2 Kronikas 34:14 - DAWAN BÎLA AISKA

¹⁴ Lalah nani tempel ra bri sal yabi kan ba saki kan ba ra, tila ba wina sakan Dawan lâka ulban wauhkataya ba, Moses baku yan ba.

2 Kronikas 34:14 ပူးပေါင်းရင်းမြစ်များ

2 King Nani 18:18

Ba ningkara king ra paiwan balbia bâra witin nani wal prawaia dukiara. Eliaquim, Hilquías luhpia ba, king watla pura kakaira ba, Sebná sturi âiulbra ba bara king wauhkataya âiulbra, Joah, Asaf luhpia, witin sika king wauhtaika âiulbra ba.

2 Kronikas 12:1

Roboam kingka lâka karna takan, bara witin ai dahra walan witin ba karna sa, bamna Gâd lâka wina tnaya ra tawan, Israel luhpia nani sut sin witin daukan baku daukan.

2 Kronikas 31:4

Baku sin Jerusalem ra iwi kan nani ra adar yan prîs nani bara Libait nani ra yabia dîa yaia kan ba, Dawan lâka ra win ba kat daukaia, bara witin nani ai piua aiska Dawan warkka ra yabia.

2 Kronikas 34:15

Bara minitka ra Hilquías mita sturi âiulbra Safán ra win, Dawan lâka ulban wauhkataya ba tempel watla ba wina sakan, bara Hilquías mita sturi âiulbra Safán ra lâka ulban wauhkataya ba yaban bara aisi kaikan.

2 Kronikas 34:9

Bamna naha uplika nani ba prîs tara Hilquías ra kaikaia wan, bara witinka ra bri si yan lalah nani upla mita Dawan tempelka ra sal yabi kan ba, baku sin Libait dur aihwawakra nani wahbi asla dauki kan ba, Manasés bara Efraín ra, naha na Israel luhpia nani kau takaskan ba wina, baku sin Juda bara Benjamín wina, sim baku Jerusalem uplika nani wina.

2 Kronikas 35:26

Josías sturka nani bara diara kasak nani daukan sut ba, Dawan lâka wauhkataya ra ulban ba baku,

Esdras 7:10

Esdras ba ai kupia aiska kira pali Dawan lâka ba laki kaiki, lâka tânka nani ba briaia plikan, Dawan lâka ba yaka upla sut daukaia, bara Israel luhpia nani ra sin ai lâka nani ba smalkaia, baku sin lâ wala ulban nani ba.

Lawana Nani 1:2

Sakuna witin Dawan lâka ra ai latwanka lâka ba brisa; bara baha lâka dukiara kakna ra bara tihmia ra sin ai kupia wal aisisa.

Aiseya 30:9

Kan naha uplika nani na, mapara babura nani sa, kuninkira nani luhpia, witin nani na Dawan lâka ba walaia brin daukras.

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Jirimaya 8:8

¿Nahki man nani wiaia sip sma diara tânka brabrira nani sma, Dawan lâka ba sin brisma? ¡Sturi âiulbra nani ba, daiwan tnawa ba buski kunin baman ulban!

Libait Lâka 10:11

Bara man nani tawi, Israel luhpia nani sut ra naha lâka smalkma, Gâd bui Moses ra lâ nani yan ba lâka tilara naha brima.”

Libait Lâka 26:46

Naha lâka nani adarka nani na sika Gâd lâka nani ba, lâ wala nani sin Moses ra smalki yan ba Dawan mita Sainai ilka ra, witin bara Israel luhpia nani aikuki lâka ba.

Libait Lâka 8:36

Bamna Eran ai luhpia waitna nani aikuki, Dawan bui Moses ra dîa lâ nani daukaia win ba, baha lâka nani ba witin nani bîla wali daukan.

Luk 2:39

Dawan lâka ra dîa mangkan ba sut dauki tnata alkan ba ra, witin nani ai tawanka pali Nasaret ra balan, baha ba Galili tawanka ra sa.

Jasua 1:8

Piua bani Dawan lâka bîla wauhkataya ba aisi kaiki bas, kakna bara tihmia bahara dîa daukaia ulban ba dauki kaia dukiara. Baku diara sut daukisma ba yamni baman takbia.