2 Kronikas 33:9 - DAWAN BÎLA AISKA

⁹ Sakuna Manasés daukan Juda bara Jerusalem ra aiska sut ba yabal saura ra wabia, bara saurka nani kau manis daukan, nisan wala nani Dawan bui sauhki tikata ba Israel wal.

2 Kronikas 33:9 ပူးပေါင်းရင်းမြစ်များ

1 King Nani 14:16

Bara Dawan bui Israel ba mihta ra mangkan kabia, Jeroboam saurka tâwan, witinka saura pali daukan bara Israel ra sin yan saura daukaia.

1 King Nani 15:26

Bara ai daukanka ba Dawan mawanra saura kan, ai aisika dîa dauki kan baku daukan. Israel luhpia nani ra yaban saurka nani ba daukaia.

2 King Nani 21:16

Baha purkara Manasés Juda ra saura daukan, baha daukan ba Dawan yamni kaikras kan, upla uya tâlia laikan Jerusalem ra, bara banhki takan tâ kum wina tâ wala kat.

2 King Nani 23:26

Baha yamnika nani daukan ba sut purkara Dawan lawanka ba sip takaskras kan Juda mapara, baha Manasés daukanka saura mita ai kupia sauhkan kan bamna.

2 Kronikas 28:19

Dawan ai brinka kan Juda ra swira paskaia, kan Juda kingka Ahaz tâka mita sika witin nani saura daukaia lan takan, bamna witin ba kasak lukras kan Dawan ra.

2 Kronikas 33:10

Dawan bui Manasés ra bara ai uplika nani ra sin aisin, sakuna witin nani Dawan ra walras kan.

2 Kronikas 33:2

Sakuna witin saura daukan Dawan mawanra, kan nisan wala nani saurka daukan, Israel luhpia nani mawanra bara Dawan mita kangbi sakata ba baku:

2 Kronikas 33:8

Bamna kli aima wala ra, Israel luhpia nani ba sakan kabia apia, baha tasbaya damika nani ra yâri ba wina dîa yang adarka yâri ba dauki kabia kaka, baha sin dîa lâka albiki Moses yan ba daukisa kaka.”

Sins Lâka 29:12

Wihta kum upla kuninkira kum bîla aman walbia kaka, ai dukia dadaukra nani sut ba upla watawikira man daukbia.

Isikiel 5:7

“Baha mita yang, Dawan, naku wisna: Man nani kau kiamapara takram, nisan wala nani sut purkara, tasba aiska purkara, lâika mai smalkri ba walras katma, bîla ba sin sip alkras katma, ban sin lamara nisan wala nani lâka ba kat sin daukras katma.

Libait Lâka 18:24

“Baha nani kumi wal sin tâski takaia apia sma, upla wala nani ba sika baku tâski takan, baha mita witin nani ba man nani tilam wina saki lulkamna.

Miqueas 6:16

Man nani king Omrí lâka nani kat, baku sin Ahab kiamka warkka saura nani lâka kat nina bliki saura daukram. Witin nani dîa daukan baku man sin daukram. Bahamna man nani ba upla sâtka sut nakra ra diara saura mai kaikaia mai daukamna, bara bahki mai kulki lamwaska kiki kabia; upliki nani swira lâka kaia ba sut, man nani puramra kauhbia.”

Kli Smalkanka 2:21

Witin nani tawan tara, upla ailal pali kan, tarka tara, braka yari, nana sin yari, Anac masraka baku kan. Sakuna Dawan bui Amón uplika nani mihta ra swin âpu daukan, bara witin nani baha tasbaya ra takaskan.

Jasua 24:8

amorreo nani tasbaya ra mai bri balri ba kat, Jordan lalma tani ra. Witin nani mampara aiklaban, sakuna yang pura luaia maikri; bara man nani sauhki tiki, tasbaya ba dawanka takram.