba laikan, bara war karnika ba sin; tnaya bani ra pauta klauhan mangkan, sakuna yawan tânka briras, witin âpu wan daukan, sakuna yawan baku sin kau ai bîla walras.

Jirimaya 22:9

Bara witin nani pana wibia: ‘Dawan ai Gâdka witin nani wal lâ daukan lâka ba witin nani swin ba mita, bara gâd wala nani ra witin nani mayuni ai pura sunan ba tâwan baku munan.’ ”

Jirimaya 4:4

Juda Jerusalem wal uplika nani, man nani Aisa sainka bris bara Dawankam ai kulks, wal lâ daukan lâka ba kupiam ra bris; baha apia kaka, man nani daukankam saura nani ba mita, kupi baiwanka ba pauta klauhi baku mai angkbia, aswi kabia, upla kumi sin sip daskbia apia.

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Inanka Nani 2:3

Witin ai kupia baiwanka ra, Israel karnika aiska ba klaki dakban. Yawan wina laihura sakan ai hilpka karnika ba, wan waihla mapara buan piua ra; ¡Jekob ra pauta laknika kum yan klauhan, sauhki tiki kan dîa wal prawi bani ba!

Inanka Nani 2:4

Dawan ai pantamangkika ba aubi bulkan sa, waihla kum baku, mapara aiklaklabra kum baku, wan nakra ni kaiki yamni ba sauhki tikan sa; witin ai lawanka ba pauta klauhan baku yan, Saion pranakira ba purara kauhan kata.

Inanka Nani 4:11

Dawan ai lawanka tara brin, bara ai kupia baiwan laptika aiska pali ba yakaban; bara Saion kat pauta blikan, bara ai plamaika tara nani sut sin ami luan.

Isikiel 20:48

Bara tasba aiska kaikbia yang, Dawan sna ba, yang pautika angkri, baha pata klauhan daskbia apia.’ ”

Isikiel 36:18

Baku mika kupi sauhkanka, witin nani purara mangkri upla nani kuntrika tikan ba tâwan, bara baku tâski daukan aidul nani ra mayunan,

Emus 5:6

Dawan ra pliks, bara man nani raya kama; natka wala ra kaka, witin mita pauta klauhan blîkbia Israel luhpia nani purara, bara Betel ra upla âpu kabia naha daskaia.

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.